ຜູ້ນຳອາເມລິກາກຽມແຈກເງິນປະຊາຊົນຫວັງກູ້ວິກິດໂຄວິດ-19

President Donald Trump gestures as he signs a "Space Policy Directive" during a meeting of the National Space Council in the East Room of the White House, Monday, June 18, 2018, in Washington, as Vice President Mike Pence watches. AP Photo/Susan Walsh)

ເມື່ອວັນທີ 17 ມີນາ 2020 ນີ້ ສຳນັກຂ່າວຕ່າງປະເທດລາຍງານວ່າ ທ່ານ ໂດນັລ ທຣໍ້າ ປະທານາທິບໍດີສະຫະລັດອາເມລິກາ ພ້ອມກັບທ່ານ ສະຕີເວນ ມະນູຊິນ ລັດຖະມົນຕີກະຊວງການເງິນ ໄດ້ຮ່ວມກັນຖະແຫຼງແຜນການກູ້ວິກິດເສດຖະກິດຈາກຜົນກະທົບຂອງການລະບາດເຊື້ອໄວຣັສໂຄໂຣນາ ຫຼື ໂຄວິດ-19.

ໂດຍມີເນື້ອໃນສຳຄັນວ່າ: ລັດຖະບານກຽມແຈກເງິນໃຫ້ປະຊາຊົນອາເມລິກາ ໃນງົບປະມານ 850,000 ໂດລາ ເພື່ອກະຕຸ້ນເສດຖະກິດ ຫວັງກູ້ວິກິດຈາກຜົນກະທົບຈາກການແຜ່ລະບາດຂອງໂຄວິດ-19 ໂດຍຈະແຈກເງິນໃນຮູບແບບແຊັກເງິນທີ່ບໍ່ລະບຸຈຳນວນເງິນໃຫ້ກັບປະຊາຊົນ ພາຍໃນ 2 ອາທິດນີ້.

ທັນທີທີ່ຈົບການຖະແຫຼງການດັ່ງກ່າວຫຸ້ນໃນຕະຫຼາດອາເມລິກາເພີ່ມຂຶ້ນຢ່າງຮ້ອນແຮງ ດັດຊະນີດາວໂຈນປັບຕົວຂຶ້ນ 1048.86 ຈຸດ, ດັດຊະນີ S&P 500 ປັບຂຶ້ນ 143.06 ຈຸດ, ສ່ວນດັດຊະນີ Nasdaq ປັບຂຶ້ນ 430.19 ຈຸດ.

ຮຽບຮຽງຂ່າວ: ພຸດສະດີ

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.