spot_img
Homeຂ່າວຕ່າງປະເທດປູຕິນ ຮັດແໜ້ນສາຍສຳພັນກັບ ກຸຍບາ

ປູຕິນ ຮັດແໜ້ນສາຍສຳພັນກັບ ກຸຍບາ

Published on

10553502_531466596980948_4485000624790415925_n

 

ປະທານາທິບໍດີ ວະລາດິເມຍ ປູຕິນ ຂອງລັດເຊຍ ສວມກອດປະທານາທິບໍດີ ຣາອູລ ຄາສໂຕຣ ຂອງກຸຍບາ ໃນລະຫວ່າງການພົບປະທີ່ທຳນຽບການປະຕິວັດ ນະຄອນຫຼວງຮາວານາ ເມື່ອວັນທີ 11 ກໍລະກົດ 2014 ທີ່ຜ່ານມາ.

ປະທານາທິບໍດີ ວະລາດິເມຍ ປູຕິນ ຂອງລັດເຊຍ ຮັບປາກຈະຊ່ວຍຟື້ນຟູອຸດສາຫະກຳສຳຫຼວດນ້ຳມັນນອກຊາຍຝັ່ງຂອງກຸຍບາ ຫຼັງຈາກທີ່ກ່ອນໜ້ານີ້ໄດ້ປະກາດ ຍົກໜີ້ ສະໄໝສະຫະພາບໂຊວຽດໃຫ້ແກ່ກຸຍບາເຖິງ 90% ເຊິ່ງເປັນມູນຄ່າສູງເຖິງ 32,000 ລ້ານໂດລາສະຫະລັດ ມາແລ້ວ ນັບເປັນຄວາມພະຍາຍາມຂອງຜູ້ນຳລັດເຊຍທີ່ຈະສ້າງອິດທິພົນແຖບອາເມລິການລາຕິນ ຕ້ານການຂວ້ຳບາດຂອງຊາດຕາເວັນຕົກ.

ທ່ານປູຕິນ ຍັງຮັບປາກຈະປ່ຽນສະພາບ ໜີ້ ສ່ວນທີ່ເຫຼືອຂອງກຸຍບານຳອີກປະມານ 3,500 ລ້ານໂດລາສະຫະລັດ ເປັນເມັດເງິນລົງທຶນໃນໂຄງການໃຫຍ່ໆ ແລະຍັງໄດ້ພົບກັບອິກໍ ເຊຊິນ ປະທານບໍລິັສັດ ຣອສເນບຕ໌ (Rosneft) ລັດວິສາຫະກິດພະລັງງານຂອງລັດເຊຍ ເຊິ່ງໄດ້ເດິນທາງໄປຍັງນະຄອນຫຼວງຮາວານາເຊັ່ນດຽວກັນເພື່ອລົງນານຂໍ້ຕົກລົງສຳຫຼວດນ້ຳມັນນອກຊາຍຝັ່່ງຕອນເໜືອຂອງກຸຍບາ.

ທ່ານ ປູຕິນ ໄດ້ເຂົ້າພົບອະດີດປະທານາທິບໍດີ ຟິເດລ ຄາສໂຕຣ ໄວ 87 ປີ ບິດາແຫ່ງການປະຕິວັດກຸຍບາ ໂດຍໄດ້ຫາລືກ່ຽວກັບກິດຈະການລະຫວ່າງປະເທດເສດຖະກິດໂລກ ແລະຄວາມສຳພັນລະຫວ່າງມົສກູແລະຮາວານາເປັນເວລາ 1 ຊົ່ວໂມງ.

ລັດຖະບານກຸຍບາໄດ້ມອບຫຼຽນເຊີດຊູກຽດ “ໂຄເຊ ມາຕີ” ເຊິ່ງເປັນການຍ້ອງຍໍຊັ້ນສູງສຸດຂອງປະເທດກຸຍບາ.

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...