spot_img
Homeຂ່າວພາຍ​ໃນພິທີເຊັນບົດບັນທຶກ MOC ພະລັງງານຄວາມຮ້ອນໃຕ້ພິພົບ ຂະໜາດ ກຳລັງການຕິດຕັ້ງ 4.000MW

ພິທີເຊັນບົດບັນທຶກ MOC ພະລັງງານຄວາມຮ້ອນໃຕ້ພິພົບ ຂະໜາດ ກຳລັງການຕິດຕັ້ງ 4.000MW

Published on

ພິທີເຊັນບົດບັນທຶກ MOC ພະລັງງານຄວາມຮ້ອນໃຕ້ພິພົບ.

ໃນວັນທີ 22 ກໍລະກົດ ນີ້ ທີ່ ນະຄອນ ຫລວງວຽງຈັນ ໄດ້ຈັດພິທີເຊັນບົດບັນທຶກຄວາມຮ່ວມມື ຫລື MOC ເພື່ອສໍາຫລວດ ສຶກສາຄວາມເປັນໄປໄດ້ ດ້ານພະລັງງານຄວາມຮ້ອນໃຕ້ພິພົບ ຂະໜາດກຳລັງ ການຕິດຕັ້ງ 4.000MW, ໂດຍມີການເຊັນລະຫວ່າງ ທ່ານ ສຸວັນໄຊ ຫລັກໄມຕຣີ ປະທານບໍລິສັດ ລາວພັດທະນາ ກໍ່ສ້າງ ແລະ ການລົງທຶນ ຈຳກັດ ກັບທ່ານ ເພັດສະຫວັນ ລັດຕະນະທອງໄຊ ຫົວຫນ້າກົມພະລັງງານ, ກະຊວງພະລັງງານ ແລະ ບໍ່ແຮ່.

ນອກນັ້ນ ຍັງໃຫ້ກຽດເຂົ້າຮ່ວມເປັນສັກຂີພິຍານໂດຍ ທ່ານ ສີນາວາ ສຸພານຸວົງ ຮອງລັດ ຖະມົນຕີ ກະຊວງ ພະລັງງານ ແລະ ບໍ່ແຮ່, ມີ ທ່ານ ນາງ ຈັນ ທິ ຫ່ວງ ຫ້າ CEO ບໍລິສັດ ເວວ ພາວເວີ ກຣຸບ ສສ ຫວຽດນາມ (Wealth Power Group Vietnam) ພ້ອມຄະນະ ແລະ ແຂກທີ່ມີກຽດເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ ທ່ານ ສີນາວາ ສຸພານຸວົງ ກ່າວວ່າ: ບໍລິສັດ ລາວພັດ ທະນາ ກໍ່ສ້າງ ແລະ ການລົງທຶນ ຈຳກັດ ເປັນບໍລິສັດນຳໜ້າທຳອິດ ທີ່ໄດ້ຄົ້ນ ຄວ້າ ສຶກສາຄວາມເປັນໄປໄດ້ ໃນການນຳໃຊ້ພະລັງງານຄວາມຮ້ອນໃຕ້ ພິພົບ ເພື່ອຜະລິດເປັນພະລັງງານໄຟຟ້າ.

ປັດຈຸບັນພະລັງງານໄຟຟ້າ ທີ່ຜະລິດຢູ່ລາວ ກວມ 70% ແມ່ນມາຈາກພະລັງງານນ້ຳ ນອກຈາກນັ້ນເຮົາມີຍັງພະລັງງານທາງເລືອກ ເຊັ່ນພະລັງງານລົມ, ພະລັງງານ ແສງຕາເວັນ, ພະລັງງານຊີວະພາບ ແລະ ບວກໃສ່ ພະລັງງານໃຕ້ພິພົບເຊິ່ງ ເປັນພະລັງງານທາງໃໝ່ຂອງລາວ ພາຍຫລັງສຳເລັດຈະເຮັດໃຫ້ລາວ ມີຄວາມເຂັ້ມແຂງ ແລະ ມີຄວາມໝັ້ນຄົງທາງດ້ານພະລັງງານຍິ່ງຂຶ້ນ.

ສຳລັບພະລັງງານຄວາມຮ້ອນໃຕ້ພິພົບນີ້ ບໍ່ແມ່ນພຽງແຕ່ສະໜອງໄຟຟ້າ ເທົ່ານັ້ນ ແຕ່ມັນຍັງເປັນຜົນປະໂຫຍດ ແລະ ບາດກ້າວສຳຄັນ ທີ່ຈະຫລຸດ ຜ່ອນການນຳໃຊ້ຖ່ານຫີນໃນການຜະລິດໄຟຟ້າຢູ່ລາວເທື່ອລະກ້າວ, ກະຊວງ ພະລັງງານ ແລະ ບໍ່ແຮ່ ຝາກຄວາມຫວັງໄວ້, ພະລັງງານຄວາມຮ້ອນ ໃຕ້ພິພົບ ເປັນພະລັງງານສີຂຽວທີ່ສຸດ ແລະ ນຳໃຊ້ເນື້ອທີ່ດິນໃນການກໍ່ສ້າງ ບໍ່ຫລາຍ ບໍ່ທຳລາຍສິ່ງແວດລ້ອມ.

ສຳລັບໂຄງການພະລັງງານຄວາມຮ້ອນໃຕ້ພິພົບນີ້ ບໍລິສັດຢືນຢັນວ່າໄດ້ນໍາໃຊ້ທຶນ ຂອງຕົນເອງ 100% ແລະ ມີຕະຫລາດຮັບຊື້ໄຟຟ້າເປັນທີ່ຮຽບຮ້ອຍແລ້ວ ໂດຍຈະບໍ່ສ້າງໜີ້ສິນໃຫ້ແກ່ປະເທດຊາດ, ກົງກັນຂ້າມ ຈະນຳເອົາຜົນປະ ໂຫຍດມາໃຫ້ 3 ຝ່າຍຄື ລັດຖະບານ, ປະຊາຊົນ ແລະ ຜູ້ລົງທຶນ, ພິເສດ ໂຄງການນີ້ ຍັງສາມາດຂາຍ ໄຮໂດເຈັນ (Hydrogen) ແລະ ຍັງຈະມີ ລາຍຮັບຈາກ ຄາບອນ ເຄຣດິດ (Carbon Credit) ທີ່ຕ່າງປະເທດຈ່າຍໃຫ້ ເພາະເປັນໂຄງການສີຂຽວ ແລະ ສະອາດ ທັງເປັນມິດຕໍ່ສິ່ງແວດລ້ອມອີກດ້ວຍ.

ແຫຼ່ງຂ່າວຈາກ ປະເທດລາວ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...