spot_img
Homeຂ່າວທ້ອງຖິ່ນປະເທດລາວກຳນົດກົນໄກສຳລັບການຮ້ອງທຸກທາງອິນເຕີເນັດ

ປະເທດລາວກຳນົດກົນໄກສຳລັບການຮ້ອງທຸກທາງອິນເຕີເນັດ

Published on

ເວັບໄຊຂ່າວ ລາວທຽນທາມ ລາຍງານວ່າ ເຈົ້າໜ້າທີ່ລາວໄດ້ຈັດຕັ້ງກົນໄກໃໝ່ສຳລັບຈັດການກັບການກັ່ນແກ້ງ (ລ່ວງລະເມີດ) ແລະ ການຄຸກຄາມທາງອອນລາຍຫຼັງຈາກມີການໝິ່ນປະໝາດ ແລະ ການໃສ່ຮ້າຍທາງໂຊຊຽວມີເດຍເພີ່ມຂຶ້ນ.

ທ່ານ ດຣ.ທັນສະໄໝ ກົມມະສິດ ລັດຖະມົນຕີກະຊວງໄປສະນີ ແລະ ໂທລະຄົມມະນາຄົມລາວ ໄດ້ລົງນາມໃນກົດລະບຽບສະບັບໃໝ່ເມື່ອເດືອນທີ່ຜ່ານມາ ໂດຍອະນຸຍາດໃຫ້ ທີມຕອບໂຕ້ສຸກເສີນທາງຄອມພິວເຕີຂອງລາວ (Lao CERT) ຮັບຄຳຮ້ອງຈາກຜູ້ທີ່ຖືກໝິ່ນປະໝາດ.

ກົດລະບຽບໃໝ່ນີ້ອະນຸຍາດໃຫ້ຜູ້ເຄາະຮ້າຍຂອງການຖືກລ່ວງລະເມີດທາງອອນລາຍ ຫຼື ການກັ່ນແກ້ງທາງອິນເຕີເນັດສາມາດລາຍງານຄຳຮ້ອງຂອງຕົນໂດຍຕົງໄປທີ່ Lao CERT.

ຜູ້ເຄາະຮ້າຍຍັງສາມາດຍື່ນຂໍ້ຫາທາງອາຍາຕໍ່ຜູ້ຖືກກ່າວຫາຢູ່ສະຖານີຕຳຫຼວດ ເຊິ່ງຈະເຮັດໃຫ້ເຈົ້າໜ້າເປີດການສອບສວນຢ່າງເປັນທາງການ.

ກົນໄກການລາຍງານຂ່າວກ່ຽວກັບການລ່ວງລະເມີດທາງອິນເຕີເນັດໃໝ່ນີ້ ແມ່ນຕອບສະໜອງກັບຈຳນວນຄົນທີ່ໃຊ້ສື່ໂຊຊຽວທີ່ນັບມື້ນັບຫຼາຍຂຶ້ນເພື່ອໃຊ້ເປັນພື້ນທີ່ສຳລັບການໝິ່ນປະໝາດ ແລະ ການໃສ່ຮ້າຍ ກົດລະບຽບໃໝ່ນີ້ອະນຸຍາດໃຫ້ຜູ້ເຄາະຮ້າຍຮຽກຮ້ອງຄ່າເສຍຫາຍ, ໂດຍໝັ່ນໃຈວ່າມີວິທີການທີເໝາະສົມໃນການແກ້ໄຂບັນຫາ.

ໜັງສືພິມວຽງຈັນທາມ ລາຍງານວ່າ ກະຊວງໄປສະນີ ແລະ ໂທລະຄົມມະນາຄົມ ກຳລັງຮຽກຮ້ອງໃຫ້ຜູ້ໃຊ້ສື່ອອນລາຍໃນລາວປະຕິບັດຕົນຢ່າງຖືກຕ້ອງໃນການໃຊ້ສື່ອອນລາຍ ແລະ ມີສະຕິໃນການກະທຳຂອງຕົນ ພ້ອມທັງຫວັງວ່າຈະເຕືອນສະຕິໃຫ້ຜູ້ໃຊ້ອິນເຕີເນັດກວດກາແຫຼ່ງຂ່າວຢ່າງລະອຽດເພື່ອຫຼີກລ່ຽງການເຜີຍແຜ່ຂ່າວປອມ.

ສປປ ລາວ ໄດ້ເປີດຫ້ອງທົດລອງເຕັກນິກດີຈີຕອນ ຄັ້ງທຳອິດຂອງປະເທດໃນປີທີ່ຜ່ານມາ ເຊິ່ງໄດ້ອະນຸຍາດໃຫ້ເຈົ້າໜ້າທີ່ວິເຄາະຄະດີອາຍາທີ່ກ່ຽວຂ້ອງກັບສື່ດິຈີຕອນຫຼາຍກວ່າ 2,000 ຄົນຕໍ່ປີ. ມັນຈະຊ່ວຍໃຫ້ຜູ້ສືບສວນສາມາດຄົ້ນພົບ, ຂົນສົ່ງ, ກູ້ຄືນ, ວິເຄາະ ແລະ ຮັກສາຫຼັກຖານດິຈີຕອນທີ່ເກີດຈາກຄະນະອາຍາ ແລະ ນຳສະເໜີຫຼັກຖານນີ້ໃນສານ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...