ຜູ້ຕິດເຊື້ອໂຄວິດ-19 ທົ່ວໂລກ ທະລຸ 10 ລ້ານຄົນ! ອາເມລິກາມີຜູ້ປ່ວຍຫຼາຍທີ່ສຸດໃນໂລກ

ເວັບໄຊ bbc.com ລາຍງານວ່າ ຜ່ານມາປະມານ 6 ເດືອນແລ້ວ ຫຼັງຈາກມີການເລີ່ມລະບາດຂອງໄວຣັດໂຄໂຣນ່າສາຍພັນໃໝ່ໃນຈີນ ຈຳນວນຜູ້ຕິດເຊື້ອທົ່ວໂລກໃນປັດຈຸບັນທະລຸ 10 ລ້ານຄົນແລ້ວ ແລະ ມີຍອດຜູ້ເສຍຊີວິດກວ່າ 5 ແສນຄົນ.

ສຳລັບ ສປປ ລາວ ປະຈຸບັນ, ບໍ່ມີຄົນເຈັບຕິດເຊື້ອພະຍາດ ໂຄວິດ-19 ປີ່ນປົວຢູ່ໂຮງໝໍ ຄົນເຈັບ 19 ຄົນ ແມ່ນໄດ້ປິ່ນປົວຫາຍດີ ແລະ ອອກໂຮງໝໍໝົດທຸກຄົນແລ້ວ.

ສະຫະລັດອາເມລິກາຍັງເປັນປະເທດທີ່ມີຍອດຜູ້ປ່ວຍສະສົມຫຼາຍທີ່ສຸດໃນໂລກ. ຍອດຜູ້ປ່ວຍສະສົມໃນສະຫະລັດອາເມລິກາມີສູງເຖິງ 2.5 ລ້ານຄົນ, ມີຍອດຜູ້ເສຍຊີວິດຫຼາຍກວ່າ 1.2 ແສນຄົນ, ຮອງລົງມາແມ່ນປະເທດ ບຣາຊິນ, ຣັດເຊຍ, ອິນເດຍ, ອັງກິດ ແລະ ສະເປນ. ເຊິ່ງໃນຫຼາຍປະເທດກຳລັງດຳເນີນມາດຕະການຜ່ອນຄາຍຕ່າງໆໃນປະເທດລົງ ເພື່ອໃຫ້ປະຊາຊົນກັບມາໃຊ້ຊີວິດຕາມປົກກະຕິ ພ້ອມໃຫ້ກັບມາເລີ່ມກິດຈະການທາງດ້ານເສດຖະກິດໃຫ້ຫຼາຍຂຶ້ນ.

 

 

ຮຽບຮຽງຂ່າວ:​ ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.