ພົບ​ໂລງ​ຫິນ​ໃສ່​ສົບ​ຍຸກ​ອີ​ຍິບ​ບູຮານ​ອາ​ຍຸ 3 ພັນ​ປີ

0
279

186332

         ສຳ​ນັກ​ຂ່າວ​ຕ່າງ​ປະເທດ​ລາຍ​ງານ​ວ່າ ເກີດ​ເຫດ​ຮື​ຮາ ເມື່ອ​ຜູ້​ຊ່ຽວຊານ​ດ້ານ​ບູຮານ​ວັດ​ຖຸ​ ໄດ້​ຄົ້ນ​ພົບ ໂລງ​ຫິນ​ໃສ່​ສົບ​ຍຸກ​ອີ​ຍິບ​ບູຮານໃນ​ເຮືອນ​ຍິງເຖົ້າຄົນໜື່ງ ໃນ​ປະເທດ​ອັງ​ກິດ ຂະນະ​ທີ່​ຜູ້​ຊ່ຽວຊານ​ພາ​ກັນ​ຕື່ນຕົກໃຈ​ກັບ​ການ​ຄົ້ນ​ພົບ​ວັດ​ຖຸ​ບູຮານ​​ສຳຄັນ​ຂອງ​ອາລະຍະທຳ​ອີ​ຍິບນີ້
         ລາຍ​ງານ​ລະ​ບຸ​ວ່າ ໂລງ​ຫິນ​ດັ່ງ​ກ່າວ​ຖືກ​ພົບ​ໂດຍ​ສະເຕຊີ ຜູ້​ຊ່ຽວຊານ​ດ້ານ​ບູຮານ​ວັດ​ຖຸ ແລະ​ ຕົວ​ແທນ​ສຳ​ນັກ​ປະ​ມູນ ລີ​ແມນ ແດນ​ຊີທີ່​ໄດ້​ເຂົ້າ​ມາ​ກວດ​ສອບ​ເຮືອນ​ຂອງ​ຍິງ​ເຖົ້າຄົນໜື່ງ ໃນ​ເມືອງ​ເວ​ເສັກ ທີ່​ຖືກ​ຍ້າຍ​ໄປ​ຍັງ​ເຮືອນ​ພັກ​ຜູ້ເຖົ້າ ກ່ອນ​ພົບ​ໂລງ​ດັ່ງ​ກ່າວ​ຢູ່ໃນ​ຫ້ອງ​ນັ່ງ​ຫລີ້ນ ໂດຍ​ປະ​ເມີນ​ວ່າ ໂລງ​ຫິນ​ໃສ່​ສົບ​ບູຮານ​ນີ້ ຄາດ​ວ່າ​ຈະ​ມີ​ອາ​ຍຸ​ລາວ 3 ພັນປີ ແລະ ​ຖືກ​ໃຊ້​ເພື່ອ​ເປັນ​ທີ່​ສະ​ຖິດ ​ຂອງ​ຮ່າງ​ສົບ​ສະຕີ​ຊົນ​ຊັ້ນ​ສູງ​ໃນ​ຍຸກ​ອີ​ຍີບ​ບູຮານ
ສະເຕຊີ ບອກວ່າ ໂລງ​ຫິນ​ອີ​ຍິບ​ບູຮານ​ນີ້ ເປັນ​ບູຮານ​ວັດ​ຖຸ​ເກົ່າ​ແກ່​ທີ່ສຸດ​ທີ່​ເຂົາ​ເຄີຍ​ເຈີ​ມາ​ໃນ​ຊີວິດຂະນະ​ທີ່​ຜູ້​ຊ່ຽວຊານ​ຄົນ​ອື່ນໆ ກວ່າວ່າ ໂລງ​ຫິນ​ບູຮານ​ນີ້ ໜ້າ​ຈະ​ຖືກ​ຍິງ​ເຖົ້າ​ເຈົ້າ​ຂອງ​ເຮືອນ​ຊື້​ຈາກ​ພິ​ພິດຕະ​ພັນ​ທ້ອງ​ຖິ່ນ​ທີ່​ປິດ​ຕົວ​ເອງ ຫລັງ​ຈາກ​ຄອບຄອງ​ໂລງ​ສົບ​ຫິນ​ບູຮານນີ້ ທີ່​ຖືກ​ນຳ​ເຂົ້າ​ມາຍັງ​ອັງ​ກິດ​ໃນ​ໄລຍະ ​ທົດສະ​ວັດ​ທີ່ 19 ຫລື ​ຊ່ວງ​ຍຸກ​ສົງຄາມ​
         ທາງ​ດ້ານ​ຜູ້​ອຳ​ນວຍ​ການ​ຂອງ​ຝ່າຍ​ບໍລິຫານ​ຈັດການ​ຂອງ​ສະຖານ​ປະ​ມູນ ລີ​ແມນ ແດນ​ຊີ່ກ່າວ​ວ່າ ເປັນ​ເລື່ອງ​ທຳມະດາ​ຫລາຍ​ທີ່​ຜູ້​ຄົນ​ຈະ​ເກັບ​ວັດ​ຖຸ​ອີ​ຍິບ​ບູຮານ​ໃນ​ລັກສະນະ​ນີ້ ແລະ ສຳລັບ​ບູຮານ​ວັດ​ຖຸ​ອັນ​ນີ້​ປະ​ເມີນ​ວ່າ ​ຈະ​ມີ​ມູນ​ຄ່າ 6, 000 ປອນ ແຕ່​ລາ​ຄາ​ອາດ​ສູງ​ຂຶ້ນ​ອີກ​ຫລາຍ​ຫາກ​ຖືກ​ນຳ​ມາ​ປະ​ມູນ 

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.