ປ້ອງກັນໂຄວິດ-19! ລາວມີ 2 ແຂວງສັ່ງປິດດ່ານເຂົ້າ-ອອກ ຊົ່ວຄາວ

0
1330
Phou Keua Border Point
Phou Keua Border Point

ຫ້ອງວ່າການ ແຂວງ ອັດຕະປື ໄດ້ອອກແຈ້ງການ ເມື່ອບໍ່ດົນມານີ້ວ່າ: ແຂວງອັດຕະປືໄດ້ສັ່ງປິດດ່ານທ້ອງຖິ່ນ ແລະ ດ່ານປະເພນີ ເຂົ້າ-ອອກ ຊົ່ວຄາວ ທີ່ຕິດກັບ ແຂວງ ກອນຕູມ ສສ ຫວຽດນາມ, ແຂວງ ຊຽງແຕງ ແລະ ແຂວງ ລັດຕະນະຄີລີ ຣາຊາອານາຈັກກຳປູເຈຍ ເພື່ອປ້ອງກັນ ແລະ ສະກັດກັ້ນເຊື້ອຈຸລະໂລກສາຍພັນໃໝ່ 2019 (COVID-19).

ອີງຕາມການແຈ້ງການ ໄດ້ລະບຸວ່າ: ດ່ານພູຍາງ ເມືອງ ພູວົງ, ດ່ານຟໍ 1 ເຂດວັງຕັດ ເມືອງ ຊານໄຊ, ດ່ານເຊປຽນ ເມືອງ ສະໜາມໄຊ, ດ່ານປະເພນີ (ຟໍ 2, ຟໍ 3, ຟໍ 4, ຟໍ 5 ແລະ ຟໍ 6) ຖ້າມີຄວາມຈຳເປັນໃນການ ເຂົ້າ-ອອກ ຂອງປະຊາຊົນ, ນິຕິບຸກຄົນທີ່ດຳລົງຊີວິດຢູ່ 2 ຟາກຝັ່ງຊາຍເເດນ ແມ່ນໃຫ້ມານໍາໃຊ້ບໍລິການ ດ່ານສາກົນພູເກືອ-ເບີອີ (ສສ ຫຽວດນາມ) ແລະ ດ່ານສາກົນໜອງນົກຂຽນ ຣາຊະອານາຈັກກຳປູເຈຍ.

ສະນັ້ນ, ຈຶ່ງຂໍຖືເປັນກຽດແຈ້ງມາ ຍັງທ່ານເພື່ອຊາບ ແລະ ຈັດຕັ້ງປະຕິບັດນັບແຕ່ມື້ອອກແຈ້ງການສະບັບນີ້ເປັນຕົ້ນໄປຈົນກວ່າຈະມີແຈ້ງການປ່ຽນແປງ.

ກ່ອນໜ້ານີ້ ໃນວັນທີ 12 ມີນາ ທີ່ຜ່ານມາ ຫ້ອງວ່າການ ແຂວງ ຫົວພັນ ກໍ່ໄດ້ອອກແຈ້ງການປິດບັນດາດ່ານປະເພນີ ເຂົ້າ-ອອກ ຊົ່ວຄາວ, ຈຳນວນ 10 ດ່ານ ເພື່ອປອ້ງກັນ ແລະ ສະກັດກັ້ນເຊື້ອພະຍາດ COVID-19.

 

 

ຮຽບຮຽງຂ່າວ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.