spot_img
Homeຂ່າວຕ່າງປະເທດຟິລິບປິນຍັງບໍ່ໃຫ້ອາເມລິກາກັບເຂົ້າມາຕັ້ງຖານທັບເນື່ອງຈາກຫ່ວງຄວາມປອດໄພ

ຟິລິບປິນຍັງບໍ່ໃຫ້ອາເມລິກາກັບເຂົ້າມາຕັ້ງຖານທັບເນື່ອງຈາກຫ່ວງຄວາມປອດໄພ

Published on

ເວັບໄຊຂ່າວ posttoday ລາຍງານ ປະທານາທິບໍດີ ໂຣດຣິໂກ ດູເຕີເຕ ແຫ່ງຟິລິບປິນປະຕິເສດລາຍງານຂ່າວທີ່ວ່າລັດຖະບານຟິລິບປິນອາດຈະໃຫ້ອາເມລິກາຕັ້ງຖານທັບເຮືອໃນອ່າວຊູບິກອີກຄັ້ງ.

ຜູ້ນຳຟິລິບປິນກັງວົນວ່າຫາກໃຫ້ອາເມລິກາມາຕັ້ງຖານທັບຈະເຮັດໃຫ້ຟິລິບປິນຕົກຢູ່ໃນອັນຕະລາຍເຖິງຂະໜາດ “ສາບສູນ” ຫາກເກີດສົງຄາມນິວເຄຣຍຂຶ້ນມາ.

ກ່ອນໜ້ານີ້ຜູ້ນຳຟິລິບປິນສັ່ງໃຫ້ຢຸດຂໍ້ຕົກລົງການຢຽມຢາມຂອງກອງທັບ (Visiting Forces Agreement) ທີ່ເປັນຂໍ້ຕົກລົງດ້ານຄວາມສຳພັນທາງການທະຫານລະຫວ່າງຟິລິບປິນກັບອາເມລິກາທີ່ເດີນທາງມາຊ້ອມຮົບໃນຟິລິບປິນ ແຕ່ເຖິງແນວໃດກໍ່ຕາມ ຜູ້ນຳຟິລິບປິນໄດ້ປ່ຽນໃຈກະທັນຫັນໃນເດືອນມິຖຸນາທີ່ຜ່ານມາ ແລະ ຕໍ່ສັນຍາອີກຄັ້ງກ່ອນສັນຍາຈະໝົດອາຍຸ.

ອາເມລິກາ ເຄີຍປົກຄອງຟິລິບປິນມາກ່ອນໃນຖານະເຈົ້າອະນານິຄົມໄດ້ຕັ້ງຖານທັບເຮືອທີ່ອ່າວຊູບິກໃກ້ກັບນະຄອນຫຼວງມະນິລາ ໃນປີ 1899-1942 ແລະ ຫຼັງຈາກຟິລິບປິນເປັນເອກະລາດໃນລະຫວ່າງປີ 1945-1992 (ຟິລິບປິນໄດ້ຮັບເອກະລາດໃນປີ 1946) ນອກຈາກນີ້, ອາເມລິກາຍັງໄດ້ຕັ້ງຖານທັບອາກາດຄລາກ (Clark Air Base) ໃນເມືອງແອງເຈີລິສ ລະຫວ່າງປີ 1903-1991.

ອາເມລິຫາມີຄວາມຕ້ອງການທີ່ຈະຫາທີ່ຕັ້ງຖານທັບໃນອາຊີຕະເວັນອອກສຽງໃຕ້ເພື່ອຄານອຳນາດກັບຈີນທີ່ມີອິດທິພົນຫຼາຍຂຶ້ນໃນທະເລຈີນໃຕ້ ແລະ ອາຊີຕະເວັນອອກສຽງໃຕ້ ແຕ່ໃນຕອນນີ້ປະເທດພັນທະມິດຢ່າງຟິລິບປິນຍັງບໍ່ອະນຸຍາດໃຫ້ອາເມລິຫາເຂົ້າມາເທື່ອ.

 

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...