spot_img
Homeຂ່າວພາຍ​ໃນມີ 69 ບໍລິສັດໄດ້ຮັບອະນຸຍາດຂຸດຄົ້ນບໍ່ແຮ່ໃນລາວ

ມີ 69 ບໍລິສັດໄດ້ຮັບອະນຸຍາດຂຸດຄົ້ນບໍ່ແຮ່ໃນລາວ

Published on

 

mining

 

ກະຊວງພະລັງງານ ແລະ ບໍ່ແຮ່ໃຫ້ຮູ້ວ່າ: ການລົງທືນໃນ ກິດຈະການບໍ່ແຮ່ຂອງ ນັກລົງທຶນທັງພາຍໃນ ແລະ

ຕ່າງປະເທດ ມາຮອດປັດຈຸບັນມີ 69 ບໍລິສັດ ໄດ້ຮັບອະນຸຍາດຂຸດຄົ້ນບໍ່ແຮ່ໃນລາວຢ່າງເປັນທາງການຊຶ່ງໃນ

ນັ້ນ, ປະກອບມີ 107 ກິດຈະການ, ມີເນື້ອທີ່ສຳປະທານທັງໝົດ 274.663 ເຮັກຕາ, ໄດ້ແບ່ງອອກເປັນ 2 ກຸ່ມ

ຄື: ກຸ່ມທີ່ໄດ້ດຳເນີນການແລ້ວມີ 50 ບໍລິສັດ ແລະ ກຸ່ມ ກຳລັງກໍ່ສ້າງໂຮງງານ ແລະ ກຽມຂຸດຄົ້ນມີ 19 ບໍລິສັດ,

ເພື່ອ ເຮັດໃຫ້ການຄຸ້ມຄອງບໍ່ແຮ່, ມີຄວາມຮັດກຸມ ແລະ ທັງເປັນການກະຕຸກຊຸກຍູ້ໃຫ້ບໍ່ດາບໍລິສັດທີ່ມີສັນຍາ

ແລ້ວໄດ້ຮີບຮ້ອນຈັດຕັ້ງປະຕິບັດຕາມສັນຍາ, ໃນຜ່ານມາລັດຖະບານລາວຈຶ່ງໄດ້ດຳເນີນການກວດກາປະ

ເມີນຜົນບັນດາກິດຈະການດັ່ງກ່າວ, ໂດຍໄດ້ນຳໃຊ້ 7 ຫຼັກການພື້ນຖານຈັດ ແບ່ງປະເພດຂອງໂຄງການ ແລະ

ມາຮອດປັດຈຸບັນສາມາດປະເມີນຜົນໄດ້ແລ້ວ 57 ບໍລິສັດ  (ບໍ່ລວມໂຄງການເຊັນສັນຍາໃໝ່) ສ່ວນທີ່ເຫຼືອ

ແມ່ນກຳລັງດຳເນີນການກວດກາ ເພີ່ອໃຫ້ສຳເລັດຕາມແຜນການທີ່ວາງໄວ້.

 

ກະຊວງພະລັງງານ ແລະ ບໍ່ແຮ່ໃຫ້ຮູ້ອີກວ່າ: ໃນສົກປີ 2013-2014 ຜ່ານມານີ້ລາວເຮົາ ສາມາດຜະລິດກະແສ

ໄຟຟ້າໄດ້ ຫຼາຍກວ່າ 15 ພັນລ້ານກິໂລວັດ ໂມງ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 10,44%, ລື່ນ

ແຜນການ 6,98%, ໃນນັ້ນ ຈຳໜ່າຍອອກຕ່າງປະເທດໄດ້ ກວ່າ 12.474 ລ້ານກິໂລວັດ ໂມງ, ຕົກເປັນມູນຄ່າ

610,19 ລ້ານໂດລາ, ທຽບໃສ່ປີຜ່ານມາເພີ່ມຂຶ້ນ 18,08%, ລື່ນແຜນການ 14%, ສ່ວນການຈຳໜ່າຍພາຍໃນ

ບັນລຸໄດ້ຫຼາຍກວ່າ 3.676 ລ້ານກິໂລວັດໂມງ, ຕົກເປັນມູນຄ່າມູນຄ່າ 314,17 ລ້ານໂດລາ, ເພີ່ມຂຶ້ນ 21,46 %.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...