ມຽນມາເສຍຊີວິດຈາກໂຄວິດ-19 ເກີນ 500 ຄົນ

ເວັບໄຊຂ່າວ dailynews ລາຍງານ ເມື່ອວັນທີ 8 ຕຸລາ ວ່າ ກະຊວງສາທາລະນະສຸກຂອງມຽນມາລາຍ ງານ ສະຖານະການໂຄວິດ-19 ໃນຮອບ 24 ຊົ່ວໂມງທີ່ຜ່ານມາ ຢືນຢັນຜູ້ຕິດເຊື້ອໃໝ່ 1,400 ຄົນ ເພີ່ມສະຖິຕິສະສົມຂອງຜູ້ປ່ວຍເປັນຢ່າງໜ້ອຍ 21,433 ຄົນ, ຮັກສາຫາຍ 6,084 ຄົນ ຂະນະທີ່ສະຖິຕິຂອງຜູ້ເສຍຊີວິດຢູ່ທີ່ 510ຄົນ ເພີ່ມຂຶ້ນ 39ຄົນໃນຮອບວັນທີ່ຜ່ານມາ.

ທັງນີ້, ມຽນມາລາຍງານສະຖິຕິຜູ້ເສຍຊີວິດສະສົມຈາກໂຣກໂຄວິດ-19 ເກີນ 400 ຄົນ ເມື່ອວັນທີ 5 ຕຸລາ ທີ່ຜ່ານມາ ໂດຍສະຖິຕິສະສົມຂອງຜູ້ເສຍຊີວິດກວ່າ 300ຄົນ ເມື່ອວັນທີ 1 ຕຸລາ ເກີນ 200 ຄົນ ເມື່ອວັນທີ 28 ກັນຍາ ແລະ ຫຼາຍກວ່າ 100 ຄົນ ເມື່ອວັນທີ 22 ກັນຍາ ທີ່ຜ່ານມາ ເຊິ່ງຜູ້ເສຍຊີວິດຈາກໂຣກດັ່ງກ່າວໃນມຽນມາເປັນຊາວມຽນມາທັງໝົດ.

ນອກຈາກນີ້, ສະຖານະການແຜ່ລະບາດຂອງໂຣກໂຄວິດ-19 ໃນມຽນມາ ໄດ້ທະວີຄວາມຮຸນແຮງຢ່າງຕໍ່ເນື່ອງ ນັບຕັ້ງແຕ່ມີການພົບຜູ້ຕິດເຊື້ອຈາກພາຍໃນປະເທດ ທີ່ລັດຍະໄຂ່ ເມື່ອວັນທີ 16 ສິງຫາ ທີ່ຜ່ານມາ.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.