ພູເຂົາໄຟປະທຸ ທີ່ El Salvador ກຽມການອົບພະຍົບປະຊາຊົນ

0
224

ພູເຂົາໄຟໃນ  El Salvador ປະທຸ ແລະ ຄັວນໄຟຂຶ້ນເຕັມຟ້າ ເຊິ່ງທາງການກໍໄດ້ຕິດຕາມສະຖານະການ ແລະ ກຽມພ້ອມປະກາດອົບພະຍົບປະຊາຊົນອອກຈາກເຂດສ່ຽງດັ່ງກ່າວ.

ວັນທີ 28 ພະຈິກ 2022 ພູເຂົາໄຟ “Chaparrastique” ຂອງປະເທດ El Salvador ໄດ້ເກີດປະທຸຂີ້ຖ່ານ ຄັວນ ແລະ ເສດຫິນ ຂຶ້ນມາຈາກປາກພູເຂົາໄຟ ໂດຍທາງການໄດ້ປະກາດເຕືອນໃຫ້ປະຊາຊົນທີ່ອາໄສຢູ່ໃກ້ພູເຂົາໄຟເຝົ້າລະວັງ ແລະ ກຽມພ້ອມໃຫ້ອົບພະຍົບໄປຢູ່ສະຖານພັກຊົ່ວຄາວ 26 ແຫ່ງທີ່ກຽມໄວ້ ສາມາດຮອງຮັບປະຊາຊົນໄດ້ 10,000 ຄົນ.

ຢ່າງໃດກໍຕາມ ການປະທຸຂອງພູເຂົາໄຟຍັງຢູ່ໃນລະດັບ 1 ຈາກທັງໝົດ 8 ລະດັບ.

ແຫຼ່ງຂ່າວ ABC