spot_img
Homeຂ່າວພາຍ​ໃນພະນະທ່ານປະທານປະເທດ ບຸນຍັງ ວໍລະຈິດ ຮ່ວມກອງປະຊຸມສຸດຍອດຈີ 20 ທີ່ຫາງໂຈ, ສປ ຈີນ

ພະນະທ່ານປະທານປະເທດ ບຸນຍັງ ວໍລະຈິດ ຮ່ວມກອງປະຊຸມສຸດຍອດຈີ 20 ທີ່ຫາງໂຈ, ສປ ຈີນ

Published on

ໂດຍຕອບສະໜອງການເຊີນຂອງພະນະທ່ານ ສີ ຈິ້ນຜິງ ປະທານປະເທດແຫ່ງ ສາທາລະນະລັດ ປະຊາຊົນຈີນ, ປະທານ ແລະ ເຈົ້າພາບການຈັດກອງປະຊຸມກຸ່ມຈີ 20, ພະນະທ່ານ ບຸນຍັງ ວໍລະຈິດ ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະທານໝູນວຽນອາຊຽນປີ2016, ພ້ອມດ້ວຍພັນລະຍາ ແລະ ຄະນະ ໄດ້ອອກເດີນທາງຈາກນະຄອນຫລວງວຽງຈັນ ໃນວັນທີ 2 ກັນຍາ 2016 ເພື່ອເຂົ້າຮ່ວມກອງປະຊຸມສຸດຍອດຂອງບັນດາຜູ້ນຳກຸ່ມພັດທະນາແລ້ວ (ຈີ 20), ຄັ້ງທີ 11 ຊຶ່ງໄດ້ຈັດຂຶ້ນໃນວັນທີ 2-6 ກັນຍານີ້ ທີ່ຫາງໂຈ, ສປ ຈີນ.

ໃນໂອກາດດັ່ງກ່າວ, ພະນະທ່ານປະເທດປະທານ ບຸນຍັງ ວໍລະຈິດ ຈະໄດ້ມີຄຳເຫັນຕໍ່ກອງປະ ຊຸມສຸດຍອດ ຈີ20 ຄັ້ງນີ້ ໃນພາກທີ່ຈະປຶກສາຫາລື ແລະ ແລກປ່ຽນຄຳຄິດຄຳເຫັນກ່ຽວກັບບັນຫາອື່ນໆ ທີ່ມີຜົນກະທົບຕໍ່ເສດຖະກິດໂລກ. ນອກນີ້, ພະນະທ່ານປະທານປະເທດ ແລະ ຄະນະກໍໄດ້ພົບປະສອງຝ່າຍກັບຄະນະຜູ້ແທນ ສປ ຈີນ, ນຳໂດຍພະນະທ່ານ ສີ ຈິ້ນຜິງ, ເພື່ອປຶກສາຫາລືໃນການຊຸກຍູ້ສົ່ງເສີມການພົວພັນ

ແລະ ຮ່ວມມືຍຸດທະສາດຮອບດ້ານ ລະຫວ່າງສອງປະເທດ ແລະ ບັນຫາອື່ນໆ ທີ່ສອງຝ່າຍມີຄວາມສົນໃຈຮ່ວມກັນ, ຈະເຄື່ອນໄຫວຢ້ຽມຊົມບັນດາເຂດອຸດສາຫະກຳ, ວັດທະນະທຳ ແລະ ທ່ອງທ່ຽວຂອງແຂວງຫາງໂຈ ຈຳນວນໜຶ່ງ.

ກຸ່ມຈີ 20 ແມ່ນກຸ່ມລັດຖະມົນຕີການເງິນ ແລະ ຜູ້ວ່າການທະນາຄານກາງ 20 ປະເທດ, ເປັນເວທີທີ່ສຳຄັນໃນການປຶກສາຫາລືບັນຫາດ້ານເສດຖະກິດ ແລະ ການເງິນໂລກ, ໄດ້ຮັບການສ້າງຕັ້ງຂຶ້ນໃນເດືອນ ກັນຍາ ປີ 1999 ທີ່ວໍຊິຕັນ ດີຊີ ສະຫະລັດ ອາເມລິກາ, ຊຶ່ງໃນເບື້ອງຕົນມີ 7 ປະເທດອຸດສາຫະກຳທີ່ສຳຄັນຄື: ການາດາ, ຝຣັ່ງ,ເຢຍລະມັນ, ອີຕາລີ, ຍີ່ປຸ່ນ, ອັງກິດ ແລະ ສະຫະລັດ ອາ ເມລິກາ, ຕໍ່ມາສະມາຊິກ ກໍໄດ້ເພີ່ມຂຶ້ນເປັນ 19 ປະເທດ ແລະ1 ອົງການ, ໃນນີ້ມີ 8 ປະເທດຈາກພາກພື້ນ-ອາຊີປາຊີຟິກ: ຍີ່ປຸ່ນ, ສປ ຈີນ, ອິນເດຍ, ຕວັກກີ, ອິນໂດເນເຊຍ,ສ.ເກົາຫລີ, ອົດສະຕາລີ ແລະ ຊາອຸດີ ອາຣາເບຍ, ພາກອາຝຣິກກາມີ: ອາຝຣິກກາໃຕ້, ພາກພື້ນເອີຣົບມີ 5 ປະເທດ ແລະ 1 ອົງການ: ຝຣັ່ງ, ເຢຍລະມັນ, ອີຕາລີ, ອັງກິດ, ລັດເຊຍ ແລະ ສະຫະພາບເອີຣົບ, ພາກພື້ນອາເມລິ ການມີ 5ປະເທດ: ສະຫະລັດ ອາເມລິກາ, ການາດາ, ແມັກຊີໂກ, ອາກຊັງຕິນ ແລະ ບຣາຊິນ. ຈີ 20 ບໍ່ມີສຳນັກງານກອງເລຂາຖາວອນ, ແຕ່ຈະມີການສັບປ່ຽນໝູນວຽນກັນເປັນປະຈຳໃນແຕ່ລະປີ ລະ ຫວ່າງບັນດາປະເທດສະມາຊິກ ໃນການເປັນເຈົ້າພາບຈັດກອງປະຊຸມ, ແຕ່ຈະມີກອງເລຂາແບບຊົ່ວ ຄາວທີ່ຕັ້ງຂຶ້ນໂດຍປະເທດທີ່ເປັນປະທານກອງປະຊຸມ.

ຈຸດປະສົງຂອງການຮ່ວມມືຂອງກຸ່ມຈີ 20 ແມ່ນເພື່ອປຶກສາຫາລືຊອກຊ່ອງທາງແກ້ໄຂ ຮັບມືກັບບັນຫາວິກິດການດ້ານເສດຖະກິດ ແລະ ການເງິນໂລກ, ສ້າງສະຖຽນລະພາບ ແລະ ການຈະເລີນເຕີບໂຕຂອງເສດຖະກິດແບບຍືນຍົງ, ມີການປະຕິຮູບ ແລະ ປັບປຸງລະບົບການເງິນສາກົນໃນການສົ່ງເສີມລະບຽບທາງດ້ານການເງິນເພື່ອຫລຸດຄວາມສ່ຽງ ແລະ ປ້ອງກັນບໍ່ໃຫ້ເກີດວິກິດການທາງການເງິນໃນອະນາຄົດ.

 

ຂ່າວຈາກ: laophatthananewspaper
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...