spot_img
Homeຂ່າວ​ໄອ​ທີລວມ 9 ເທັກໂນໂລຈີທີ່ໜ້າສົນໃຈໃນງານ CES 2017

ລວມ 9 ເທັກໂນໂລຈີທີ່ໜ້າສົນໃຈໃນງານ CES 2017

Published on

     ເວົ້າໄດ້ວ່າເລີ່ມເຂົ້າສູ່ປີ 2017 ມານີ້, ເທັກໂນໂລຈີໃນໂລກເຮົາກໍທະຍອຍເລີ່ມມີການປ່ຽນແປງກັນຫຼາຍຂຶ້ນຄືກັບໃນງານ Consumer Electronics Show  (CES 2017) ທີ່ເປັນປີແຫ່ງການປ່ຽນແປງເທັກໂນໂລຈີຄັ້ງໃຫຍ່ທີ່ມີເທັກໂນໂລຈີຕ່າງໆເກີດຂຶ້ນມາຫຼາກຫຼາຍພາຍໃນງານນີ້ ເຊິ່ງຈັດຂຶ້ນທີ່ Las Vegas Convention ແລະ World Trade Center ສະຫະລັດອາເມຣິກາ ແລະມື້ນີ້ເຮົາຈະມານຳສະເໜີ 9 ເທັກໂນໂລຈີໃໝ່ໆທີ່ເກີດຂຶ້ນໃນງານ. 

 

1. ທີວີລ່ອງຫົນຈາກ LG

     ຖືວ່າເປັນບ່ອນຮືຮາຫຼາຍສຳລັບທີວີຈາກຄ່າຍ LG ເຊິ່ງເປັນທີວີທີ່ໃຊ້ໜ້າຈໍໂຄ້ງແບບ OLED ລຸ້ນ W7 ທີ່ມີຄວາມຄົມຊັດສູງ, ສີສັນທີ່ສົດ ແລະມີຄວາມໜາພຽງແຕ່ 2.5 mm ເທົ່ານັ້ນ! ໂດຍຄວາມລ່ອງຫົນນັ້ນຄືເມື່ອເປີດຈໍທີວີສາມາດແນມຜ່ານທະລຸຈໍໄດ້ເພາະຈໍຈະມີຄວາມໂປ່ງໃສນັ້ນເອງ. 

2. ລົດຈັກ Honda ທີ່ສາມາດຊົງໂຕໄດ້ເອງ

     ສຸດຍອດນະວັດຕະກຳຈາກ Honda ກັບລະບົບ Riding Assistant Technology ໃນລົດຈັກເພື່ອເພີ່ມຄວາມປອດໄພ ແລະຄວາມສະດວກໃຫ້ກັບຜູ້ຂັບຂີ່ຫຼາຍຂຶ້ນ ໂດຍສາມາດຂັບໄປໄດ້ເອງໃນຄວາມໄວ 3 mile ແລະເຄື່ອນທີ່ຕາມເຈົ້າຂອງລົດໄດ້.    

 

3. ແລັບທ໋ອບ 3 ໜ້າຈໍສຸດຄັກຈາກ Razer

     ພາຍໃນງານ CES ທາງ Razer ໄດ້ເປີດໂຕແລັບທ໋ອບລຸ້ນຕົ້ນແບບທີ່ມີໜ້າຈໍເຖິງ 3 ຈໍ ແລະມີຄວາມລະອຽດຂອງພາບເຖິງ 4K, Razer ໄດ້ເຮັດການຍັດກາຣ໌ດຈໍສຸດແຮງແບບ GTX 1080 ລົງໄປຮຽບຮ້ອຍໂດຍມີຂະໜາດຈລຢູ່ທີ່ 17.3 ນິ້ວ, ແຕ່ແນ່ນອນວ່າລາຄາເຄື່ອງຄົງຈະເຖິງຂັ້ນຊື້ລົດບິກໄບໄດ້ຄັນໜຶ່ງພຸ້ນລະ. 

4. Razer ເຮັດໃຫ້ຄວາມຝັນຂອງເກມເມີ້ເປັນຈິງກັບ Projector ລຸ້ນໃໝ່

     Project Ariana ຈະເຮັດໃຫ້ການຫຼິ້ນເກມປ່ຽນໄປດ້ວຍການເຮັດໃຫ້ເກມທີ່ຫຼິ້ນຈາກໜ້າຈໍທີວີມີຄວາມສົມຈິງຫຼາຍຍິ່ງຂຶ້ນ ໂດຍການຍິງເລເຊີ້ເພື່ອຂະຫຍາຍພາບອອກມາຈາກຈໍທີວີ ແລະສາມາດເຮັດວຽກຮ່ວມກັບ VR ໄດ້ອີກນຳ. 

5. ການກັບມາຂອງສຸດຍອດເກມບອຍ”Super Retro Boy”

     ການກັບມາຂອງເຄື່ອງເກມພົກພາໃນຕຳນານແບບເກມບອຍທີ່ຫຼາຍໆຄົນມັກໃນຕອນນ້ອຍມື້ນີ້ທາງທີມພັດທະນາ Retro-Bit ໄດ້ກັບມາສ້າງເກມບອຍທີ່ສາມາດຫຼິ້ນເກມຂອງເຄື່ອງ Original Game Boy, Game Boy Color ແລະ Game Boy Advance ແລະຍັງສາມາດຫຼິ້ນໄດ້ດົນສຸດເຖິງ 10 ຊ.ມ ກັນເລີຍ ອີກທັງລາຄາຍັງຢູ່ທີ່ 80$  

6. ສ້າງຫຸ່ນຍົນຈາກເລໂກ້

     ຂອງຫຼິ້ນໂຕຕໍ່ຈາກເລໂກ້ໄດ້ຖືກນຳມາຕໍ່ກັນໃຫ້ເປັນໂຕຫຸ່ນຍົນ ແລະສາມາດຄວບຄຸມໄດ້ໂດຍແອັບພລິເຄຊັ່ນ ແລະໃສ່ໂຄດຄຳສັ່ງຕ່າງໆລົງໄປໄດ້ ເຊິ່ງໃນອະນາຄົດເຮົາອາດຈະເຫັນເດັກນ້ອຍຫຼິ້ນເລໂກ້ຈາກການບັງຄັບໃນມືຖືກໍໄດ້. 

7. ເຄື່ອງຄອມພິວເຕີຂະໜາດເທົ່າບັດເຄຣດິດ

     Intel ໄດ້ພັດທະນາຄອມພິວເຕີທີ່ມີຂະໜາດນ້ອຍ ໂດຍມີ CPU ໃນ Gen ຫຼ້າສຸດແບບ Kaby Lake ແລະສາມາດຕໍ່ອິນເຕີເນັດເພື່ອນຳໄປໃຊ້ໃນຕູ້ເຢັນ ຫຼືເຄື່ອງໃຊ້ພາຍໃນເຮືອນ. 

8. ບໍລິການຖ່າຍທອດສົດທາງທີວີຂອງ Hulu

     ເປັນບໍລິການຮູບແບບໃໝ່ຈາກ Hulu ທີ່ສາມາດເບິ່ງລາຍການສົດກໍໄດ້ ຫຼືຈະເບິ່ງຍ້ອນຫຼັງກໍໄດ້ ແລະມີຊ່ອງລາຍການຕ່າງໆຫຼາກຫຼາຍເຊັ່ນ: PlayStation Vue, Sling TV ແລະ DirecTV. ໂດຍຂໍ້ມູນລາຍການຈະຖືກເກັບໄວ້ໃນ cloud ທັງນີ້ຜູ້ໃຊ້ຈຳເປັນຕ້ອງເຊື່ອມຕໍ່ອິນເຕີເນັດຕະຫຼອດເວລາທີ່ໃຊ້ງານ. 

9. ໂມງບາງໆຈາກ Sony

     ເປັນໂມງອັດສະລິຍະທີ່ມີຄວາມບາງທີ່ສຸດເລີຍກໍເວົ້າໄດ້ ໂດຍມີຟັງຊັ່ນທີ່ຄົບຊຸດຄືກັບໂມງຈາກແບຣນອື່ນໆ ແຕ່ທີ່ພິເສດກວ່າໝູ່ກໍຄືມັນມີຄວາມບາງທຽບເທົ່າກັບບັດເຄຣດິດ. 

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...