spot_img
Homeຂ່າວເຫດການພາກສ່ວນກ່ຽວຂ້ອງຄວນເບິ່ງຄືນລາຄາເຊົ່າສະຖານທີ່ໃນງານບຸນປເພນີ

ພາກສ່ວນກ່ຽວຂ້ອງຄວນເບິ່ງຄືນລາຄາເຊົ່າສະຖານທີ່ໃນງານບຸນປເພນີ

Published on

 

 

ຄືດັ່ງທີ່ພວກເຮົາຮູ້ນຳກັນແລ້ວວ່າ: ພໍກ້າວເຂົ້າສູ່ລະດູແລ້ງ ປະເທດເຮົາມັກຈະມີງານບຸນປະເພນີຕ່າງໆເກີດຂຶ້ນຢ່າງ

ຕໍ່ເນື່ອງຄື: ໃນມໍ່ໆນີ້ສຳລັບຢູ່ນະຄອນຫຼວງວຽງຈັນ ກໍຈະມີບຸນອອກພັນສາ ແລະ ຊ່ວງເຮືອປະເພນີ, ບຸນນະມັດສະການ

ພະທາດຫຼວງທີ່ເປັນບຸນໃຫຍ່ຂອງທົ່ວປວງຊົນລາວທັງຊາດ ຈະຖືກຈັດຂຶ້ນດັ່ງທຸກໆປີທີ່ມີມາ, ເພື່ອເປັນການສົ່ງເສີມ

ແລະ ປົກປັກຮັກສາ ໄວ້ວັດທະນະທຳ ແລະ ຮີດປະເພນີອັນດີງານຂອງຊາດ, ພ້ອມເປັນການເຕົ້າໂຮມຄວາມສາມັກຄີ

ເປັນປຶກແຜ່ນ ໃນໝູ່ປະຊາຊົນບັນດາເຜົ່າ, ແຕ່ມາປັດຈຸບັນຄົນສ່ວນໜຶ່ງໄດ້ເບິ່ງຂ້າມໄປ ເຫັນແຕ່ໂອກາດເພື່ອຫາ

ລາຍຮັບຈາກງາມບຸນດັ່ງກ່າວພຽງຍ່າງດຽວ, ໂດຍສະເພາະແມ່ນບ່ອນຕັ້ງຮ້ານວາງສະແດງ ແລະ ຂາຍສິນ ຄ້າດັ່ງທີ

ເຄີຍເປັນມາ ໂດຍຈະມີຜູ້ເຂົ້າໄປສຳປະທານແລ້ວຂາຍໃຫ້ຜູ້ປະກອບການຕ່າງໆເຂົ້າຈັບຈອງໃນລາຄາສູງ, ເຮັດໃຫ້ມີ

ຫາງສຽງຈົ່ມວ່າເປັນຈຳນວນບໍ່ໜ້ອຍ ແລະ ບໍ່ພຽງແຕ່ເທົ່ານັ້ນ ຍັງສົ່ງຜົນກະທົບຕໍ່ລາຄາສິນຄ້າ, ຊຶ່ງຜູ້ປະກອບການ

ຕ້ອງໄດ້ຂາຍແພງຂຶ້ນຈຶ່ງຈະກຸ້ມຄ່າ, ຕົວຢ່າງ: ເມື່ອກ່ອນສິນຄ້າທີ່ວາງຂາຍ ແລະ ເປັນເອກະລັກຂອງງານບຸນປະເພນີ

ແມ່ນເຂົ້າຫຼາມ ປີ້ງໄກ່, ແຕ່ເນື່ອງຈາກລາຄາເຊົ່າດິນແພງ ຈຶ່ງເຮັດໃຫ້ສິນຄ້າເຫຼົ່ານີ້ໜ້ອຍລົງ, ເຮັດໃຫ້ການສົ່ງເສີມ

ມູນເຊື້ອວັດທະນະທຳ ແລະ ຮີດຄອງປະເພນີອັນດີງາມຂອງຊາດ ແລະ ຄຸນຄ່າຂອງບຸນປະເພນີມີອັນປ່ຽນໄປກາຍເປັນ

ເລື່ອງທີ່ແກ້ໄຂຍາກ, ດັ່ງນັ້ນຕໍ່ບັນຫານີ້ທາງຄະນະກຳມະການຈັດງານບຸນ ຄວນທົບທວນຄືນ ແລະ ຫາທາງແກ້ໄຂ,

ເພື່ອເຮັດແນວໃດໃຫ້ການສະເຫຼີມສະຫຼອງ ແລະ ຄົບງັນໃນງານບຸນປະເພນີດັ່ງກ່່າວ ດຳເນີນໄປດ້ວຍບັນຍາກາດອັນ

ເບີກບານມ່ວນຊື່ນ, ຮັບປະກັນໄດ້ມູນເຊື້ອວັດທະນະທຳ ແລະ ຮີດຄອງປະເພນີອັນດີງາມຂອງຊາດລາວ ແລະ ທັງເປັນ

ການສົ່ງເສີມ ແລະ ດຶງດູດການທອງທ່ຽວຂອງປະເທດເຮົານັບມື້ຂະຫຍາຍຕົວກວ້າງຂວາງ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...