spot_img
Homeຂ່າວພາຍ​ໃນມິດສາຊີບມາໃນຮູບແບບລູກຄ້າ ຈອງໂຕະຮ້ານອາຫານ

ມິດສາຊີບມາໃນຮູບແບບລູກຄ້າ ຈອງໂຕະຮ້ານອາຫານ

Published on

ເຕືອນໄພສຳລັບໃຜທີ່ເປັນເຈົ້າຂອງຮ້ານອາຫານ ເພາະປັດຈຸບັນມີມິດສາຊີບທີ່ແອບອ້າງມາເປັນລູກຄ້າ ໃນການຈອງໂຕະແລ້ວທຳທ່າເປັນໂອນເງິນຄ່າອາຫານ ແລະ ເຄື່ອງດື່ມ.

ໃນວັນທີ 14 ກັນຍາ 2023 ທີ່ຜ່ານມາ ຜູ້ໃຊ້ເຟສບຸກຊື່ Donny Phonsouli ໄດ້ອອກມາເຕືອນໄພກ່ຽວກັບມິດສາຊີບ ທີ່ແອບແຝງມາໃນຮູບແບບຂອງລູກຄ້າ ໂດຍມິດສາຊີບແຊັດມາວ່າຈອງໂຕະ ແລ້ວສອບຖາມລາຄາ ເຄື່ອງດື່ມ ຫຼື ອາຫານ ຫຼັງຈາກນັ້ນກໍມີການຖ່າຍຫຼັກຖານການໂອນວ່າໄດ້ໂອນໄປແລ້ວ ຈຳນວນ 1.500.000 ກີບ ໃນການຈ່າຍຄ່າເຄື່ອງດື່ມ ຫຼື ອາຫານກ່ອນ.

ແຕ່ວ່າມິດສາຊີບ ກໍແຊັດອ້າງວ່າ ຄາວຽກມື້ອື່ນຈຶ່ງໄປ ແລ້ວກໍຖາມເງິນຄືນ 1.000.000 ກີບ ເພື່ອວ່າຈະຈ່າຍຄ່າມັດຈຳພຽງ 500.000 ກີບ.

ຢ່າງໃດກໍຕາມ ໂຊກດີທີ່ທາງຮ້ານຮູ້ທັນວ່າບຸກຄົນນີ້ເປັນມິດສາຊີບ ແລ້ວ ໂອນເງິນຄືນພຽງ 50 ກີບ ເພາະວ່າມິດສາຊີບທີ່ສົ່ງຫຼັກຖານການໂອນນັ້ນ ໄດ້ປອມແປງເງິນທີ່ໂອນຕົວຈິງຈາກ 50 ກີບ ເປັນ 1.500.000 ກີບ.

ສະນັ້ນ ຈຶ່ງຢາກຂໍເຕືອນທຸກໆຄົນ ບໍ່ວ່າຈະເປັນທັງລູກຄ້າ ຫຼື ເຈົ້າຂອງຮ້ານຄ້າຕ່າງໆ ໃຫ້ມີສະຕິໃນການຮັບເງິນໂອນ ຫຼື ຈ່າຍສິ່ງຕ່າງໆ ເພື່ອບໍ່ຕົກເປັນເຫຍື່ອຂອງແກ້ງມິດສາຊີບ.

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...