spot_img
Homeຂ່າວທ້ອງຖິ່ນປີ​ຜ່ານ​ມາ ສ​ພ​ຊ ກວດ​ພົບ​ຜູ້​ສໍ້​ລາດ​ບັງ​ຫລວງ 1.002 ຄົນ

ປີ​ຜ່ານ​ມາ ສ​ພ​ຊ ກວດ​ພົບ​ຜູ້​ສໍ້​ລາດ​ບັງ​ຫລວງ 1.002 ຄົນ

Published on

ປີ 2018 ສະພາແຫ່ງຊາດ ຫລື ສພຊ ສາ​ມາດກວດ​ພົບ​ເຫັນ​ຜູ້​ສໍ້​ລາດ​ບັງ​ຫລ​ວງ 1.002 ຄົນ​ໃນ​ຈຳ​ນວນ​ທົ່ວ​ປະ​ເທດ ເຊິ່ງ​ຂໍ້​ມູນ​ດັ່ງ​ກ່າວໄ​ດ້​ເຜີຍ​ແຜ່​ໃນກອງປະຊຸມສະຫຼຸບວຽກງານກວດກາປະຈຳປີ 2018 ແລະ ທິດທາງແຜນການປີ 2019 ພ້ອມທັງເຜີຍແຜ່ຜົນສໍາເລັດກອງປະຊຸມວຽກງານກວດກາທົ່ວປະເທດປະຈຳປີ 2018 ໂດຍ​ຈັດ​ຂຶ້ນ​ໃນວັນທີ 18 ມີນາ 2019 ທີ່ຫ້ອງວ່າການສູນກາງພັກ ​ຫລັກ6 ໂດຍການເປັນປະທານຂອງທ່ານ  ສົມພູ ດວງສະຫວັນ ປະທານກວດກາພັກ-ລັດ ສພຊ ມີທ່ານ ພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ ຄະນະປະຈຳພັກ ສພຊ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ສິນທະລາ ຫຼ້າສຸກສະໄໝ ກຳມະການກວດກາຄະນະພັກ ຫົວໜ້າກົມກວດກາ ຄະນະເລຂາທິການສະພາແຫ່ງຊາດ ໄດ້ກ່າວວ່າ: ໃນ 1 ປີຜ່ານມາ ຄະນະກວດກາ ສພຊ ໄດ້ເອົາໃຈໃສ່ຊີ້ນຳໆພາການຄົ້ນຄວ້າເຊື່ອມຊືມ ແລະ ຜັນຂະຫຍາຍ ຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກ ກົດລະບຽບ ແລະ ບັນດານິຕິກຳກອງປະຊຸມຄົບຄະນະຂອງຄະນະບໍລິຫານງານສູນກາງພັກສະໄໝທີ X ແລະ ມະຕິກອງປະຊຸມໃຫຍ່ອົງຄະນະພັກແຕ່ລະຂັ້ນ ມີຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການມອບໝາຍຈາກຂັ້ນເທິງ ເຊິ່ງໄດ້ສະແດງອອກໃນຜົນສຳເລັດແຕ່ລະດ້ານເປັນຕົ້ນການຕິດຕາມກວດກາວຽກງານການບໍລິຫານລັດຂັ້ນຕ່າງໆໃນປີ 2018 ຜ່ານມາ ສາມາດປະຕິບັດໄດ້ທັງໝົດ 1.213 ເປົ້າໝາຍ ໃນນີ້ກວດກາປົກກະຕິໄດ້ 408 ເປົ້າໝາຍ ກວດກາຕາມຄຳສັ່ງ 129 ເປົ້າໝາຍ ກວດກາຕາມຜົນການກວດສອບ 545 ເປົ້າໝາຍ ກວດກາໂຄງການລົງທຶນຂອງລັດເລີ່ມແຕ່ຫົວທີ 131 ເປົ້າໝາຍ  ແລະ ພົບເຫັນຜົນເສຍຫາຍທັງໝົດ 999,02 ຕື້ກີບ 67.144 ໂດລາສະຫະລັດ ແລະ 80 ພັນບາດ  ສາມາດເກັບກູ້ຄືນໄດ້ 26,51 ຕື້ກີບ 17.389 ໂດລາສະຫະລັດ  ພ້ອມນັ້ນໄດ້ເປັນເຈົ້າການປະສານສົບທົບກັບພາກສ່ວນກ່ຽວຂ້ອງສະກັດກັ້ນ ຕ້ານການສໍ້ລາດບັງ​ຫຼວງ ໂດຍໄດ້ມີການຕິດຕາມກວດກາເປົ້າໝາຍພຶດຕິກຳຂອງບຸກຄົນທັງໝົດ 1.285 ຄົນໃນນີ້ ເປັນພະນັກງານລັດ 970 ຄົນ ຜູ້ປະກອບການ 315 ຄົນ  ສາມາດພົບເຫັນພຶດຕິກຳການສໍ້ລາດບັງຫຼວງ 1.002 ຄົນ, ໃນນີ້ຖືກປະຕິບັດວິໄນດ້ານການບໍລິຫານ 849 ຄົນ ຖືກສືບສວນ-ສອບສວນ 153 ຄົນ ໃນນັ້ນໄດ້ສະຫຼຸບສຳນວນຄະດີສົ່ງໃຫ້ໄອຍະການ 113 ຄົນ ໄອຍະການຖະແຫຼງໃຫ້ສານ 61 ຄົນ ແລະ ສານຕັດສິນ 55 ຄົນ.

ວຽກງານຕິດຕາມແກ້ໄຂຄໍາຮ້ອງ-ຄໍາສະເໜີຂອງປະຊາຊົນ 1 ປີ ໄດ້ຄໍາຮ້ອງ-ຄໍາສະເໜີໄດ້ຮັບຮອງ ທັງໝົດ 980 ສະບັບໃນນີ້ ໄດ້ຄົ້ນຄວ້າແກ້ໄຂ 502 ສະບັບ ສົ່ງໃຫ້ພາກສ່ວນກ່ຽວຂ້ອງຄົ້ນຄວ້າແກ້ໄຂ 169 ສະບັບ  ເກັບມ້ຽນເພື່ອຕິດຕາມ 16 ສະບັບ ພວມດໍາເນີນການຄົ້ນຄວ້າ ແລະ ເກັບກໍາຂໍ້ມູນ 293  ສະບັບ ເພື່ອການຕິດຕາມແກ້ໄຂໃຫ້ຖືກສອດຄ່ອງ.

 

 

 

 

 

 

 

ຂຽນໂດຍ: ແຟນຊິສ ສະຫວັນຄຳ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...