ຢືນຢັນຍອດຜູ່ເສຍຊີວິດເຫດໄຟໄໝ້ທີ່ລອນດອນ

ເຈົ້າໜ້າທີ່ຕຳຫຼວດອັງກິດ ອອກເອກະສານຢືນຢັນວ່າ ມີຜູ້ເສຍຊີວິດຈາກເຫດໄຟໄໝ້ອາຄານສູງ 27 ຊັ້ນ ທີ່ທາງຕະເວັນຕົກຂອງນະຄອນຫຼວງລອນດອນແລ້ວ 12 ຄົນ, ມີຜູ່ບາດເຈັບ 68 ຄົນ ແລະ ສູນຫາຍເປັນຈຳນວນຫຼາຍ

ໂດຍຜູ່ບາດເຈັບທັງໝົດຖືກນຳສົ່ງໂຮງໝໍ 6 ແຫ່ງໃນນະຄອນຫຼວງລອນດອນ ແລະ ມີຈຳນວນ 18 ຄົນທີ່ບາດເຈັບສາຫັດ

ທ່ານ ນາງ ເທເຣຊາ ເມ ນາຍົກລັດຖະມົນຕີອັງກິດປະກາດວ່າ ຈະດຳເນີນການສອບສວນສາເຫດຂອງໄຟໄໝ້ຄັ້ງນີ້ຢ່າງເຕັມທີ່ ເນື່ອງຈາກປັດຈຸບັນຍັງບໍ່ຮູ້ສາເຫດທີ່ຊັດເຈນເທື່ອວ່າສາເຫດຂອງໄຟໄໝ້ເກີດມາຈາກໃສ

ວິດີໂອປະກອບ: BBC News