spot_img
Homeຂ່າວພາຍ​ໃນມອບ-ຮັບໂຄງການກໍ່ສ້າງຫໍຮັບແຂກປະມຸກລັດຫຼັງໃໝ່

ມອບ-ຮັບໂຄງການກໍ່ສ້າງຫໍຮັບແຂກປະມຸກລັດຫຼັງໃໝ່

Published on

20140425124931

ພິທີ​ມອບ-ຮັບ​ໂຄງການ​ກໍ່ສ້າງ​ຫໍ​ຮັບແຂກ​ປະມຸກ​ລັດ ໄດ້​ມີ​ຂຶ້ນ​ວັນ​ທີ 25 ເມສາ 2014 ຢູ່​ຫໍ​ຮັບແຂກ​ດັ່ງກ່າວ (ບໍລິເວນ​ທຳ​ນຽບ​ປະທານ​ປະເທດ) ເຊິ່ງ​ລົງ​ນາມ​ການ​ມອບ-ຮັບ​ລະຫວ່າງ​ທ່ານ WU ZHI WU ອຸປະ​ທູດ​ຊົ່ວຄາວ ສະຖານທູດ ​ສປ ຈີນ ປະຈຳ ​ສປປ ລາວ ແລະ ທ່ານ ເຈີ​ຢິ່ງ ຫວ່າງ ຮອງ​ຫົວໜ້າ​ຫ້ອງ​ວ່າການ​ປະທານ​ປະເທດ ໂດຍ​ຊ້ອງ​ໜ້າ​ທ່ານ ພົງ​ສະ​ຫວັດ ບຸບຜາ ລັດຖະມົນຕີ ຫົວໜ້າ​ຫ້ອງ​ວ່າການ​ປະທານ​ປະເທດ ທ່ານ ZHAO WEN YU ທີ່​ປຶກສາ​ທູດ​ເສດຖະກິດ-ການ​ຄ້າ ​ສປ ຈີນ ແລະ ພາກສ່ວນ​ກ່ຽວຂ້ອງ.

ໂຄງການ​ກໍ່ສ້າງ​ຫໍ​ຮັບແຂກ​ປະມຸກ​ລັດ ມີ​ເນື້ອທີ່ 3.495 ຕາ​ແມັດ ໄດ້​ເລີ່ມ​ກໍ່ສ້າງ​ແຕ່​ວັນ​ທີ 28 ທັນວາ 2012 ແລະ ສຳເລັດ​ໃນ​ວັນ​ທີ 22 ມັງກອນ 2014 ໂດຍ​ກຸ່ມ​ບໍລິສັດ ຈ່ຽງ​ຊູ​ຈ່ຽງ​ຕູ ເປັນ​ຜູ້​ຮັບ​ເໝົາ​ກໍ່ສ້າງ ຫໍ​ຮັບແຂກ​ປະມຸກ​ລັດ​ເປັນ​ອາຄານ 2 ຊັ້ນ ປະກອບ​ມີ 56 ຫ້ອງ ໃນ​ນີ້​ມີ 28 ຫ້ອງ​ນອນ ພ້ອມ​ທັງ​ປະກອບ​ເຟີ​ນີ​ເຈີ ແລະ ສິ່ງ​ອຳນວຍ​ຄວາມ​ສະດວກ​ຄົບ​ຊຸດ ເພື່ອ​ຮອງ​ຮັບແຂກ​ລະດັບ​ປະມຸກ​ລັດ ນາຍົກລັດຖະມົນຕີ ຮອງ​ນາຍົກລັດຖະມົນຕີ ແລະ ລະດັບ​ລັດຖະມົນຕີ ໂຄງການ​ນີ້​ແມ່ນ​ການ​ຊ່ວຍເຫຼືອ​ຂອງ​ລັດຖະບານ ​ສປ ຈີນ ຈຳນວນ 44,6 ລ້ານ​ຢວນ ຫຼື ປະມານ 57,252 ຕື້​ກີບ ແລະ ທຶນ​ສົມທົບ​ຂອງ​ຝ່າຍ​ລາວ​ຈຳນວນ​ໜຶ່ງ ເປັນ​ໂຄງການ​ທີ່​ມີ​ຄວາມ​ໝາຍ​ສຳຄັນ ເປັນ​ສັນຍາ​ລັກ​ແຫ່ງ​ມິດຕະພາບ​ລາວ-ຈີນ ເພື່ອ​ສະເຫຼີມສະຫຼອງ​ວັນ​ສ້າງຕັ້ງ​ສາຍ​ພົວພັນ​ການ​ທູດ​ລາວ-ຈີນ ຄົບຮອບ 53 ປີ.

ທ່ານ WANG JAIN ຫົວ ໜ້າ​ທິມ​ເຕັກນິກ​ໂຄງການ​ຊ່ວຍເຫຼືອ​ຫໍ​ຮັບແຂກ​ປະມຸກ​ລັດ ຂອງ​ກຸ່ມ​ບໍລິສັດ ຈ່ຽງ​ຊູ​ຈ່ຽງ​ຕູ ໄດ້​ກ່າວ​ວ່າ: ຫຼັງ​ຈາກ​ການ​ມອບ-ຮັບ​ຄັ້ງ​ນີ້​ແລ້ວ ພວກ​ເຮົາ​ຈະ​ຕັ້ງໃຈ​ປະກອບສ່ວນ​ເຮັດ​ວຽກ ແລະ ຈະ​ຊ່ວຍ​ພະນັກງານ​ຂອງ​ຝ່າຍ​ລາວ ບໍລິຫານ​ຫໍ​ຮັບແຂກ​ປະມຸກ​ລັດ​ໃຫ້​ດີ ເພື່ອ​ເສີມ​ຂະຫຍາຍ​ຄຸນ​ປະໂຫຍດ​ຂອງ​ອາຄານ​ດັ່ງກ່າວ ໃຫ້​ກາຍເປັນ​ສະຖານທີ່ໆ​ສຳຄັນ ເພື່ອ​ນຳ​ໃຊ້​ເຂົ້າ​ໃນ​ການ​ຕ້ອນຮັບ​ແຂກ​ຕ່າງປະເທດ​ຢ່າງ​ສົມ​ກຽດ.

ທີ່ມາ http://www.vientianemai.net/teen/khao/1/11657

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...