ຣັດເຊຍເປັນປະເທດທຳອິດທີ່ຈົດທະບຽນວັກຊີນຕ້ານໄວຣັດໂຄວິດ-19

ເວັບໄຊຂ່າວ forbes ລາຍງານເມື່ອວັນທີ 11 ສິງຫາ 2020 ວ່າ ປະທານາທິບໍດີ ວະລາດິເມຍ ປູຕິນ ແຫ່ງຣັດເຊຍກ່າວວ່າ ວັກຊີນຕ້ານໄວຣັດໂຄວິດ-19 ໄດ້ຜ່ານການທົດສອບຢ່າງຖືກຕ້ອງ ແລະ ພິສູດໄດ້ວ່າມີຄວາມປອດໄພແທ້ ສິ່ງສຳຄັນທີ່ສຸດໃນຕອນນີ້ຄື ຫຼັກປະກັນຄວາມປອດໄພ ແລະ ພ້ອມໃຊ້ງານຢ່າງມີປະສິດທິພາບ ຈຶ່ງຖືໄດ້ວ່າເປັນປະເທດທຳອິດທີ່ຈົດທະບຽນວັກຊີນຕ້ານໄວຣັດ ໂຄວິດ-19.

ທ່ານ ປູຕິນ ກ່າວຕື່ມອີກວ່າ ໜຶ່ງໃນລູກສາວສອງຄົນຂອງຕົນໄດ້ທົດລອງວັກຊີນສອງເຂັມ ແລະ ມີອາການປົກກະຕິດີ ໂດຍມື້ທຳອິດອຸນຫະພູມຢູ່ທີ່ 38 ອົງສາ ຫຼັງສັກວັກຊີນ ແຕ່ໃນວັນຕໍ່ມາອຸນຫະພູມຫຼດລົງເຫຼືອ 37 ອົງສາ ຈາກນັ້ນການສັກວັກຊີນເຂັມທີ 2 ອຸນຫະພູມຮ່າງກາຍກໍ່ສູງຂື້ນອີກ ແລະ ຫຼຸດລົງຕອນນີ້ຮ່າງກາຍແຂງແຮງດີ ພົບມີພູມຕ້ານທານຢູ່ຫຼາຍໃນຮ່າງກາຍ.

ກ່ອນໜ້ານີ້,​ ຣັດເຊຍໄດ້ປະກາດວ່າ ບຸກຄະລາກອນທາງການແພດ, ນັກຊ່ຽວຊານ ແລະ ກຸ່ມສ່ຽງຈະເປັນກຸ່ມທຳອິດທີ່ໄດ້ຮັບການສັກວັກຊີນທົດລອງ ເຊິ່ງເປັນໄປໂດຍສະໝັກໃຈ ສ່ວນການສັກວັກຊີນກຸ່ມໃຫ່ຍໃຫ້ກັບປະຊາຊົນນັ້ນຈະເລີ່ມເດືອນກັນຍານີ້ ແລະ ສັກໃຫ້ປະຊາຊົນທົ່ວໄປເດືອນຕຸລານີ້.

 

ຮຽບຮຽງຂ່າວ:​ ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.