ປູຕິນສັ່ງຍົກເລີກຂວ້ຳບາດຯ ຫລັງຜູ້ນຳຕວກກີ ສົ່ງໜັງສືຂໍໂທດ ເຫດຍິງເຮືອບິນທະຫານຕົກ!

ສຳນັກຂ່າວ AFP ລາຍງານໃນວັນທີ 1 ກໍລະກົດນີ້ວ່າ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ໄດ້ສັ່ງຍົກເລີກມາດຕະການຈຳກັດ ດ້ານການທ່ອງທ່ຽວ ແລະ ຟື້ນຟູຄວາມສຳພັນທາງການຄ້າກັບຕວກກີ ໃຫ້ກັບສູ່ລະດັບປົກກະຕິ ໃນວັນພະຫັດທີ 30 ມິຖຸນາຜ່ານມານີ້ ຫລັງຈາກທີ່ຄວາມສຳພັນສອງຝ່າຍ ເລີ່ມກັບເຂົ້າສູ່ທິດທາງທີ່ດີຂຶ້ນ ນັບຕັ້ງແຕ່ເຫດການທີ່ ເຮືອບິນທະຫານຂອງຕວກກີ ຍິງເຮືອບິນທະຫານຂອງຣັດເຊຍຕົກ ຢູ່ເຂດຊາຍແດນຕວກກີ-ຊີຣີ ເມື່ອເດືອນພະຈິກປີກາຍນີ້ ຊຶ່ງທ່ານ ເຣເຊບ ຕອຍຢິບ ເອີໂດກັນ ປະທານາທິບໍດີຕວກກີ ໄດ້ສົ່ງໜັງສືຂໍໂທດຕໍ່ກັບເຫດການດັ່ງກ່າວຕໍ່ຣັດເຊຍ ຢ່າງເປັນທາງການ ໃນວັນຈັນທີ 27 ມິຖຸນາຜ່ານມາ.

ທັງນີ້ ຈາກວິກິດການຄວາມສຳພັນລະຫວ່າງຣັດເຊຍ ແລະ ຕວກກີ ໄດ້ສົ່ງຜົນເສຍຫາຍຢ່າງໃຫຍ່ຫລວງ ໃຫ້ແກ່ພາກອຸດສາຫະກຳການທ່ອງທ່ຽວຂອງຕວກກີ ເນື່ອງຈາກຈຳນວນນັກທ່ອງທ່ຽວຊາວຣັດເຊຍ ທີ່ມັກເດີນທາງໄປຕາກອາກາດ ຢູ່ແຄມຝັ່ງທະເລເມດິແຕຣານຽນ ໄດ້ຫລຸດລົງຢ່າງຫລວງຫລາຍ ຫລັງຈາກທີ່ຜູ້ນຳຣັດເຊຍ ເລີ່ມປະກາດໃຫ້ມາດຕະການຂວ້ຳບາດເປັນຕົ້ນມາ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.