spot_img
Homeຂ່າວພາຍ​ໃນລະວັງໂຈນຊີງຊັບມາໃນຮູບແບບໃຫມ່

ລະວັງໂຈນຊີງຊັບມາໃນຮູບແບບໃຫມ່

Published on

ລະວັງໂຈນຊີງຊັບມາໃນຮູບແບບໃຫມ່
ລະວັງໂຈນຊີງຊັບມາໃນຮູບແບບໃຫມ່

 

ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ປັດຈຸບັນໄດ້ມີກຸ່ມຄົນບໍ່ດີ ເຄື່ອນໄຫວ ຊີງຊັບໂດຍສະເພາະແມ່ນໃນຫົວໜ່ວຍແລກປ່ຽນເງິນຊຶ່ງຄົນ ຮ້າຍໄດ້ມີ ການປອມເປັນລູກຄ້າເຂົ້າ ມາແລກປ່ຽນເງິນ ແລະ ໃນຂະນະພະນັກງານບໍລິການ ຂາດສະຕິພວກເຂົາຈະສວຍໂອກາດລັກ ຖອດເອົາເງິນທີ່ແລກປ່ຽນນັ້ນ ທັນທີ ແລ້ວຫຼົບໜີໄປ, ຊຶ່ງສະພາບດັ່ງກ່າວນີ້ ໄດ້ເກີດຂຶ້ນມາຫຼາຍກໍລະນີແລ້ວຄື:

ເຈົ້າໜ້າທີ່ ໃຫ້ຮູ້ວ່າ: ໄດ້ມີຄົນຮ້າຍຊີງຊັບເກີດຂຶ້ນຫຼາຍກໍລະນີພົ້ນເດັ່ນ ແມ່ນການຊີງຊັບ ຂອງກຸ່ມຊາວຕ່າງປະເທດ ທີ່ເຂົ້າມາແລກປ່ຽນເງິນຕາຕາມຫົວໜ່ວຍແລກປ່່ຽນເງິນຕ່າງໆກ່ອນຈະລົງມືລັກ ເອົາເງີນທີ່ແລກປ່ຽນນັ້ນຫຼົບໜີໄປຄື: ເມື່ອບໍ່ ດົນມານີ້ ໄດ້ມີຄົນຈີນ 3 ຄົນ ເຂົ້າມາລັກເອົາເງີນໃນຮ້ານແລກປ່ຽນເງິນຕາແຫ່ງ ໜຶ່ງຢູ່ບ້ານ ສີສະຫວາດ ເມືອງຈັນທະບູລີ ນະ ຄອນຫຼວງວຽງຈັນ ກຸ່ມຄົນຈີນດັ່ງກ່າວ ໄດ້ເຂົ້າມາພາຍໃນຮ້ານແລກປ່ຽນເງິນ

ສົມໝາຍ (ເປັນຮ້ານ ຂອງ ນາງ ວິໄລພອນ) ຢູ່ ບ້ານ ໜອງບອນ, ໂດຍກຸ່ມຄົນຮ້າຍໄດ້ໃຊ້ຮູບການປ່ຽນຈາກເງິນໂດລາເປັນ ເງິນບາດ (ສະກຸນເງິນໄທ) ແຕ່ພາຍຫຼັງທີ່ພະນັກງານນຮ້ານຢື່ນເງິນທີ່ຈະແລກໃຫ້ກຸ່ມຊາຍດັ່ງກ່າວກໍຈະຈັບເອົາເງິນແລ້ວລັກ ຖອດເອົາຈຳນວນໃດໜຶ່ງອອກຕໍ່ຫນ້າຕໍ່ຕາ ແລ້ວກໍ ຈະພາກັນຫຼົບໜີໄປພ້ອມກັບເງິນທີ່ມາແລກ ແລະ ອີກເຫດການ ໜຶ່ງເກີດ ໃນທ້າຍອາທິດຜ່ານມາ ຢູ່ຮ້ານແລກປ່ຽນເງິນຕາແຫ່ງ ໜຶ່ງຢູ່ທີ່ຕະຫຼາດເຊົ້າຊ໋ອບປີງມໍ ຊຶ່ງມີຊາວຕ່າງປະເທດສອງຄົນເຂົ້າມາ ຂໍແລກປ່ຽນເງິນ 10 ພັນໂດລາ ເປັນເງິນນບາດພາຍຫຼັງເຈົ້າຂອງຮ້ານກຳລັງນັບເງິນດັ່ງກ່າວຄົນຮ້າຍກໍທຳທ່າຂໍນັບເງິນທີ່ແລກ ນັ້ນກ່ອນຈະລັກຖອດໄປຈຳນວນໜຶ່ງແລ້ວຫຼົບໜີໄປພ້ອມກັບເງິນທີ່ນຳມາແລກ, ຕໍ່ກັບປາກົດການນີ້ຈຶ່ງຂໍເຕືອນໃຫ້ສັງຄົມ ມີຕະສິລະວັງຕົວກັບພຶດຕິກຳ ເລ່ຫຼ່ຽມຂອງຄົນບໍ່ດີຊຶ່ງເປັນຮູບ ການໃໝ່ທີ່ເກີດຂຶ້ນ ແລະ ມີສະຕິການປ້ອງກັນຕົວໃຫ້ດີ ເພື່ອບໍ່ໃຫ້ກຸ່ມຄົນບໍ່ດີດັ່ງກ່າວສວຍໂອກາດລັກເອົາຊັບສິນໄປໄດ້ງ່າຍ.

ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນອາທິດຜ່ານມານີ້ ຢູ່ນະຄອນຫຼວງວຽງຈັນມີປາກົດການຫຍໍ້ທໍ້ເກີດ ຂຶ້ນ 50 ກວ່າເລື່ອງທຽບໃສ່ໄລ ຍະດຽວກັນຜ່ານມາເພີ່ມຂຶ້ນ 10 ກ່ວາເລື່ອງ ຊຶ່ງພົ້ນເດັ່ນແມ່ນສະ ພາບລັກຊັບ-ຊີງຊັບ ພົນລະ ເມືອງໂດຍມີຜົນເສຍຫາຍຫຼາຍຮ້ອຍລ້ານກີບ, ລົດໃຫຍ່ 3 ຄັນ, ລົດຈັກ 10 ກວ່າຄັນ ແລະອື່ນໆອີກ.

ທີ່ມາ http://laophatthananews.blogspot.com/2014/05/blog-post_6462.html

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...