spot_img
Homeຂ່າວການພັດທະນາລັດຖະບານລາວ ເຊັນສັນຍາເງິນກູ້ດອກເບ້ຍຕ່ຳ ກັບທະນາຄານສົ່ງອອກ-ນຳເຂົ້າ ສ ເກົາຫລີ

ລັດຖະບານລາວ ເຊັນສັນຍາເງິນກູ້ດອກເບ້ຍຕ່ຳ ກັບທະນາຄານສົ່ງອອກ-ນຳເຂົ້າ ສ ເກົາຫລີ

Published on

ວັນທີ 28 ພະຈິກ 2017, ກະຊວງການເງິນ, ຕາງໜ້າລັດຖະບານແຫ່ງ ສປປ ລາວ ເຊັນສັນຍາເງິນກູ້ດອກ​ເບ້ຍ​ຕ່ຳ ກັບທະ ນາຄານສົ່ງອອກ-ນຳເຂົ້າ ສ ເກົາຫລີ ​ໂດຍ​ຜ່ານ​ກອງ​ທຶນ ກອງ​ທຶນຮ່ວມມືເພື່ອການພັດທະນາເສດຖະກິດ ຫລື EDCF ​ໃນມູນຄ່າ 122.605.000 ໂດລາສະຫະລັດ, ເພື່ອຈັດຕັ້ງປະຕິບັດ 2 ໂຄງການ ຄື: ໂຄງການກໍ່ສ້າງໂຮງໝໍທັນສະໄໝ 5 ເມສາ, ມູນຄ່າ 65 ລ້ານ ໂດລາສະຫະລັດ ​ແລະ ໂຄງການປ້ອງ​ກັນ​ຕະ​ຝັ່ງເຈື່ອນແມ່ນໍ້າຂອງ ຢູ່ນະຄອນ ຫລວງວຽງຈັນ ໄລຍະ 2 ມູນຄ່າ 57.605.000 ໂດລາສະຫະລັດ. ​ໂດຍ​ການ​ຮ່ວມ​ລົງ​ນາມ ລະຫວ່າງ ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ ກະຊວງການເງິນ ແລະ ທ່ານ ຣີເທຢອງ ຫົວໜ້າຫ້ອງການ ຜູ້ຕາງໜ້າທະນາຄານ ສົ່ງອອກ-ນຳເຂົ້າ ສ ເກົາຫລີ ປະຈຳນະຄອນ ຫລວງຢາງກຸງ, ປະເທດມຽນມາ.

ຈຸດປະສົງຂອງໂຄງການ ກໍ່ສ້າງໂຮງໝໍທັນສະໄໝ ແມ່ນເພື່ອສ້າງ ແລະ ຂະຫຍາຍໂຮງໝໍ 5 ເມສາ ທີ່ມີຢູ່ໃນປັດຈຸບັນ ໃຫ້ເປັນໂຮງໝໍທີ່ສາມາດຮອງຮັບຄົນເຈັບໄດ້ 300 ຕຽງ, ມີລະບົບການຄຸ້ມຄອງດ້ານ ຂໍ້ມູນທີ່ ທັນສະໄໝ ເພື່ອຮັບປະກັນຍົກລະດັບ ການໃຫ້ບໍລິການທີ່ວ່ອງໄວດີຂຶ້ນ, ມີລະບົບເຄື່ອງມືການແພດທີ່ທັນສະໄໝ ຮັບປະກັນຮັບໃຊ້ ການກວດສຸຂະພາບ ແລະ ປິ່ນປົວພະນັກ ງານ, ທະຫານ, ຕຳຫລວດ ແລະ ປະຊາຊົນທົ່ວໄປ. ພ້ອມນັ້ນ, ໂຄງການຍັງຈະສ້າງໂອ ກາດໃນການຍົກລະດັບ ການປິ່ນປົວໃຫ້ແພດໝໍ ແລະ ພະນັກງານບໍລິຫານຂອງໂຮງໝໍ ເພື່ອຮັບປະກັນການໃຫ້ ບໍລິການສາທາລະນະສຸກທີ່ດີຂຶ້ນ. ສ່ວນໂຄງການປ້ອງ​ກັນ​ຕະ​ຝັ່ງເຈື່ອນແມ່ ນໍ້າຂອງ ຢູ່ນະຄອນຫລວງວຽງຈັນ ໄລຍະ 2 ເປັນໂຄງການສືບຕໍ່ຂອງໂຄງການໄລຍະ 1 ທີ່ ສ ເກົາຫລີ ໄດ້ໃຫ້ການສະໜັບສະໜູນທຶນໃນການ ຈັດຕັ້ງແຕ່ປີ 2008 ເປັນຕົ້ນມາ. ​ເຊິ່ງ​ໂຄງການ​ໄລຍະ 2 ນີ້ ແມ່ນຈະສືບຕໍ່ ປ້ອງກັນນ້ຳຖ້ວມ, ດິນເຊາະເຈື່ອນ ແລະ ພັດທະນາພື້ນຖານໂຄງລ່າງ ບໍລິເວນລຽບແຄມແມ່ນໍ້າຂອງ, ໂດຍຈະກໍ່ສ້າງຄູປ້ອງກັນນ້ຳຖ້ວມ ແລະ ຕາຝັ່ງເຈື່ອນ ຄວາມຍາວ 8,36 ກິ​ໂລ​ແມັດ ແຕ່ເຂດຫລັກ 4 ໄປເຖິງຫາດ ດອກແກ້ວ,  ຈະກໍ່ສ້າງສວນສາທາລະນະເນື້ອທີ 4 ເຮັກຕາ ເພື່ອເປັນສະຖານທີ່ທ່ອງທ່ຽວ ແລະ ຈະກໍ່ສ້າງເສັ້ນທາງລຽບແຄມແມ່ນ້ຳຂອງຍາວ 4,4 ກິ​ໂລ​ແມັດ, ແຕ່ເຂດເກົ້າລ້ຽງ ຫາບ້ານຂຸນຕາທ່າ ເພື່ອລະບາຍການສັນຈອນ ຂອງລົດເຂດດັ່ງກ່າວ ທີ່ນັບມື້ນັບແອອັດ.

ສໍາລັບການຮ່ວມມື ລະຫວ່າງ ສປປ ລາວ ກັບ EDCF ໄລຍະ 2016-2019, ສ ເກົາຫລີ ຈະສະໜອງເງິນກູ້ດອກເບັ້ຍຕໍ່າ ​ໂດຍຜ່ານກອງທຶນ EDCF ໃຫ້ ສປປ ລາວ ມູນຄ່າ 300 ລ້ານໂດລາສະຫະລັດ ເພື່ອຈັດຕັ້ງປະຕິບັດບັນດາ ໂຄງການທີ່ມີຜົນຕອບ ແທນດ້ານເສດຖະກິດ ແລະ ປະກອບ ສ່ວນໃຫ້ການພັດທະນາເສດຖະກິດສັງຄົມ, ຫລຸດດຜ່ອນຄວາມທຸກຍາກ ຂອງປະຊາຊົນ,​ ເຊິ່ງໂຄງການກໍ່ສ້າງໂຮງໝໍທັນສະໄໝ ແລະ ໂຄງການປ້ອງ​ກັນ​ຕະ​ຝັ່ງເຈື່ອນແມ່ນໍ້າຂອງ ຢູ່ນະຄອນຫລວງວຽງຈັນ ໄລຍະ 2 ນີ້ ເປັນສອງໂຄງການທຳອິດ ທີ່ໄດຮັບການ ສະໜັບສະໜູນທຶນ ໃນໄລຍະການຮ່ວມມືດັ່ງ ກ່າວ.

 

ແຫລ່ງຂ່າວ : ຈັນທະລອນ ແລະ ພາບທະນູທອງ (ສຳນັກຂ່າວສານປະເທດລາວ)

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...