ປະຊາຊົນຣັດເຊຍຍັງຕ້ອງການໃຫ້ ປູຕິນ ບໍລິຫານປະເທດໃນສະໄໝຕໍ່ໄປ

ເມື່ອວັນທີ 20 ກັນຍາ 2017 ສູນເລວາດາ (Levada Center) ອົງການວິໄຈອິດສະຫຼະໃນນະຄອນຫຼວງມອສໂກ ເປີດເຜີຍຜົນສຳຫຼວດວ່າຊາວຣັດເຊຍສ່ວນຫຼາຍຍັງຄົງຕ້ອງການໃຫ້ ປະທານາທິບໍດີ ວາລາດີເມຍ ປູຕິນ ດຳລົງຕຳແໜ່ງຜູ້ນຳປະເທດຕໍ່ໄປ ແລະ ບາງສ່ວນພ້ອມສະໜັບສະໜູນທາຍາດທາງການເມືອງທີ່ປູຕິນໜູນຫຼັງ

ການສຳຫຼວດໄດ້ເຮັດຂຶ້ນໃນລະຫວ່າງວັນທີ 18-22 ສິງຫາ 2017 ທີ່ຜ່ານມາ ລະບຸວ່າ ມີ 60 ເປີເຊັນຂອງຜູ່ຕອບຄຳຖາມທັງໝົດ 1,600 ຄົນ ໃນ 48 ໜ່ວຍເລືອກຕັ້ງທົ່ວປະເທດຈະລົງຄະແນນສຽງເລືອກ ປູຕິນຫາກມີການເລືອກຕັ້ງປະທານາທິບໍດີໃນເວລານີ້ ແລະ ປະມານ 67 ເປີເຊັນສົ່ງຄຳຕອບໃນແງ່ບວກຕໍ່ຄຳຖາມ “ທ່ານຕ້ອງການໃຫ້ປູຕິນເປັນຜູ້ນຳຣັດເຊຍຫຼັງປີ 2018 ຫຼື ບໍ່?”

ຂະນະດຽວກັນປະມານ 18 ເປີເຊັນຂອງຜູ້ຕອບຄຳຖາມພ້ອມສະໜັບສະໜູນຜູ້ເຂົ້າຊິງຕຳແໜ່ງປະທານາທິບໍດີທີ່ປູຕິນໜູນຫຼັງຢູ່ ເຊິ່ງໂຄສົກເຄຣມລິນ ກ່າວວ່າຜົນສຳຫຼວດດັ່ງກ່າວສະແດງເຖິງຄວາມໄວ້ວາງໃຈສູງສຸດທີ່ປະຊາຊົນມີຕໍ່ປູຕິນ ແລະ ນະໂຍບາຍຂອງເຂົາ

ໂດຍປູຕິນເອງປັດຈຸບັນ ໄວອາຍຸ 64 ປີແລ້ວ ຍັງບໍ່ໄດ້ປະກາດວ່າເຂົາຈະລົງເລືອກຕັ້ງໃນຄັ້ງນີ້ ຫຼື ບໍ່ ຫຼັງຈາກທີ່ເຂົາໄດ້ຮັບຄັດເລືອກເປັນຜູ້ນຳປະເທດເຖິງ 3 ສະໄໝແລ້ວ ເມື່ອປີ 2000,2004 ແລະ 2012

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.