ຣັດເຊຍສັ່ງຖອນກຳລັງອອກຈາກເມືອງລິມັນຂອງຢູເຄຣນຫຼັງຈາກທີ່ມີການປະກາດພະນວກ 4 ພູມິພາກຂອງຢູເຄຣນເຂົ້າເປັນຣັດເຊຍ

0
203

ຣັເຊຍ ສັ່ງຖອນກຳລັງທະຫານອອກຈາກເມືອງສຳຄັນຂອງພູມິພາກໂດເນສ ຍ້ອງຖືກກອງກຳລັງຢູເຄຣນອ້ອມ.

ວັນທີ 1 ຕຸລາ 2022 ອິກໍ ໂຄເຊນຄອຟ ໂຄສົກກະຊວງ​ປ້ອງ​ກັນ​ປະ​ເທດຣັດ​ເຊຍ ຖະແຫຼງການວ່າ ໄດ້ຖອນກຳລັງທະຫານອອກຈາກເມືອງລິມັນ (Lyman) ເນື່ອງຈາກຄວາມສ່ຽງທີ່ຖືກອ້ອມ ຂະນະດຽວກັນ ກໍຍອມຮັບວ່າ ຢູເຄຣນມີກຳລັງທະຫານທີ່ເໜືອກວ່າ.

ຄຳຖະແຫຼງການຂອງກະຊວງ​ປ້ອງ​ກັນ​ປະ​ເທດຣັດ​ເຊຍທີ່ມີຂຶ້ນ ຫຼັງຈາກກອງບັນຊາການຕະເວັນອອກຂອງກອງທັບຢູເຄຣນລະບຸວ່າ ຢູເຄຣນໄດ້ອ້ອມທະຫານຣັດເຊຍຫຼາຍພັນຄົນໃນເມືອງລິມັນ ໃນພູມິພາກໂດເນສ.

ການປະກາດພະນວກ 4 ພູມິພາກຂອງຢູເຄຣນເຂົ້າເປັນສ່ວນໜຶ່ງຂອງຣັດເຊຍ

ໂດຍກ່ອນໜ້ານັ້ນ ໃນວັນທີ ວັນທີ 30 ກັນຍາ ທີ່ຜ່ານມາ ຣັດເຊຍກໍໄດ້ປະກາດພະນວກ 4 ພູມິພາກຂອງຢູເຄຣນເຂົ້າເປັນສ່ວນໜຶ່ງຂອງຣັດເຊຍຢ່າງເປັນທາງການ ຫຼັງຈາກຈັດການລົງປະຊາມັດຕິ ຫຼື ການລົງຄະແນນສຽງທີ່ລັດຖະບານຢູເຄຣນ ແລະ ບັນດາຊາດຕ່າງໆ ເຫັນວ່າເປັນການລົງຄະແນນສຽງທີ່ບໍ່ຖືກຕ້ອງ ແລະ ລະເມີດກົດໝາຍລະຫວ່າງປະເທດ.

ຢູເຄຣນລົງນາມເຂົ້າຮ່ວມເປັນສະມາຊິກຂອງ NATO

ໃນຂະນະດຽວກັນ ທ່ານ ໂວໂລດິເມຍ ເຊເລນສະກີ ປະທານາທິບໍດີຢູເຄຣນ ໄດ້ປະກາດວ່າ ຢູເຄຣນກຳລັງສະມັກເປັນສະມາຊິກອົງການສົນທິສັນຍາແອັດແລນຕິກເໜືອ ຫຼື ນາໂຕ (NATO) ຢ່າງເປັນທາງການ ຫຼັງຈາກທີ່ ຣັດເຊຍປະກາດ “ຮວມແຜ່ນດິນ” ພະນວກ 4 ພູມິພາກຂອງຢູເຄຣນຄື ລູຮານ ໂດເນສ ເຄີຊອນ ແລະ ຊາໂປລິສເຊຍ.

ທັ້ງນີ້ ເຊເລນສະກີ ກ່າວວ່າ ກຳລັງດຳເນີນການຂັ້ນຕອນຢ່າງເດັດຂາດ ແລະ ຮີບດ່ວນ ເພື່ອປ້ອງກັນປາຊາຊົນຊາວຢູເຄຣນ.