spot_img
Homeຂ່າວທ້ອງຖິ່ນລັດຖະບານຈະໃຫ້ການຊ່ວຍເຫຼືອດ້ານເບ້ຍລ້ຽງນັກສຶກສາລາວທີ່ຍັງຢູ່ເມືອງ ອູຮັ່ນ

ລັດຖະບານຈະໃຫ້ການຊ່ວຍເຫຼືອດ້ານເບ້ຍລ້ຽງນັກສຶກສາລາວທີ່ຍັງຢູ່ເມືອງ ອູຮັ່ນ

Published on

ໜັງສືພິມວຽງຈັນທາມລາຍງານວ່າ ໃນວັນທີ 6 ມີນາ ທີ່ຜ່ານມາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້ນໍາສະເໜີຕໍ່ລັດຖະບານ ເພື່ອໃຫ້ການຊ່ວຍເຫຼືອແບ່ງເບົາພາລະຂອງນັກສຶກສາ 43 ຄົນ ທີ່ຕິດຄ້າງຢູ່ເມືອງ ອູຮັ່ນ.

ຕາມແຜນແມ່ນຈະໃຫ້ 200 ໂດລາສະຫະລັດ ຕໍ່ຄົນຕໍ່ເດືອນ ໃນໄລຍະເດືອນ ມີນາ ແລະ ເດືອນ ເມສາ 2020 ເຊີ່ງການຊ່ວຍເຫຼືອດັ່ງກ່າວ ແມ່ນໄດ້ຮັບການຢືນຢັນໃນການຖະແຫຼງຂ່າວຮ່ວມລະຫວ່າງກະຊວງ ສຶກສາທິການ ແລະ ກິລາ, ກະຊວງ ການຕ່າງປະເທດ ແລະ ກະຊວງ ສາທາລະນະສຸກ ທີ່ຈັດຂຶ້ນໃນຕອນບ່າຍວັນທີ 10 ມີນາ ທີ່ຜ່ານມາ.

ໃນຜ່ານມາ, ກະຊວງສຶກສາທິການ ແລະ ກິລາ ໄດ້ຊ່ວຍເຫຼືອໂດຍກົງໃຫ້ນັກສຶກສາ ຈໍານວນ 15 ລ້ານກີບ ຜ່ານສະມາຄົມມິດຕະພາບ ລາວ-ຈີນ 5 ລ້ານກີບ ແລະ ກະຊວງການຕ່າງປະເທດ ໄດ້ຊີ້ນໍາໃຫ້ສະຖານກົງສູນໃຫຍ່ ສປປ ລາວ ທີ່ເມືອງ ຊາງຊາ ໃຫ້ການຊ່ວຍເຫຼືອ ລວມເປັນເງິນ 40.000 ຢວນ ພ້ອມດ້ວຍໃຫ້ຄໍາປຶກສາ ແນະນໍາເປັນປົກກະຕິຕໍ່ນັກສຶກສາລາວ.

ເມືອງ ອູຮັ່ນ ເປັນສູນກາງຂອງການລະບາດເຊື້ອຈຸລະໂລກສາຍພັນໃໝ່ 2019 ທາງຝ່າຍຈີນໄດ້ເອົາໃຈໃສ່ຊ່ວຍເຫຼືອນັກສຶກສາລາວ ແລະ ຊາດອື່ນໆ ທີ່ຍັງຢູ່ເມືອງ ອູຮັ່ນ ແລະ ບັນດາແຂວງອື່ນໆ ດ້ວຍຄວາມຮັບຜິດຊອບສູງ, ປະຈຸບັນ ຈໍານວນນັກສຶກສາລາວ ນອກຈາກ 43 ຄົນ ທີ່ຕິດຄ້າງຢູ່ ເມືອງ ອູຮັ່ນ ແລ້ວກໍ່ຍັງມີຢູ່ ແຂວງອື່ນໆ ໃນ ສປ ຈີນ ຕື່ມອີກ 87 ຄົນ. ສໍາລັບນັກສຶກສາທີ່ຢູ່ເມືອງອື່ນໆແມ່ນບໍ່ໄດ້ຖືກຈໍາກັດການໄປມາຄືກັບນັກສຶກສາຢູ່ ເມືອງ ອູຮັ່ນ.

ອ່ານຂ່າວທີ່ກ່ຽວຂ້ອງກັບຫົວຂໍ້ຂ່າວຍ້ອນຫຼັງໄດ້ທີ່ລິ້ງ: ລັດຖະບານລາວຈະໃຫ້ການຊ່ວຍເຫຼືອນັກສຶກສາລາວ 43 ຄົນຢູ່ເມືອງອູຮັ່ນ

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...