spot_img
Homeມຸມຂ່າວ AECຟິລິບປິນສະໜັບສະໜູນໃຫ້ "ມົງກາລີ ແລະ ຕວັກກີ" ເຂົ້າເປັນສະມາຊິກອາຊຽນ

ຟິລິບປິນສະໜັບສະໜູນໃຫ້ “ມົງກາລີ ແລະ ຕວັກກີ” ເຂົ້າເປັນສະມາຊິກອາຊຽນ

Published on

ເມື່ອວັນທີ 16 ພຶດສະພາ 2017 ທີ່ຜ່ານມາ ເອເອຟພີລາຍງານວ່າ ປະທານາທິບໍດີ ໂຣດຣິໂກ ກູແຕເຕ ຜູ້ນຳຟິລິບປິນ ເຊິ່ງຫາກໍ່ເດີນທາງກັບຈາກການປະຊຸມກຸ່ມປະເທດເສັ້ນທາງສາຍໄໝ ເວທີເບລແອນໂຣດ (Belt and Road) ທີ່ນະຄອນຫຼວງປັກກິ່ງ ປະເທດຈີນ ນຳສະເໜີຂ່າວທີ່ສ້າງຄວາມປະຫຼາດໃຈໄປທົ່ວ ວ່າໃນຖານະທີ່ປີນີ້ຟິລິບປິນເປັນປະທານອາຊຽນ ຈະສະໜັບສະໜູນໃຫ້ປະເທດ ມົງໂກລີ ແລະ ຕວັກກີ້ ເຂົ້າເປັນສະມາຊິກອາຊຽນ ເຖິງແມ່ນວ່າສອງປະເທດນີ້ຈະບໍ່ຕັ້ງຢູ່ພາກພື້ນອາຊຽນກໍ່ຕາມ

ປະເທດ ມົງໂກລີ ຕັ້ງຢູ່ໃນທະວີບຕິດກັບປະເທດຈີນ ແລະ ຣັສເຊຍ ສ່ວນປະເທດຕວັກກີມີພື້ນທີ່ຕັ້ງຢູ່ຕະເວັນອອກກາງ ໂດຍຢູ່ລະຫວ່າງ ອາຊີ ແລະ ຢຸໂຣບ

ເຖິງແມ່ນວ່າ ທ່ານ ນາງ ອອງຊານ ຊູຈີ ຜູ້ນຳມຽນມາຈະທັກທ້ວງດ້ວຍການຕັ້ງຄຳຖາມທາງພູມິສາດ ວ່າທັງສອງປະເທດຈະເປັນອາຊຽນໄດ້ຫຼືບໍ່ ແຕ່ທ່ານ ດູແຕເຕຍັງຄົງຢ້ຳເປົ້າໝາຍເກົ່າວ່າໄດ້

ສ່ວນທ່ານ ຫຼີ່ ຍົງຫຍົງ ຜູ້ອຳນວຍການຝ່າຍກິດຈະການຝ່າຍປະຊາສັງຄົມຂອງສຳນັກເລຂາທິການອາຊຽນ ໃນນະຄອນຫຼວງ ຈາກາຕາ ລະບຸວ່າ ທັງສອງປະເທດຍັງບໍ່ເຄີຍແຈ້ງເຈດຈຳນົງໃນການຂໍເຂົ້າເປັນສະມາຊິກອາຊຽນ ແລະ ອາຊຽນຍັງບໍ່ເຄີຍສົນທະນາກັນໃນເລື່ອງນີ້ມາກ່ອນ

ທັງນີ້ ການເຂົ້າເປັນສະມາຊິກອາຊຽນ ຕາມຫຼັກການແລ້ວຕ້ອງແຕ່ງຕັ້ງໃນເຂດພາກພື້ນອາຊຽນ ຮວມທັງຕ້ອງໄດ້ຮັບສຽງເຫັນຊອບຈາກສະມາຊິກ 10 ປະເທດອາຊຽນ ຈິ່ງຈະສາມາດເຂົ້າໄດ້

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...