ປີນີ້ ລັດຖະບານບໍ່ມີແຜນຂຶ້ນເງິນເດືອນ

Untitled-1

ໜັງສືພິມເສດຖະກິດ-ການຄ້າ ເຊິ່ງເປັນໜັງສືພິມທາງການ ຂອງກະຊວງອຸດສາຫະກຳແລະການຄ້າ ໄດ້ເຜີຍແຜ່ຂ່າວ ເມື່ອວັນທີ 14 ກໍລະກົດ 2015 ນີ້ ກະຊວງການເງິນຊີ້ ບໍ່ມີແຜນຂຶ້ນເງິນເດືອນພະນັກງານ – ລັດຖະກອນ ໃນສົກງົບປະມານໜ້າ ເນື່ອງຈາກການເກັບເງິນລາຍຮັບຍັງມີຄວາມຫຍຸ້ງຍາກ.

ໃນຕອນເຊົ້າມື້ວານນີ້ (ວັນທີ 13 ກໍລະກົດ 2015) ທີ່ຫໍສະພາແຫ່ງຊາດ ທ່ານ ສີລາ ວຽງແກ້ວ ລັດຖະມົນຕີຊ່ວຍວ່າການ ກະຊວງການເງິນ ໄດ້ອອກມາຕອບຄວາມສົນໃຈ ຜ່ານສາຍດ່ວນ 156 ຂອງສະພາ ໃນວາລະດຳເນີນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດຊຸດທີ VII ກ່ຽວກັບບັນຫາດັດຊະນີເງິນເດືອນພະນັກງານ – ລັດຖະກອນໃນສົກງົບປະມານ 2015-2016 ທີ່ຈະມີການເພິ່ມດັດຊະນີເງິນເດືອນຂຶ້ນເປັນ 9,300 ກີບ ຕໍ່ດັດຊະນີ ໃຫ້ແກ່ພະນັກງານລັດຖະກອນນັ້ນ ແມ່ນບໍ່ໄດ້ເອົາເຂົ້າແຜນງົບປະມານໃນປີ 2015-2016 ເນື່ອງຈາກ ຄວາມເປັນຈິງຂອງລາຍຮັບ ເຫັນວ່າມີຄວາມຈຳກັດ. ແລະວ່າ ຖ້າຈະມີການເພິ່ມ ແມ່ນຈະມີການເລິ່ມປະຕິບັດ ໃນສົກປີ 2017-2018.