spot_img
Homeຂ່າວທ້ອງຖິ່ນພາຍໃນແຂວງອຸດົມໄຊເລີ່ມເປີດຮັບບໍລິຈາກເພື່ອຊ່ວຍເຫຼືອ 3 ເມືອງທີ່ໄດ້ຮັບຜົນກະທົບຈາກໄພນ້ຳຖ້ວມ

ພາຍໃນແຂວງອຸດົມໄຊເລີ່ມເປີດຮັບບໍລິຈາກເພື່ອຊ່ວຍເຫຼືອ 3 ເມືອງທີ່ໄດ້ຮັບຜົນກະທົບຈາກໄພນ້ຳຖ້ວມ

Published on

ດັ່ງທີ່ພວກເຮົາຮູ້ນຳກັນວ່າປັດຈຸບັນມີຫຼາຍແຂວງໃນລາວປະສົບໄພນ້ຳຖ້ວມ ແລະ 1 ໃນນັ້ນລວມມີແຂວງອຸດົມໄຊ ເຊິ່ງເກີດໄພນ້ຳຖ້ວມຢູ່ເມືອງເຊັ່ນ: ເມືອງແບງ, ເມືອງຮຸນ ແລະ ເມືອງປາກແບງ ແຂວງອຸດົມໄຊ ຄັ້ງວັນທີ 16 ກໍລະກົດ 2018 ຕາມການລາຍງານຂໍ້ມູນເບື້ອງຕົ້ນຂອງຫ້ອງການແຮງງານ ແລະ ສະຫວັດດີການສັງຄົມເມືອງແບງ ບ້ານທີ່ຖືກຜົນກະທົບຈາກເຫດການໄພນໍ້າຖ້ວມໃນຄັ້ງນີ້ມີຈຳນວນທັງໝົດ 20 ບ້ານ, ມີ 778 ຄອບຄົວ, ນໍ້າຖ້ວມເຮືອນເປ່ເພຈຳນວນ 131 ຫຼັງຄາເຮືອນ, ງົວຄວາຍຕາຍ 24 ໂຕ, ນາເສຍຫາຍ 239 ເຮັກຕາ, ສວນສາລີເສຍຫາຍ 205 ເຮັກຕາ, ໜອງປາເສຍຫາຍ 27 ໜອງ, ດິນເຈື່ອນຖົມເຮືອນ 6 ຫຼັງ. ມີຈຳນວນພົນທັງໝົດ 4,716 ຄົນ, ຍິງ 2,462 ຄົນ ລວມມູນຄາເສຍຫາຍທັງໝົດປະມານ  1,481,000,000 ກີບ.

ເມື່ອເວລາ 14:20 ນາທີ ຂອງວັນທີ 24 ກໍລະກົດ 2018 ພະແນກແຮງງານ ແລະ ສະຫວັດດີການສັງຄົນແຂວງ ໄດ້ນຳເອົາສັງກະສີ, ເຫຼັກຕາປູ ແລະ ເຫຼັກຕາປູຕອກສັງກະສີ ລົງມອບໃຫ້ຄອບຄົວທີ່ຖືກຜົນກະທົບຈາກໄພນໍ້າຖ້ວມ ຢູ່ເມືອງປາກແບງ ແຂວງອຸດົມໄຊ. ເຊິ່ງກ່າວມອບໂດຍ ທ່ານ ສົມຟອງ ແສງຈັນທະລາ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ແລະ ຮັບໂດຍ ທ່ານ ຄຳເຜີຍ ງອນວັນຄຳ ເຈົ້າເມືອງ ເມືອງປາກແບງ, ມີຄະນະປະຈຳພັກເມືອງ ແລະ ຄອບຄົວທີ່ຖືກຜົນກະທົບຈາກໄພນໍ້າຖ້ວມ ຈຳນວນ 26 ຄອບຄົວ ເຂົ້າຮ່ວມຮັບນຳ.
ສຳລັບເຄື່ອງຊ່ວຍເຫຼືອສຸກເສີນໃນຄັ້ງນີ້ປະກອບມີ:
1. ສັງກະສີ ຈຳນວນ 1,280 ແຜນ
2. ເຫຼັກຕາປູ 250 ກິໂລກຼາມ
3. ເຫຼັກຕາປູຕອກສັງກະສີ ຈຳນວນ 52 ກັບ.
ການຊ່ວຍເຫຼືອດັ່ງກ່າວແມ່ນເປັນການຊ່ວຍເຫຼືອບັນເທົ່າທຸກໃຫ້ປະຊາຊົນທີ່ຖືກຜົນກະທົບຈາກໄພນໍ້າຖ້ວມເຮືອນໄຫຼນໍ້າ, ເຮືອນເປ່ເພເສຍຫາຍ ໃນຄັ້ງວັນທີ່ 21/07/2018 ທີ່ຜ່ານມານັ້ນ.

ເຊິ່ງປັດຈຸບັນ ໄດ້ມີການເຊີນຊວນໃຫ້ໃຫ້ຄົນພາຍໃນແຂວງກໍ່ຄືຊາວແຂວງ ອຸດົມໄຊ ຮ່ວມບໍລິຈາກອາຫານ, ວັດຖຸສິ່ງຂອງຕ່າງໆທີ່ຈຳເປັນເພື່ອນຳໄປຊ່ວຍຜູ້ທີ່ໄດ້ຮັບຜົນກະທົບ.

 

ແຫລ່ງຂ່າວ: ພະແນກ ແຮງງານ ແລະ ສະຫວັດດີການສັງຄົມ ແຂວງອຸດົມໄຊ

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...