ປະຊາຊົນລັດເທັກຊັສປະເຊີນກັບຄວາມໜາວທີ່ສຸດໃນຮອບ 30ປີ ໄຟຟ້າດັບຕ້ອງຕົ້ມນໍ້າກັອກດື່ມ

ວັນທີ 18 ກຸມພາ 2020 ສຳນັກຂ່າວບີບີຊີ ລາຍງານສະຖານະການພາຍຸລະດູໜາວທີ່ຮ້າຍແຮງທີ່ເກີດຂຶ້ນໃນລັດເທັກຊັສ ທາງພາກໃຕ້ຂອງອາເມລິກາຈົນເຮັດໃຫ້ໄຟຟ້າດັບເປັນວົງກວ້າງປະຊາຊົນເກືອບ 7 ລ້ານຄົນຕ້ອງຕົ້ມນໍ້າປະປາກ່ອນດື່ມ ເນື່ອງຈາກໂຮງບຳບັດນໍ້າເສຍບໍ່ມີໄຟຟ້າ.

ພາຍຸລະດູໜາວລູກໃຫຍ່ເກີດຂື້ນທົ່ວລັດເທັກຊັສ ເຮັດໃຫ້ມີຄົນເສຍຊີວິດຢ່າງໜ້ອຍ 21 ຄົນ, ອຸນຫະພູມອາກາດຕໍ່າເປັນປະຫວັດສາດໃນຮອບຫຼາຍກວ່າ 30 ປີ ທີ່ 0 ອົງສາ ຫຼື -18 ອົງສາ ແລະ ຫຼາຍລ້ານຄົນບໍ່ມີກະແສໄຟຟ້າ ເນື່ອງຈາກຜູ້ຄົນພະຍາຍາມຮັກສາຄວາມອົບອຸ່ນ ຈົນແຫຼ່ງງານພະລັງຂອງລັດເທັກຊັສລົ້ມລົງ.

ອຸນຫະພູມທີ່ໜາວເຢັນຍັງເຮັດໃຫ້ທໍ່ນໍ້າລະເບີດ ເຖິງແມ່ນວ່າຈະມີບາງກຸ່ມຄົນໃຊ້ຜ້າຫົ່ມຕຸ້ມທໍ່ນໍ້າໄວ້ເພື່ອປ້ອງກັນຄວາມເຢັນແລ້ວກໍ່ຕາມ.

ທ່ານ ໂທບີ ເບເກີ ຫົວໜ້າຄະນະກຳມະທິການຄຸນນະພາບສິ່ງແວດລ້ອມລັດເທັກຊັສ ລະບຸວ່າບັນຫາລະບົບນໍ້າປະປາສົ່ງຜົນກະທົບຕໍ່ປະຊາຊົນຫຼາຍກວ່າ 260,000 ຄົນ.

ເມື່ອຕອນບ່າຍຂອງວັນພຸດຕາມເວລາທ້ອງຖິ່ນ ໜ່ວຍງານບໍລິການອາກາດແຫ່ງຊາດອາເມລິກາ ລາຍງານວ່າ ພາຍຸລະດູໜາວທີ່ຮ້າຍແຮງທີ່ສຸດເຄື່ອນຕົວຜ່ານລັດເທັກຊັສ ແຕ່ປະຊາຊົນອາເມລິກາຫຼາຍກວ່າ 100 ລ້ານຄົນຍັງຢູ່ພາຍໃຕ້ຄຳເຕືອນອາກາດລະດູໜາວ ສວ່ນອຸນຫະພູມທີ່ຕໍ່າເປັນປະຫວັດສາດຈະສືບຕໍ່ໄປອີກຫຼາຍວັນ ໂດຍຫິມະປົກຄຸມຫຼາຍກວ່າ 71% ຂອງອາເມລິກາ.

ຮຽບຮຽງຂ່າວ: ​ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.