spot_img
Homeຂ່າວພາຍ​ໃນປະຫວັດສາດໜ້າໃໝ່ ທັບນັກກິລາບານເຕະຍິງ ທີມຊາດລາວ U16 ເຂົ້າຮ່ວມແຂ່ງຂັນ ຊີງແຊ້ມອາຊີ ເປັນຄັ້ງທຳອິດ

ປະຫວັດສາດໜ້າໃໝ່ ທັບນັກກິລາບານເຕະຍິງ ທີມຊາດລາວ U16 ເຂົ້າຮ່ວມແຂ່ງຂັນ ຊີງແຊ້ມອາຊີ ເປັນຄັ້ງທຳອິດ

Published on

ການແຂ່ງຂັນ ບານເຕະຊາຍ ທີມຊາດລາວ ຊຸດໃຫຍ່ ທີ່ຢູ່ຕ່າງແດນ ກຳລັງຢູ່ໃນກະແສຄວາມສົນໃຈ ຂອງປະຊາຊົນ ແລະ ແຟນບານລາວ ໃນຂະນະນີ້, ແຕ່ຍັງມີອີກ 1 ການແຂ່ງຂັນ ຂອງທັບນັກກິລາລາວ ທີ່ກຳລັງຈະເປີດສາກ ແຂ່ງຂັນກັນໃນມໍ່ໆນີ້ ນັ້ນກໍ່ຄື ການແຂ່ງຂັນຂອງທັບນັກກິລາບານເຕະຍິງ ທີມຊາດລາວ ຮຸ່ນອາຍຸບໍ່ເກີນ 16 ປີ ໃນລາຍການ ແຂ່ງຂັນບານເຕະຍິງ ຊີງແຊ້ມອາຊີ ຮຸ່ນອາຍຸບໍ່ເກີນ 16 ປີ ຮອບຄັດເລືອກ ຫຼື AFC U-16 WOMEN’S CHAMPIONSHIP QUALFIERS 2017 ເຊິ່ງແບ່ງເປັນ 4 ກຸ່ມແຂ່ງຂັນກັນເກັບຄະແນນ ແລະ ເອົາ 2 ທີມທີ່ມີຄະແນນດີທີ່ສຸດ ຂອງແຕ່ລະກຸ່ມ ໄປແຂ່ງຂັນໃນຮອບສຸດທ້າຍ ທີປະເທດຈີນ ໃນປີ 2017 ເຊິ່ງທີມຊາດລາວເຮົາ ຖືກຈັດຢູ່ໃນກຸ່ມ A ຮ່ວມກັບ ທີມຊາດໄທ, ກວມ, ຈໍແດນ ແລະ ມຽນມາ.

ພິທີຖະແຫລງຂ່າວ ຄວາມພ້ອມກ່ອນການແຂ່ງຂັນ ໄດ້ຈັດຂຶ້ນໃນວັນທີ 26 ສິງຫານີ້ ທີ່ໂຮງແຮມ ຊົນອິນເຕີ ແຂວງຊົນບູຣີ ປະເທດໄທ ແລະ ສຳລັບທັບນັກກິລາບານເຕະຍິງ ທີມຊາດລາວ ຮຸ່ນອາຍຸບໍ່ເກີນ 16 ຖືວ່າເປັນນ້ອງໃໝ່ ທີ່ເຂົ້າຮ່ວມການແຂ່ງຂັນ ໃນລາຍການນີ້ ເປັນຄັ້ງທຳອິດ ເຊິ່ງ ທ່ານ ວົງມີໄຊ ສຸບົວຄຳ ຫົວຫນ້າຄູຝຶກ ບານເຕະຍິງ ທີມຊາດລາວ U16 ໄດ້ໃຫ້ສຳພາດຕໍ່ສື່ມວນຊົນວ່າ: ”ການເຂົ້າຮ່ວມຄັ້ງນີ້ ເປັນຄັ້ງທຳອິດ ຂອງທີມບານເຕະຍິງ U16 ລາວ ທີ່ເຂົ້າແຂ່ງຂັນ ສະນັ້ນ ພວກເຮົາຈະເຮັດໃຫ້ດີທີ່ສຸດ, ຂ້ອຍຄິດວ່າ ບານເຕະກໍ່ຄືບານເຕະ ທຸກຢ່າງເກີດຂຶ້ນໄດ້ ໃນເກມ 90 ນາທີ”.

ການແຂ່ງຂັນຂອງກຸ່ມ A ແມ່ນຈະຈັດຂຶ້ນຢູ່ທີ່ ສະຫນາມກິລາຊົນບູຣີ ແຂວງຊົນບູຣີ ປະເທດໄທ ລະຫວ່າງວັນທີ 27 ສິງຫາ ເຖິງວັນທີ 05 ກັນຍາ ນີ້ ເຊິ່ງທີມຊາດລາວ ຈະເປັນຄູ່ເປີດສະໜາມ ພົບກັບ ທີມຊາດ ມຽນມາ ເວລາ 16:00 ແລະ ການລົງສະໜາມນັດອື່ນໆ ຂອງທີມຊາດລາວມີດັ່ງນີ້:
ວັນທີ 27 ສິງຫາ 2016 ເວລາ 16:00 ມຽນມາ ພົບ ລາວ
ວັນທີ 29 ສິງຫາ 2016 ເວລາ 19:00 ໄທ ພົບ ລາວ
ວັນທີ 31 ສິງຫາ 2016 ເວລາ 16:00 ລາວ ພົບ ຈໍແດນ
ວັນທີ 03 ກັນຍາ 2016 ເວລາ 16:00 ກວມ ພົບ ລາວ

ທີມງານ laosportnews ຂໍເປັນໜຶ່ງກຳລັງໃຈ ຮ່ວມເຊຍ ທັບນັກກິລາບານເຕະຍິງ ທີມຊາດລາວ ແລະ ຈະນຳເອົາຜົນການແຂ່ງຂັນ ມາໃຫ້ທ່ານຜູ້ອ່ານ ໄດ້ຮັບຮູ້ຕື່ມພາຍຫຼັງ.

ຂອບໃຈຂໍ້ມູນ ແລະ ຮູບພາບຈາກ ສະຫະພັນ ບານເຕະແຫ່ງຊາດລາວ
the-afc.com
wikipedia.org
fathailand.org

http://laosportnews.com/

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...