spot_img
Homeສຸຂະພາບ ແລະ ສີ່ງແວດລ້ອມຜົນການວິໄຈຈາກເມັດເລືອດບອກໄດ້ວ່າມະນຸດສາມາດມີອາຍຸຢືນຍາວເຖິງ 150 ປີ!!

ຜົນການວິໄຈຈາກເມັດເລືອດບອກໄດ້ວ່າມະນຸດສາມາດມີອາຍຸຢືນຍາວເຖິງ 150 ປີ!!

Published on

ທີມນັກວິໄຈຈາກບໍລິສັດເທັກໂນໂລຢີຊີວະພາບເຈໂຣ (Gero) ໃນປະເທດສິງກະໂປໄດ້ເຜີຍແຜ່ຜົນການວິໄຈເມັດເລືອດທີ່ກ່ຽວກັບມະນຸດໃນວາລະສານ Nature Communications ໂດຍລະບຸວ່າຄົນເຮົາສາມາດມີຊີວິດຢືນຍາວໄດ້ສູງສຸດເຖິງ 120 – 150 ປີແຕ່ຈະບໍ່ເກີນໄປກວ່ານີ້ ເນື່ອງຈາກເຊລໃນຮ່າງກາຍບໍ່ສາມາດຟື້ນຟູຕົນເອງໄດ້ອີກ.

ທີມນັກວິໄຈສາມາດຮູ້ເຖິງຂີດຈໍາກັດຂອງອາຍຸໄຂມະນຸດໄດ້ຈາກການວິເຄາະຜົນກວດຈາກເມັດເລືອດຂອງປະຊາກອນທີ່ມີອາຍຸຕ່າງກັນໃນສະຫະລັດອາເມລິກາ, ອັງກິດ ແລະ ຣັດເຊຍ ຈໍານວນ 500,000 ຄົນ ເພື່ອເບິ່ງສັດສ່ວນລະຫວ່າງເມັດເລືອດຂາວສອງຊະນິດກັບຄວາມແຕກຕ່າງຂອງເມັດເລືອດແດງທີ່ຮ່າງກາຍຜະລິດອອກມາ ເຊິ່ງວ່າຖ້າຄົນເຮົາມີອາຍຸທີ່ຫຼາຍຂື້ນຄວາມປ່ຽນແປງຂອງປະລິມານ ແລະ ຂະໜາດຂອງເມັດເລືອດກໍຍິ່ງປາກົດຊັດເຈນຂື້ນ. ການປ່ຽນແປງຂອງເມັດເລືອດດັ່ງກ່າວເປັນໂຕບົ່ງຊີ້ທາງດ້ານຊີວະພາບທີ່ສະແດງໃຫ້ເຫັນເຖິງຄວາມປ່ຽນແປງທາງດ້ານອາຍຸຂອງມະນຸດ.

ເຖິງຢ່າງໃດກໍຕາມການມີອາຍຸທີ່ຢືນຍາວນັ້ນເປັນຄົນລະຢ່າງກັບການມີສຸຂະພາບດີໃນຊ່ວງເວລາທີ່ເຖົ້າລົງ ເຊິ່ງທີມຜູ້ວິໄຈແນະນໍາວ່າຄວນຈະຕ້ອງມີການສຶກສາຕໍ່ໄປເຖິງຊ່ວງອາຍຸທີ່ດົນທີ່ສຸດທີ່ຄົນເຮົາຈະສາມາດມີຊີວິດຢູ່ໄດ້ໂດຍມີສຸຂະພາບທີ່ແຂງແຮງ ແລະ ໃນປັດຈຸບັນນີ້ຄົນທີ່ມີອາຍຸຫຼາຍທີ່ສຸດໃນໂລກແມ່ນຄົນຝຣັ່ງທີ່ມີອາຍຸ 122 ປີ.

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...