ປະຊາຊົນເມືອງຄຳຝາກຖາມໄຟຟ້າ ເປັນຫຍັງຈຶ່ງຕ້ອງຈ່າຍຄ່ານໍ້າມັນໃຫ້ພະນັກງານ

1
317
ຮູບປະກອບ: ໝໍ້ນັບໄຟ ບໍ່ກ່ຽວກັບບົດ

ປະຊາຊົນເມືອງຄຳທ່ານໜຶ່ງ ຝາກຂໍ້ຄວາມຜ່ານສຳນັກຂ່າວລາວໂພສຕ໌ ລັດວິສາຫະກິດໄຟຟ້າລາວວ່າ ເປັນຫຍັງຢູ່ບ້ານລ້ອງໄກ່ ເມືອງຄຳ ແຂວງຊຽງຂວາງ ພະນັກງານເກັບເງິນໄຟຟ້າຈຶ່ງຕ້ອງຮຽກຄ່ານໍ້າມັນລົດໃນການລົງໄປເກັບຄ່າໄຟຟ້ານຳປະຊາຊົນຄອບຄົວລະ 1,000 ກີບຕໍ່ເດືອນ ນີ້ແມ່ນນະໂຍບາຍຂອງບໍລິສັດຫຼືວ່າພະນັກງານຄົນນັ້ນໄປຕົວະກິນເງິນປະຊາຊົນ?

ປະຊາຊົນທ່ານດັ່ງກ່າວກ່າວວ່າ ຕົນເອງເຂົ້າໃຈວ່າຕາມທຳມະດາແລ້ວ ພະນັກງານທີ່ໄປເກັບຄ່າໄຟຟ້ານັ້ນແມ່ນທາງບໍລິສັດຜະລິດໄຟຟ້າເປັນຜູ້ຈ່າຍຄ່າແຮງງານໃຫ້ຜູ້ກ່ຽວ ແຕ່ເປັນຫຍັງຈຶ່ງຕ້ອງມາໃຫ້ປະຊາຊົນໄປຈ້າງມາເກັບຄ່າໄຟນຳປະຊາຊົນອີກ ຈຶ່ງຢາກຮຽກຮ້ອງໃຫ້ພາກສ່ວນທີ່ກ່ຽວຂ້ອງລົງກວດກາຕົວຈິງ ເພາະເຫດການດັ່ງກ່າວເຖິງແມ່ນວ່າເບິ່ງຄືໜ້ອຍ ແຕ່ລວມຫຼາຍບ້ານຫຼາຍເຮືອນແລະຫຼາຍເດືອນ ຈຳນວນເງິນກໍເປັນຈຳນວນຫຼາຍ ແລະທັງຍັງເປັນການເອົາປຽບປະຊາຊົນ.

1 ຄວາມ​ຄິດ​ເຫັນ

  1. 5555 ໄຟຟ້າລາວ ແມ່ນລັດວິສາຫະກິດ ໝາຍເຖິງ ເປັນຫົວໜ່ວຍທຸລະກິດຂອງລັດ ຄັນທຸລະກິດມັນກະໝາຍເຖິງການຄ້າ ມັນກະຕ້ອງມີລາຍຮັບ ແລ້ວເປັນຫຍັງຈຶ່ງມາຫາຕວະເອົາເງິນ ທາງໄຟຟ້າລາວຄວນກວດສອບດ່ວນ ພ/ງ ໄຟຟ້າລາວພວກຈົດເລກກົງເຕີ ສ່ວນຫລາຍແມ່ນຈ້າງເອກະຊົນ/ບຸກຄົນ ເພື່ອໄປຈົດຄ່າໄຟຟ້າ ສົ່ງບິນໄຟຟ້າ ພວກນີ້ຮັບຄ່າຈ້າງຈາກ ບໍລິສັດໄຟຟ້າລາວແຕ່ລະສາຂາ ແນ່ນອນວ່າແບບນີ້ມັນສວຍໂອກາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.