spot_img
Homeຂ່າວເຫດການ"ຢ່າໃຫ້ຄົນຜູ້ດຽວມາມ້າງສາຍສຳພັນ"

“ຢ່າໃຫ້ຄົນຜູ້ດຽວມາມ້າງສາຍສຳພັນ”

Published on

ກາຍເປັນກະແສຮືຮາກັນ ໃນສື່ສາທາລະນະເມື່ອຊ່າງພາບໄທກຸ່ມໝຶ່ງ Post ຂໍ້ຄວາມເຢາະ ເຢີ້ຍຊ່າງພາບລາວໃນງານວາງ ສະແດງລົດຍົນນານາຊາດທີ່ສູນການຄ້າ-ລາວໄອເຕັກ ນະຄອນຫຼວງວຽງຈັນ ໃນອາທິດຜ່ານມານີ້ ນັບວ່າເປັນການເຂົ້າມາເຢີ້ຍຍັນ ດູຖູກກັນຢູ່ກະໂຕດິນແດນລາວ.

     ນີ້ບໍ່ແມ່ນເທື່ອທຳອິດທີ່ຄົນໄທ ຈຳນວນໜຶ່ງສ້າງຄວາມແຕກແຫງໃຫ້ແກ່ສາຍພົວພັນຂອງສອງປະເທດ.. ແຕ່ເບິ່ງຄືວ່າເມື່ອມີການ ກ່າວຂໍໂທດທຸກຢ່າງກໍ່ເລືອນລາງຈາງຫາຍໄປ. ມັນໂລດເປັນຄືເດັກ ນ້ອຍສວຍໂອກາດດ່າຜູ້ໃຫຍ່ ສຸດທ້າຍກໍບໍ່ຜິດຫຍັງ? ແນວວ່າເຂົາຮູ້ເທົ່າບໍ່ເຖິງການ.. ແລ້ວໃນຕໍ່ໜ້າເດ່?

ແລ້ວຊິຈັດການແນວໃດ? ພວກເຮົາຖືເບົາບັນຫານີ້ໂພດບໍ່? ຊິປະໃຫ້ເຂົາມາດ່າ ມາດູຖູກຮອດຂັ້ນໄດເຮືອນແບບນີ້ຕະຫຼອດໄປບໍ່ ນັ້ນຄືບັນຫາທີ່ຕັ້ງຂຶ້ນ?.. ໃນຍຸກ ກົນໄກຕະຫຼາດນີ້ຕ້ອງຍອມຮັບວ່າ ກະແສວັດທະນະທຳ.. ການຄ້າຂາຍ, ການວາງແຜນການຕະຫຼາດ, ການເບື່ອເມົາຈາກພວກ 18 ມຸງກຸດມັນເຊື່ອມເຂົ້າມາສູ່ປະເທດ ເຮົາຫຼາຍຂຶ້ນ ໂດຍສະເພາະແມ່ນມາຈາກປະເທດເພື່ອນບ້ານທຶນນິຍົມຄືໄທ. ຮູ້ແລ້ວພວກເຮົາຈະສະກັດກັ້ນແນວບໍ່ດີ, ແນວຈະກະທົບໃສ່ສາຍສຳພັນຂອງສອງປະເທດ ຢ່າງໃດ?.

ຜູ້ຂຽນເຄີຍລົມກັບພະນັກງານບໍານານທ່ານໜຶ່ງທີ່ເພິ່ນມີຄວາມເປັນຫ່ວງເວລາມີການຈັດສຳມະນາເຕັກນິກການໂຄສະນາຂາຍ ສິນຄ້າທີ່ມີນັກວິທະຍາກອນມາ ຈາກປະເທດໄທ ວ່າພາກສ່ວນຄຸ້ມຄອງມະຫາພາກ ເຄີຍໄປເບິ່ງນຳເຂົາ ຫຼື ບໍ່?. ບໍ່ທໍ່ນັ້ນຍັງມີເຕັກ ນິກການຕະຫຼາດ, ການເອົາຄົນທີ່ ເປັນເສດຖີມາເລົ່າປະສົບການ ຂາຍ ແລະອື່ນໆເວົ້າແນວນີ້ບໍ່ແມ່ນ ວ່າບໍ່ດີເນີ! ມີດີແຕ່ຖ້າຫາກເຮົາຄຸ້ມຄອງເບິ່ງນຳເຂົາແລ້ວຊອດແຊກ ແນວທາງນະໂຍບາຍຂອງພັກ-ລັດເຂົ້າໄປຈະເປັນການດີຍິ່ງ, ຈະປະປ່ອຍເຂົາເຮັດເອງຕໍ່ໄປນີ້ ມັນຊິລຳບາກບາດເວົ້າບໍ່ເຂົ້າທ່າ.

ກໍຄືກັນກັບພວກນັກສະແດງ, ນັກຮ້ອງໄທຫາກຖືກແນະນຳ ເລື່ອງການເວົ້າການຈາກໍດີຫາກບໍ່ມີການແນະນຳມັນມັກມີເລື່ອງ ເຊັ່ນດຽວກັນກັບພວກຊ່າງພາບນີ້ລະ?.

ຜູ້ຕາງໜ້າທັງສອງປະເທດ ເປັນຕົ້ນສະມະຄົມມິດຕະພາບ ຊິເມື່ອຍຫຼາຍຂຶ້ນເພາະວ່າຕ້ອງໄດ້ ແນະນຳໃຫ້ຄົນໄທຮູ້ກ່ຽວກັບປະເທດລາວບໍ່ຊັ້ນໃນຖານະປະເທດອາຊຽນດ້ວຍກັນຊິບໍ່ເຂົ້າໃຈກັນມັນເປັນເລື່ອງທີ່ໜ້າອາຍຊາວໂລກ.

ຕໍ່ໄປນີ້ຝ່າຍລາວກໍຄວນມີມາດຕະການສຶກສາອົບຮົມພວກຈັດງານຕ່າງໆ ທີ່ມາຈັດຢູ່ ສປປ ລາວ ວ່າລະບຽບປະເພນີຂອງລາວມີ ຫຍັງແດ່? ອັນໃດຫ້າມອັນໃດບໍ່ຫ້າມ?  ກ່ອນທີ່ຈະອະນຸຍາດໃຫ້ຈັດງານນໍ?.

ຄົນສ່ວນຫຼາຍເຂົາກໍດີດອກ! ແຕ່ພວກເຮົາບໍ່ຄວນໃຫ້ຄົນຜູ້ດຽວ ມາມ້າງເພສາຍສຳພັນທີ່ດີງາມຂອງສອງປະເທດ.

ຂ່າວຈາກ: 

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...