spot_img
Homeຂ່າວເຫດການຜູ້ປ່ວຍແກ່ນຕາຂຸ້ນ ໄດ້ຮັບການປິ່ນປົວ ໃນໂຄງການ ເຄື່ອນໄຫວແສງສະຫວ່າງ ໃນລຸ່ມແມ່ນໍ້າຂອງ

ຜູ້ປ່ວຍແກ່ນຕາຂຸ້ນ ໄດ້ຮັບການປິ່ນປົວ ໃນໂຄງການ ເຄື່ອນໄຫວແສງສະຫວ່າງ ໃນລຸ່ມແມ່ນໍ້າຂອງ

Published on

ຜູ້ປ່ວຍແກ່ນຕາຂຸ້ນ ໃນນະຄອນຫລວງວຽງຈັນ ຫລາຍກ່ວາ 200 ຄົນ ຈະໄດ້ຮັບການປິ່ນປົວ ພາຍໃຕ້ໂຄງການ ເຄື່ອນໄຫວແສງສະຫວ່າງ ໃນລຸ່ມແມ່ນໍ້າຂອງ ໂດຍບໍ່ເສຍຄ່າ. ໂຄງການດັ່ງກ່າວ, ໄດ້ຈັດຂຶ້ນ ໃນວັນທີ 14 ຕຸລານີ້ ຢູ່ສູນປີ່ນປົວ ແລະ ຮັກສາສຸຂະພາບຕາ ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ຮສ.ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ທ່ານ ກວ່າຮວາປີ່ງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ,ພ້ອມດ້ວຍເຈົ້າໜ້າທີ່ ກ່ຽວຂ້ອງສອງຝ່າຍ ເຂົ້າຮ່ວມ.
ທ່ານ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ກ່າວວ່າ: ເພື່ອປະຕິບັດ ນະໂຍບາຍຂອງ ກະຊວງທາລະນະສຸກ 2016-2020 ໃຫ້ບັນລຸເປົ້າໝາຍ ການປີ່ນປົວ ແລະ ການເຂົ້າເຖິງ ການຮັກສາສຸຂະພາບ ຢ່າງມີຄຸນນະພາບ, ທັງແມ່ນໂຄງການໜຶ່ງທີ່ສຳຄັນ ເພື່ອສົ່ງເສີມ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ສປ ຈີນ ໃຫ້ແໜ້ນແຟ້ນຍິ່ງໆຂຶ້ນ.

%e0%ba%9b%e0%ba%bb%e0%ba%a7%e0%ba%95%e0%ba%b2%e0%ba%82%e0%ba%b8%e0%bb%89%e0%ba%99
ທ່ານ ໂກງຈຽນຈົງ ຮອງປະທານສະມາຄົມ ການຕ່າງປະເທດ ສາທາລະນະສຸກ ສປ ຈີນ ກ່າວວ່າ: ແຜນການເຄື່ອນໄຫວ ແສງສະຫວ່າງ ລຸ່ມແມ່ນໍ້າຂອງ ເປັນການທົດລອງ ຄັ້ງທໍາອິດ ທາງດ້ານການພົວພັນ ການຕ່າງປະເທດ ສາທາລະນະ ຂອງຂະແໜງການກຸສົນ. ພະຍາດແກ່ນຕາຂຸ້ນ ເປັນສາເຫດສໍາຄັນໜຶ່ງ ທີ່ພາໃຫ້ຕາບອດ, ແຕ່ຜ່ານການປັບປຸງ ມາເປັນເວລາຫລາຍປີ ເຕັກນິກຜ່າຕັດໄດ້ມີ ການພັດທະນາຫລາຍຂຶ້ນ ຈົນເຖິງລະດັບສົມບູນແບບ ເຊິ່ງຖືວ່າເປັນຂ່າວດີ ສຳລັບຄົນເຈັບບໍ່ມີເງິນພຽງພໍ ໄປຮັບການປີ່ນປົວ. ໂຄງການດັ່ງກ່າວ, ເປິດບໍລິການປີ່ນປົວ ແຕ່ວັນທີ 12-14 ຕູລາ ນີ້ ແລະ ມີຜູ້ປ່ວຍມາໃຊ້ບໍລິການ ຫລາຍກວ່າ 200 ຄົນ.

ຂ່າວ:​ ສຳນັກຂ່າວສານປະເທດລາວ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...