ປະຊາຊົນເຢຍລະມັນກວ່າໝື່ນຄົນເດີນຂະບວນປະທ້ວງຕໍ່ຕ້ານການໃສ່ຜ້າປິດປາກ

ເວັບໄຊ sanook ລາຍງານໃຫ້ຮູ້ວ່າ ປະຊາຊົນເຢຍລະມັນປະມານ 17,000 ຄົນ ເດີນຂະບວນປະທ້ວງໃນນະຄອນເບີລິນ ເມື່ອວັນເສົາທີ່ຜ່ານມາ ເພື່ອຕໍ່ຕ້ານມາດຕະການທີ່ລັດຖະບານນຳມາໃຊ້ເພື່ອປ້ອງກັນການລະບາດຂອງເຊື້ອໄວຣັດໂຄວິດ-19 ລວມເຖິງການໃສ່ຜ້າປິດປາກໃນທີ່ສາທາລະນະ ໂດຍອ້າງວ່າເປັນການລະເມີດສິດທິ ແລະ ເສລີພາບຂອງປະຊາຊົນ.

ເຈົ້າໜ້າທີ່ຕຳຫຼວດເຢຍລະມັນລະບຸວ່າ ຜູ້ເຂົ້າຮ່ວມປະທ້ວງມີທັງກຸ່ມແນວຄິດເສລີນິຍົມ, ກຸ່ມສະໜັບສະໜູນລັດຖະທຳມະນູນ, ກຸ່ມຕໍ່ຕ້ານການຊັກວັກຊີນ ແລະ ຍັງມີກຸ່ມຕໍ່ຕ້ານການໃສ່ຜ້າປິດປາກອີກດ້ວຍ.

ການປະທ້ວງຄັ້ງນີ້ເກີດຂຶ້ນຫຼັງຈາກທ່ານ ໄມເຄິລ ບອລເວັກ ນັກທຸລະກິດ ແລະ ນັກການເມືອງຜູ້ລົງຊິງຕຳແໜ່ງເຈົ້າເມືອງສະຕຸດກາຣ໌ ໄດ້ອອກມາລົນນະລົງຕໍ່ຕ້ານການໃສ່ຜ້າປິດປາກທີ່ສາທາລະນະ ພ້ອມປຸກລະດົມໃຫ້ປະຊາຊົນຈຳນວນຫຼາຍຕໍ່ຕ້ານມາດຕະການດັ່ງກ່າວຂອງລັດຖະບານ.

ປັດຈຸບັນ,​ເຢຍລະມັນ ມີຜູ້ຕິດເຊື້ອສະສົມກວ່າ 200,000ຄົນ ແລະ ເສຍຊີວິດເກືອບ 1,000ຄົນ ແຕ່ຕົວເລກຜູ້ຕິດເຊື້ອໄດ້ເພີ່ມຂື້ນອີກ ຫຼັງຈາກທີ່ລັດຖະບານຜ່ອນຄາຍມາດຕະການປິດເມືອງ.

 

ຮຽບຮຽງຂ່າວ: ພຸດສະດີ

1 COMMENT

  1. ພວກຝຣັ່ງກໍ່ເປັນຈັ່ງຊີ້ແຫຼະ ຫົວແຂງບໍ່ຟັງໃຜ. ດີລະ ຕາຍໆໄປໃຫ້ໝົດຊະພວກຝຣັ່ງນີ່, ຄົນເອເຊຍຈັ່ງໄດ້ຂຶ້ນໄປເປັນໃຫຍ່ແທນ!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.