spot_img
Homeຂ່າວທ້ອງຖິ່ນປີ 2020 ລາວຕ້ອງການພະລັງງານໄຟຟ້າ 9.401 ລ້ານກິໂລວັດໂມງ

ປີ 2020 ລາວຕ້ອງການພະລັງງານໄຟຟ້າ 9.401 ລ້ານກິໂລວັດໂມງ

Published on

ສຳນັກຂ່າວສານປະເທດລາວ ລາຍງານວ່າ ກະຊວງພະລັງງານ ແລະ ບໍ່ແຮ່ ຄາດຄະເນ ປີ 2020 ສປປ ລາວ ມີຄວາມຕ້ອງ ການພະລັງງານໄຟຟ້າທັງໝົດ 9.401 ລ້ານກິໂລວັດໂມງ, ຮອດປີ 2025 ມີຄວາມຕ້ອງການພະລັງ ງານໄຟຟ້າເພີ່ມຂຶ້ນເປັນ 13.621 ລ້ານກິໂລວັດໂມງ, ໂດຍມີອັດຕາການເພີ່ມຂຶ້ນສະເລ່ຍ 7,7% ຕໍ່ປີ.

ໃນນັ້ນປີ 2020 ຂະແໜງອຸດສາຫະກໍາ ກວມເອົາອັດຕາສ່ວນຫຼາຍກວ່າ 47% ແລະ ຄາດຄະເນໃນປີ 2025 ຂະແໜງອຸດສາຫະກໍາ ຈະກວມເອົາອັດຕາສ່ວນເພີ່ມຂຶ້ນ ເປັນ 52%. ພ້ອມດຽວກັນນັ້ນ, ໃນປີ 2020 ຟຟລ ຈະສາມາດສົ່ງອອກພະລັງງານໄດ້ທັງໝົດ 3.575 ລ້ານກິໂລວັດໂມງ, ຮອດປີ 2025 ຈະສາມາດສົ່ງອອກໄດ້ 6.017 ລ້ານກິໂລວັດໂມງ ແລະ ນັບແຕ່ປັດຈຸບັນ ຈົນເຖິງປີ 2030 ຈະມີເຂື່ອນໄຟຟ້າທີ່ຈະມອບຄືນໃຫ້ລັດຖະບານລາວ ກໍຄື ໂຄງການຜະລິດໄຟຟ້າຫ້ວຍເຫາະ ແລະ ເຂື່ອນອື່ນໆອີກ ໃນປີ 2035 ແລະ ປີຕໍ່ໆໄປ ທີ່ອາດຈະເຮັດໃຫ້ລາຄາໄຟຟ້າຖືກລົງ.

ທ່ານ ຈັນສະແຫວງ ບຸນຍົງ ຫົວໜ້າກົມນະໂຍບາຍ ແລະ ແຜນພະລັງງານ ກະຊວງພະລັງງານ ແລະ ບໍ່ແຮ່ ໄດ້ຂຶ້ນລາຍງານບົດສັງລວມການປັບ ປຸງໂຄງສ້າງລາຄາໄຟຟ້າ ປີ 2021-2025 ໃນເວທີເສວະນາ ວັນທີ 5 ຕຸລາ 2020 ຢູ່ມະຫາວິທະຍາໄລແຫ່ງຊາດ ນະຄອນຫຼວງວຽງຈັນ, ໂດຍທ່ານໄດ້ຍົກໃຫ້ເຫັນເຖິງສະພາບການພັດທະນາ ແຫຼ່ງຜະລິດໄຟຟ້າຂອງ ສປປ ລາວ ເຊິ່ງມາຮອດປັດຈຸບັນ ສປປ ລາວ ມີແຫຼ່ງຜະລິດໄຟຟ້າທັງໝົດ 78 ແຫ່ງ, ມີກຳລັງຕິດຕັ້ງທັງໝົດ 9.972 ເມັກກາວັດ, ສາມາດຜະລິດພະລັງ ງານໄຟຟ້າໄດ້ເຖິງ 52.211 ລ້ານກິໂລວັດໂມງຕໍ່ປີ, ໃນນີ້ມີເຂື່ອນໄຟຟ້ານ້ຳຕົກ 67 ແຫ່ງ, ໂຮງໄຟຟ້າຖ່ານຖີນ 1 ແຫ່ງ, ໂຮງໄຟຟ້າຊີວະມວນ 4 ແຫ່ງ, ໂຮງໄຟຟ້າແສງຕາເວັນ 6 ແຫ່ງ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...