ປູຕິນ ລະບຸ ຣັດເຊຍສາມາດພັດທະນາວັກແຊັງ ປິ່ນປົວພະຍາດອີໂບລາ ມີປະສິດທິພາບເໜືອຢາອື່ນໃດໃນໂລກ!

ສຳນັກຂ່າວຕ່າງປະເທດ ລາຍງານໃນວັນທີ 14 ມັງກອນຜ່ານມານີ້ວ່າ ປະທານາທິບໍດີ ວະລາດິເມຍ ປູຕິນ ແຫ່ງຣັດເຊຍ ໄດ້ອອກມາລະບຸວ່າ ຣັດເຊຍສາມາດພັດທະນາວັກແຊັງ ສຳລັບຮັບມືກັບພະຍາດອີໂບລາ ທີ່ແຜ່ລະບາດ ແລະ ເຮັດໃຫ້ມີຜູ້ເສຍຊີວິດຈຳນວນຫລວງຫລາຍ ໃນທະວີບອາຟຣິກາຕາເວັນຕົກ ໂດຍເບື້ອງຕົ້ນ ຍັງບໍ່ທັນເປີດເຜີຍຊື່ຕົວຢາ ແລະ ລາຍລະອຽດຕ່າງໆແຕ່ຢ່າງໃດ.

ທ່ານ ປູຕິນ ເວົ້າວ່າ ” ພວກເຮົາມີຂ່າວດີ ເຮົາໄດ້ຈົດທະບຽນຢາຕົວໜຶ່ງ ສຳລັບປິ່ນປົວພະຍາດອີໂບລາ ຫລັງຈາກທຳການທົດສອບຫລາຍຄັ້ງ ມັນໄດ້ສະແດງໃຫ້ເຫັນວ່າ ຕົວຢາມີປະສິດທິພາບສູງ ແລະ ມີປະສິດທິພາບ ຫລາຍກ່ວາຢາຕົວອື່ນໆ ທີ່ໃຊ້ກັນຢູ່ໃນທົ່ວໂລກເວລານີ້ ”

ດ້ານທ່ານ ເວໂຣນິກາ ສະວອດໂຊວາ ລັດຖະມົນຕີວ່າການ ກະຊວງສາທາລະນະສຸກຣັດເຊຍ ກໍໄດ້ລະບຸເຊັ່ນກັນວ່າ ຣັດເຊຍໄດ້ພັດທະນາວັກແຊັງຊະນິດໜຶ່ງຂຶ້ນມາ ຊຶ່ງເປັນເອກະລັກ ແລະ ບໍ່ມີຕົວຢາໃດທຽບເທົ່າໄດ້ໃນໂລກນີ້.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.