spot_img
Homeຂ່າວຕ່າງປະເທດ"ພູເຂົາໄຟຊິນາບຸງ" ອິນໂດເນເຊຍລະເບີດ

“ພູເຂົາໄຟຊິນາບຸງ” ອິນໂດເນເຊຍລະເບີດ

Published on

ເວັບໄຊຂ່າວ npr ລາຍງານເມື່ອວັນທີ 10 ສິງຫາວ່າ ພູເຂົາໄຟຊິນາບຸງ (Sinabung) ໃນເຂດຄາໂຣ ແຂວງສຸມາຕຣາເໜືອຂອງອິນໂດເນເຊຍ ເກີດລະເບີດຂຶ້ນເມື່ອເວລາ 10.16ນາທີ ໄດ້ພົ່ນຄວັນຂຶ້ນສູ່ທ້ອງຟ້າສູງເຖິງ 5,000ແມັດ.

ສຳນັກຂ່າວລາຍງານວ່າ ສຳນັກງານວິທະຍາພູເຂົາໄຟຂອງອິນໂດເນເຊຍ ເຊິ່ງລະບຸວ່າພູເຂົາໄຟຊິນາບຸງທີ່ມີຄວາມສູງ 2,474ແມັດ ຢູ່ພາຍໃຕ້ສະຖານະການເຝົ້າລະວັງໄພ ພ້ອມເຕືອນໃຫ້ຜູ້ອາໃສໃນບໍລິເວນດັ່ງກ່າວໃສ່ຜ້າປິດປາກ-ດັງ ເພື່ອຫຼຸດຜ່ອນຜົນກະທົບຕໍ່ສຂະພາບ ລວມເຖິງການກັກເກັບນໍ້າທີ່ບໍ່ປົນເປື້ອນໃົນລະພິດເອົາໄວ້ ຕະຫຼອດໄປຈົນເຖິງການປັດກວາດຂີ້ເຖົ່າອອກຈາກຫຼັງຄາເຮືອນເພື່ອຫຼີກລ່ຽງການຊດຕົວຂອງອາຄານທີ່ອາດຈະເກີດຂຶ້ນ.

ສຳນັກງານວິທະຍາພູເຂົາໄຟຍັງຮຽກຮ້ອງໃຫ້ປະຊາຊົນທີ່ອາໃສຢຸ່ແຄມແມ່ນໍ້າ ທີ່ມີຕົ້ນນໍ້າຢູ່ໃກ້ພູເຂົາໄຟເຝົ້າລະວັງລາວາຮ້ອນ ແລະ ເຢັນທີ່ອາດໄຫຼລົງສູ່ແມ່ນໍ້າ.

ພູເຂົາໄຟຊິນາບຸງສະຫງົບນິ້ງມາດົນກວ່າ 400ປີ ກ່ອນຈະລະເບີດຂຶ້ນອີກຄັ້ງເມື່ອ 10 ປີທີ່ຜ່ານມາ ແລະ ຕັ້ງແຕ່ນັ້ນມາກໍ່ໄດ້ມີການລະເບີດຂຶ້ນຫຼາຍຄັ້ງ ເຊິ່ງບາງຄັ້ງກໍ່ສົ່ງຜົນຮ້າຍແຮງ ເຮັດໃຫ້ຊາວບ້ານຈຳນວນຫຼາຍຕ້ອງອົບພະຍົບໄປສະຖານອື່ນແບບຖາວອນ. 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...