spot_img
Homeຂ່າວຕ່າງປະເທດພົນລະເມືອງອາເມຣິກາ ຂໍສະຫຼະສັນຊາດເພີ່ມຂຶ້ນ ໜີປະເທດຍ້ອນລັດເກັບພາສີສຸດແພງ!

ພົນລະເມືອງອາເມຣິກາ ຂໍສະຫຼະສັນຊາດເພີ່ມຂຶ້ນ ໜີປະເທດຍ້ອນລັດເກັບພາສີສຸດແພງ!

Published on

 

ກະຊວງການເງິນຂອງສະຫະລັດອາເມຣິກາ ເປີດເຜີຍລາຍງານໃນໄຕມາດລ່າສຸດ ເຊິ່ງພົບວ່າ ໃນຊ່ວງ 6 ເດືອນຕົ້ນປີ

ຂອງປີ 2014 ນີ້ ມີຊາວອາເມຣິກາຍື່ນໜັງສືຂໍສະຫຼະສັນຊາດອາເມຣິກັນ ສູງເຖິງ 1,577 ຄົນ.

 

ກ່ອນໜ້ານີ້ ໃນປີ 2013 ທີ່ຜ່ານມາ ອີງຕາມລາຍງານຂອງກະຊວງການເງິນຂອງສະຫະລັດລະບຸວ່າ ຍອດຊາວອາເມຣິ

ກັນທີ່ຂໍສະຫຼະສັນຊາດໃນປີທີ່ແລ້ວ ມີທັງໝົດ 2,999 ຄົນ ເຊິ່ງຖືເປັນໂຕເລກທີ່ເພີ່ມສູງຂຶ້ນເຖິງ 221% ທຽບໃສ່ຕົວ

ເລກໃນປີ2012 ທີ່ມີຍອດຜູ້ຂໍສະຫຼະສັນຊາດພຽງ 932 ຄົນ.

 

ທ່ານ ຊັດ ຊູເມີ ສະມາຊິກວຸດທິສະພາ ຫຼື ສະພາສູງສະຫະລັດ ຈາກລັດນິວຢອກ ສັງກັດພັກເດໂມແຄຣັດ ເຊິ່ງຖືໄດ້ວ່າ

ເປັນໜຶ່ງໃນຕົວຕັ້ງຕົວຕີງສຳຄັນ ໃນການຜັກດັນຮ່າງກົດໝາຍເກັບພາສີ “exit tax” ໃນອັດຕາທີ່ສູງເຖິງ 30% ແກ່

ຜູ້ທີ່ຂໍສະຫຼະສັນຊາດ ໄດ້ອອກມາຍອມຮັບວ່າ ເຫດຜົນສຳຄັນທີ່ເຮັດໃຫ້ຊາວອາເມຣິກັນ ຍື່ນໜັງສືຂໍສະຫຼະສັນຊາດ

ຂອງໂຕເອງເພີ່ມສູງຂັ້ນຢ່າງຕໍ່ເນື່ອງນັ້ນ ຄືເຫດຜົນດ້ານພາສີ ຈາກການທີ່ລັດຖະບານສະຫະລັດ ມີອັດຕາການຈັດ

ເກັບພາສີລາຍໄດ້ ທັງໃນສ່ວນຂອງບຸກຄົນທຳມະດາ ແລະ ບັນດາຜູ້ປະກອບການທຸລະກິດ ໃນອັດຕາທີ່ສູງກ່ວາຫຼາຍ

ປະເທດທົ່ວໂລກ ຄືອັດຕາການຈັດເກັບພາສີລາຍໄດ້ໃນສະຫະລັດ ມີອັດຕາສູງສຸດເຖິງ 39.6%

 

ດ້ວຍເຫດຜົນນັ້ນ ຈິ່ງເຮັດໃຫ້ຊາວອາເມຣິກັນ ໂດຍສະເພາະກຸ່ມຄົນທີ່ມີຖານະຈຳນວນຫຼວງຫຼາຍ ບໍ່ຕ້ອງການຖືກ

ຮຽກເກັບພາສີໃນອັດຕາສູງດັ່ງກ່າວ ແລະ ຄົນກຸ່ມນີ້ ເຊິ່ງສ່ວນໃຫຍ່ມີທຸລະກິດໃນຕ່າງປະເທດ ຈິ່ງມັກທີ່ຈະເລືອກ

ສະຫຼະສັນຊາດອາເມຣິກັນ ແລ້ວໄປຖືສັນຊາດຂອງປະເທດອື່ນ ທີ່ມີອັດຕາການຈັດເກັບພາສີລາຍໄດ້ ທີ່ຕ່ຳກ່ວາ ຫຼື

ໃຫ້ສິດທິພິເສດຕ່າງໆ ທັງທາງດ້ານເສດຖະກິດ ແລະ ສັງຄົມຫຼາຍກ່ວາ.

 

ທັງນີ້ ສະຫະລັດອາເມຣິກາ ຖືເປັນປະເທດດຽວໃນໂລກ ທີ່ມີການຮຽກເກັບພາສີຕໍ່ພົນລະເມືອງຂອງຕົນ ທີ່ບໍ່ໄດ້ມີ

ຖິ່ນພັກພາອາໄສໃນສະຫະລັດ ໃນອັດຕາເງື່ອນໄຂດຽວກັນກັບພົນລະເມືອງອາເມຣິກັນທີ່ອາໄສຢູ່ໃນປະເທດ.

 

ບົດຄວາມຫຼ້າສຸດ

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...