spot_img
Homeຂ່າວການພັດທະນາພິທີສົ່ງຜູ້ເຂົ້າຮ່ວມໂຄງການຝຶກອົບຮົມຍົກລະດັບຄວາມເປັນຜູ້ນຳ ສຳລັບພະນັກງານນຳພາ-ຄຸ້ມຄອງ ຂອງພັກປະຊາຊົນປະຕິວັດລາວ

ພິທີສົ່ງຜູ້ເຂົ້າຮ່ວມໂຄງການຝຶກອົບຮົມຍົກລະດັບຄວາມເປັນຜູ້ນຳ ສຳລັບພະນັກງານນຳພາ-ຄຸ້ມຄອງ ຂອງພັກປະຊາຊົນປະຕິວັດລາວ

Published on

ທ່ານ ທອງສະຫວັນ ພົມວິຫານ ຫົວໜ້າຄະນະພົວພັນຕ່າງປະເທດສູນກາງພັກ, ບັນດາທ່ານ ຮອງລັດຖະມົນຕີ ແລະ ຮອງເຈົ້າແຂວງ, ຄະນະບໍລິຫານສູນກາງພັກ  ໄດ້ເຂົ້າຮ່ວມການຝຶກອົບຮົມ ຂອງອົງການ JICA ຢູ່ທີ່ປະເທດຍີ່ປຸ່ນ.

ການຝຶກອົບຮົມດັ່ງກ່າວ ແມ່ນການຝຶກອົບຮົມໃຫ້ແກ່ລະດັບຮອງລັດຖະມົນຕີ ແລະ ຮອງເຈົ້າແຂວງ ເຊິ່ງຄາດການວ່າ ຈະກາຍເປັນຜູ້ນຳຂັ້ນສູງໃນອະນາຄົດຈຳນວນ 15 ທ່ານ ໄປຝຶກຢູ່ທີ່ ປະເທດຍີ່ປຸ່ນ ເປັນເວລາ 1 ອາທິດ, ແຕ່ເນື່ອງຈາກວ່າ ໃນໄລຍະຜ່ານມາ ມີການລະບາດຂອງໂຄວິດ-19 ຈຶ່ງໄດ້ມີການຢຸດຕິໂຄງການ ໄປຊົ່ວຄາວ ແລະ ໄດ້ສືບຕໍ່ປະຕິບັດໂຄງການ ໃນໄລຍະ 4 ປີນັບແຕ່ປີ 2019. 

ຄະນະການນຳທີ່ ເຄີຍໄດ້ເດີນທາງ ໄປຝຶກອົບຮົມ ໃນປີ 2017 ແລະ 2019 ກໍໄດ້ຮັບຕຳແໜ່ງເປັນ ຄະນະບໍລິຫານສູນກາງພັກ ແລະ ກຳລັງສະແດງຄວາມສາມາດ ຈາກບົດຮຽນໃນການຝຶກອົບຮົມ ເຂົ້າໃນການປະຕິບັດໜ້າທີ່ ຢູ່ໃນສູນກາງ ແລະ ທ້ອງຖິ່ນ.  

ການທີ່ຈະຫຼຸດພົ້ນ ອອກຈາກຄວາມຫຍຸ້ງຍາກ ດ້ານເສດຖະກິດ ທີ່ເກີດຈາກຜົນກະທົບ ຂອງໂຄວິດ-19 ແລະ ສະຖານະການໂລກ, ພ້ອມທັງ ພັດທະນາເສດຖະກິດ ຂອງປະເທດລາວ ໃຫ້ເຕີບໃຫຍ່ຂະຫຍາຍຕົວຍິ່ງຂຶ້ນ ແມ່ນຕ້ອງອາໄສ ການຊີ້ນຳໆພາອັນເຂັ້ມແຂງຂອງ ການນຳພັກລັດທຸກທ່ານ ໃນການພັດທະນາປະເທດຊາດ ແລະ ການປັບປຸງຊີວິດ ການເປັນຢູ່ຂອງປະຊາຊົນ ໃຫ້ມີຄວາມໝັ້ນຄົງ.

ດ້ວຍວິໄສທັດດັ່ງກ່າວ ການນຳທຸກທ່ານ ທີ່ເຂົ້າຮັບການຝຶກອົບຮົມ ຢ່າງຕັ້ງໜ້າ ຈະໄດ້ຮັບບົດຮຽນສຳຄັນ ທີ່ຈະນຳໃຊ້ໃນ ການພັດທະນາປະເທດຊາດ ໃນຕໍ່ໜ້າ.

ການຝຶກອົບຮົມໃນຄັ້ງນີ້ ຈະມີການສຶກສາກ່ຽວກັບ ການເມືອງການປົກຄອງ, ການປົກຄອງທ້ອງຖິ່ນ, ການປະຕິຮູບການປົກຄອງ, ນະໂຍບາຍອຸດສາຫະກຳ, ນະໂຍບາຍໂຄງລ່າງພື້ນຖານ ຢູ່ໃນມະຫາວິທະຍາໄລຄົ້ນຄວ້ານະໂຍບາຍການເມືອງ ຫຼື GRIPS, ນອກນັ້ນ, ຍັງມີການທັດສະນະສຶກສາ ແລະ ພິທີຕ້ອນຮັບ ຈາກອົງການ JICA.​ ຂ້າພະເຈົ້າຄາດຫວັງວ່າ ຜ່ານແຜນການຝຶກອົບຮົມເຫຼົ່ານີ້ ຈະຊ່ວຍໃຫ້ບັນດາທ່ານ ຮັບຮູ້ກ່ຽວກັບ ປະຫວັດສາດການພັດທະນາ ເສດຖະກິດ-ສັງຄົມ, ການປ່ຽນແປງຂອງລັດ ແລະ ອົງການປົກຄອງຂອງປະເທດຍີ່ປຸ່ນ ແລະ ຊ່ວຍສົ່ງເສີມໃຫ້ ເຂົ້າໃຈຢ່າງທ້ອງແທ້ ກ່ຽວກັບຂັ້ນຕອນໃນການ ແກ້ໄຂບັນຫາຕ່າງໆ.

ພ້ອມກັນນັ້ນ, ຈະໄດ້ມີການແບ່ງປັນຄວາມຮູ້ ປະສົບການ ກ່ຽວກັບການພັດທະນາ ເສດຖະກິດ-ສັງຄົມ ແລະ ການປົກຄອງຂອງປະເທດຍີ່ປຸ່ນ ເຊິ່ງເປັນປະເທດໜຶ່ງຈາກທະວີບອາຊີເຊັ່ນດຽວກັນ ທີ່ສ້າງສາປະເທດຊາດ ແລະ ມີການເຕີບໃຫຍ່ຂະຫຍາຍຕົວດ້ານເສດຖະກິດ ຫຼັງຈາກທີ່ຫຼົ້ມສະຫຼາຍ ເນື່ອງຈາກການປະລາໄຊ ໃນສົງຄາມໂລກຄັ້ງທີ 2.

ນອກຈາກໄດ້ ສຶກສາກ່ຽວກັບເນື້ອໃນ ຂອງການຝຶກອົບຮົມແລ້ວ ກໍຍັງຈະໄດ້ຮຽນຮູ້ ກ່ຽວກັບສັງຄົມ ແລະ ວັດທະນະທຳອັນດີງາມ ຂອງປະເທດຍີ່ປຸ່ນອີກດ້ວຍ.

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...