ຜົນທົດລອງວັກຊີນໃນໄລຍະທຳອິດ ໃນອາເມລິກາພົບວ່າສາມາດຕ້ານໄວຣັດໂຄວິດ-19ໄດ້

0
57

ເວັບໄຊຂ່າວ posttoday ລາຍງານໃຫ້ຮູ້ວ່າ ບໍລິສັດ Moderna Inc ຜູ້ດຳເນີນທຸລະກິດດ້ານໄບໂອເທັກຂອງອາເມລິກາ ຖະແຫຼງການວ່າ ຜົນການທົດລອງທາງຄລີນິກໃນການສັກວັກຊີນຕ້ານໄວຣັໂຄວິດ-19 ໄດ້ເຮັດໃຫ້ຮ່າງກາຍຂອງອາສາສະໝັກສາມາດຜະລິດພູມຕ້ານທານເຊິ່ງສາມາດຂ້າເຊື້ອໄວຣັດໃນຜູ້ປ່ວຍໂຄວິດ-19ໄດ້.  ວັກຊີນດັ່ງກ່າວມີຊື່ວ່າ mRNA-1273 ມີຄວາມປອດໄພ ແລະ ຕອບສະໜອງໄດ້ດີໃນການທົດລອງໄລຍະທຳອິດ.

ຜົນການສຶກສາທີ່ດຳເນີນການໂດຍສະຖາບັນສຸຂະພາບແຫ່ງຊາດອາເມລິກາ (NIH) ພົບວ່າ ລະດັບຂອງພູມຕ້ານທານດັ່ງກ່າວມີປະລິມານເທົ່າກັບໃນຕົວຢ່າງເລືອດຂອງຜູ້ປ່ວຍທີ່ຟື້ນຕົວຈາກໂຣກໂຄວິດ-19 ແລະ ຈະມີການທົດລອງໃນຂັ້ນຕອນຕໍ່ໄປໃນເດືອນ ກໍລະກົດ 2020.

ຜູ້ອຳນວຍການໃຫຍ່ຂອງອົງການອະນາໄມໂລກກ່າວວ່າ ປະເທດຕ່າງໆຍັງຕ້ອງເດີນທາງອີກໄຫໃນການຕໍ່ສູ້ກັບການແຜ່ລະບາດຂອງໄວຣັດໂຄວິດ-19 ເນື່ອງຈາກຄວາມສ່ຽງຕ່າງໆຍັງມີສູງ.

 

ຮຽບຮຽງຂ່າວ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.