spot_img
Homeອຸບັດເຫດແລະປາກົດການຫຍໍ້ທໍ້ມອບຜູ້ຖືກຫາຄະດີຢາເສບຕິດ ໃຫ້ເຈົ້າໜ້າທີ່ຕໍາຫຼວດໄທ

ມອບຜູ້ຖືກຫາຄະດີຢາເສບຕິດ ໃຫ້ເຈົ້າໜ້າທີ່ຕໍາຫຼວດໄທ

Published on

ເຈົ້າໜ້າທີ່ກອງບັນຊາການ ປກສ ແຂວງບໍ່ແກ້ວ ສປປ ລາວ ໄດ້ມອບຕົວ ທ້າວ ໂກວິດ ແຊຊົງ ອາຍຸ 28 ປີ ເຊື້ອຊາດໄທ ສັນຊາດໄທ ຢູ່ບ້ານສາມ ເມືອງເທີງ ແຂວງຊຽງຮາຍ ປະເທດໄທ ຜູ້ຖືກຫາຄະດີຄ້າຂາຍຢາເສບຕິດ ໃຫ້ເຈົ້າໜ້າທີ່ຕໍາຫຼວດໄທ ພາຍຫຼັງເຈົ້າໜ້າທີ່ຕໍາຫຼວດລາວຊ່ວຍຈັບ ໃນຂະນະທີ່ເອົາຕົວລີ້ຊ້ອນຢູ່ແຂວງບໍ່ແກ້ວ ເພື່ອໄປດໍາເນີນຄະດີຕາມກົດໝາຍ.

ພັຕ ສົມປອງ ແກ້ວປັນຍາ ຫົວໜ້າພະແນກຕໍາຫຼວດກວດຄົນເຂົ້າ-ອອກເມືອງ ຫົວໜ້າດ່ານ ຕມ ຂົວມິດຕະພາບ 4 ປກສ ແຂວງບໍ່ແກ້ວ ໃຫ້ຮູ້ວ່າ: ຜູ້ຖືກຫາລາຍນີ້ ແມ່ນພົວພັນກັບຄະດີ ມີຢາເສບຕິດໄວ້ໃນຄອບຄອງຢູ່ປະເທດໄທ ແລ້ວໄດ້ເອົາຕົວຫຼົບໜີມາຢູ່ແຂວງບໍ່ແກ້ວ ໃນວັນທີ 1 ກັນຍາ 2017, ມາຮອດວັນທີ 6 ກັນຍາ 2017 ຈຶ່ງໄດ້ຖືກເຈົ້າໜ້າທີ່ ປກສ ແຂວງບໍ່ແກ້ວ ກັກຕົວໃນຂໍ້ຫາລັກລອບເຂົ້າ-ອອກເມືອງຜິດກົດໝາຍ ແລ້ວປະສານຫາເຈົ້າໜ້າທີ່ຕຳຫຼວດໄທ ເພື່ອສົ່ງຕົວໄປດໍາເນີນຄະດີຕາມກົດໝາຍ.

ພິທີມອບຕົວຜູ້ຖືກຫາດັ່ງກ່າວ ໄດ້ຈັດຂຶ້ນໃນທ້າຍອາທິດຜ່ານມາ ຢູ່ ຕມ ສາກົນ ຂົວມິດຕະພາບ 4 ເມືອງຫ້ວຍຊາຍ ແຂວງບໍ່ແກ້ວ ໂດຍການຕາງໜ້າມອບຂອງ ພັຕ ສົມປອງ ແກ້ວປັນຍາ ຫົວໜ້າພະແນກຕໍາຫຼວດກວດຄົນເຂົ້າ-ອອກເມືອງ ຂົວມິດຕະພາບ 4, ຝ່າຍໄທ ກ່າວຮັບໂດຍ ພັທ ຍິງ ຫະໄທລັດ ຈຸນລະສາດ ຫົວໜ້າດ່ານ ຕມ ຂົວມິດຕະພາບ 4 ຊຽງຂອງ ແຂວງຊຽງຮາຍ ປະເທດໄທ.

ຂ່າວຈາກ: ໜັງສືພິມ ປກສ.

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...