spot_img
Homeຂ່າວການສຶກສາມະຫາວິທະຍາໄລແຫ່ງຊາດສະເໜີຫລາຍບັນຫາໃຫ້ລັດຖະບານຊ່ວຍແກ້ໄຂ

ມະຫາວິທະຍາໄລແຫ່ງຊາດສະເໜີຫລາຍບັນຫາໃຫ້ລັດຖະບານຊ່ວຍແກ້ໄຂ

Published on

 

ໃນວັນທີ 6 ຕຸລານີ້, ມະຫາວິທະຍາໄລແຫ່ງຊາດ ໄດ້ຈັດພິທີສະເຫລີມສະຫລອງວັນຄູແຫ່ງຊາດຂຶ້ນ, ໂດຍການໃຫ້

ການເຂົ້າຮ່ວມຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ທ່ານ ດຣ. ພັນຄຳ ວິພາວັນ ຮອງນາຍົກລັດຖະ

ມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ, ມີບັນດາທ່ານອະທິການບໍດີພ້ອມຄູອາຈານ ແລະ

ນັກສຶກສາເຂົ້າຮ່ວມນັ້ນ, ທ່ານ ສຈ. ດຣ. ສຸກກົງແສງ ໄຊຍະເລີດ ອະທິການບໍດີມະຫາວິທະຍາໄລແຫ່ງຊາດໄດ້ຮັບ

ກຽດຂຶ້ນລາຍງານ ໂດຍໄດ້ສັງເກດຄືນບົດບາດຜົນງານຂອງຄູອາຈານຕະຫລອດໄລຍະທີ່ຜ່ານມາ ພ້ອມທັງສະເໜີ

ຄວາມຈຳເປັນມາຍັງລັດຖະບານ ເພື່ອຊອກສ່ອງທາງແກ້ໄຂໃນການພັດທະນາມະຫາວິທະຍາໄລຂອງຕົນໃຫ້ມີບາດ

ກ້າວໃນການຂະຫຍາຍຕົວຕາມລຳດັບ.

 

ບັນດາຂໍ້ສະເໜີດັ່ງກ່າວລວມມີ 4 ບັນຫາສຳຄັນເປັນຕົ້ນດຳລັດ 071 ວ່າດ້ວຍການຈັດຕັ້ງເຄື່ອນໄຫວຂອງມະຫາ

ວິທະຍາໄລແຫ່ງຊາດ ແລະ ດຳລັດ 033 ວ່າ ດ້ວຍຕຳແໜ່ງວິຊາການຂອງຄູສອນ ມະຫາວິທະຍາໄລແຫ່ງຊາດ ແລະ

ສະຖາບັນການສຶກສາຊັ້ນສູງຕ່າງໆ (ສະບັບປັບປຸງທີ່ຍັງບໍ່ທັນໄດ້ຮັບການອະນຸມັດເທື່ອ); ຂໍເພີ່ມອັດຕາເບ້ຍລ້ຽງ

ໃຫ້ແກ່ນັກສຶກສາໃນແຜນ ທີ່ມາຮຽນຢູ່ມະຫາວິທະຍາໄລ ເພາະຜ່ານມາແມ່ນໄດ້ຮັບ 70.000 ກີບ/ເດືອນ/ຄົນ, ອີງ

ໃສ່ຄ່າຄອງຊີບແລ້ວເຫັນວ່າບໍ່ສອດຄ່ອງກັບສະພາບຕົວຈິງ; ຂໍເພີ່ມງົບປະມານສຳລັບອຸປະກອນຮັບໃຊ້ໃນການ

ທົດລອງ ແລະ ວຽກງານຄົ້ນຄວ້າວິທະຍາສາດ, ການກໍ່ສ້າງໂຄງລ່າງພື້ນຖານ ແລະ ການຍົກລະດັບພະນັກງານຄູອາ

ຈານ. ຫາກບັນດາຂໍ້ສະເໜີດັ່ງກ່າວໄດ້ຮັບການຕອບສະ ໜອງ ແລະ ແກ້ໄຂເທົ່າທີ່ຄວນແລ້ວຈະເປັນສ່ວນສຳຄັນ

ໃນເຂົ້າໃນການປະຕິບັດ ແຜນຍຸດທະສາດຂອງມະຫາວິທະຍາໄລແຫ່ງຊາດໄລຍະ II (2016-2020) ໃຫ້ປະສົບກັບ

ຄວາມສຳເລັດເປັນຢ່າງດີ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...