spot_img
Homeຂ່າວຕ່າງປະເທດຜູ້ນຳຈີນ ແລະ ອາເມຣິກາ ຍັງບໍ່ມີແຜນພົບປະເຈລະຈາບັນຫາການຄ້າ

ຜູ້ນຳຈີນ ແລະ ອາເມຣິກາ ຍັງບໍ່ມີແຜນພົບປະເຈລະຈາບັນຫາການຄ້າ

Published on

ທ່ານ ສີ ຈິ້ນຜິງ ປະທານາທິບໍດີແຫ່ງ ສປ ຈີນ ຍັງບໍ່ມີກຳນົດການພົບປະກັບ ທ່ານ ໂດນັລ ທຣັມ ປະທານາທິບໍດີແຫ່ງສະຫະລັດອາເມຣິກາ ຢ່າງເປັນທາງການເພື່ອເຈລະຈາບັນຫາຂັດແຍ່ງເລື່ອງການຄ້າດ້ວຍຕົນເອງໃນລະດັບຜູ້ນຳ ຂະນະທີ່ຜູ້ນຳອາເມຣິກາກໍໄດ້ກ່າວວ່າ ເລື່ອງນີ້ເປັນພຽງການໂຕ້ຖຽງກັນເລັກນ້ອຍລະຫວ່າງສອງຝ່າຍເທົ່ານັ້ນ.

ສຳນັກຂ່າວຕ່າງປະເທດໄດ້ລາຍງານເມື່ອວັນທີ 15 ພຶດສະພາຜ່ານມາວ່າ ທ່ານ ເກິ່ງ ສ່ວງ ໂຄສົກກະຊວງການຕ່າງປະເທດ ສປ ຈີນ ໄດ້ກ່າວວ່າ ຜູ້ນຳອາເມຣິກາ ແລະ ຈີນ ຍັງຄົງມີການຕິດຕໍ່ກັນຕາມຄວາມເໝາະສົມໃນຫຼາກຫຼາຍຮູບແບບ ທັງນີ້ ສປ ຈີນ ກໍ ໄດ້ປະກາດວ່າ ນັບແຕ່ວັນທີ 1 ມິຖຸນາ 2019 ເປັນຕົ້ນໄປຈະມີການປັບຂຶ້ນພາສີໃນອັດຕາລະຫວ່າງ 5-25% ຕໍ່ສິນຄ້າມູນຄ່າ ປະມານ 60.000 ລ້ານໂດລາທີ່ສົ່ງອອກຈາກອາເມຣິກາ ໂດຍຈຳແນກອອກເປັນສິນຄ້າ 5.140 ລາຍການ ຊຶ່ງສິນຄ້າທີ່ຢູ່ໃນລາຍຊື່ສ່ວນໃຫຍ່ຍັງເປັນສິນຄ້າກະສິກຳ ຜະລິດຕະພັນເອເລັກໂຕຣນິກຊຶ່ງກວມເອົາປະເພດແບັດເຕີຣີ ແລະ ສິນຄ້າພະລັງງານເຊັ່ນ ຜະລິດຕະພັນຈາກແກ໊ສທຳມະຊາດເຫຼວ (LNG) ເພື່ອຕອບໂຕ້ລັດຖະບານອາເມຣິກາຊຶ່ງຕັ້ງກຳແພງພາສີ ແລະ ຂຶ້ນພາສີສິນຄ້ານຳເຂົ້າຈາກຈີນເກືອບທຸກລາຍການ ຊຶ່ງປັດຈຸບັນຄິດເປັນມູນຄ່າປະມານ 300.000 ລ້ານໂດລາກ່ອນຂຶ້ນພາສີ ທັງນີ້ ພາຍຫຼັງລັດຖະບານອາເມຣິກາໄດ້ປັບເພີ່ມອັດຕາພາສີສິນຄ້າຈຳນວນທີ່ນຳເຂົ້າຈາກເດີມ 10% ປັບຂຶ້ນເປັນ 25% ຕໍ່ສິນຄ້າຂອງຈີນ 200.000 ລ້ານໂດລາ ແລະ ມີຜົນບັງຄັງໃຊ້ຢ່າງເປັນທາງການນັບແຕ່ວັນທີ 10 ພຶດສະພາ 2019 ທີ່ຜ່ານມາ.

ຂະນະທີ່ລາຄາສັນຍາຊື້-ຂາຍຖົ່ວເຫຼືອງລ່ວງໜ້າໃນຕະຫຼາດຊິຄາໂກໃນງວດເດືອນມິຖຸນານີ້ ໄດ້ສ້າງສະຖິຕິຫຼຸດຕ່ຳສຸດໃນຮອບ 10 ປີ ເຖິງແມ່ນວ່າກະຊວງກະສິກຳຂອງອາເມຣິກາຈະຈັດຕັ້ງກອງທຶນສຸກເສີນຫຼາຍກວ່າ 11.000 ລ້ານໂດລາເພື່ອຊ່ວຍເຫຼືອຊາວກະສິ ກຳທີ່ໄດ້ຮັບຜົນກະທົບ ໂດຍສະເພາະການປູກຖົ່ວເຫຼືອງເມື່ອປີຜ່ານມາ ຢ່າງໃດກໍດີ ໂດນັລ ທຣັມ ກໍປະຕິເສດສຽງວິພາກວິຈານທີ່ວ່າ ການເຈລະຈາການຄ້າກັບ ສປ ຈີນ ນັ້ນຫຼົ້ມເຫຼວ ຊຶ່ງທ່ານ ທຣັມ ກ່າວພຽງວ່າ ມັນເປັນການຜິດຖຽງກັນເລັກນ້ອຍເທົ່ານັ້ນ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: Getty Images,AP

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...