spot_img
Homeຂ່າວທ້ອງຖິ່ນປະຊາຊົນມຽນມາຫຼາຍພັນຄົນແຫ່ໄວ້ອາໄລຍິງສາວທີ່ເສຍຊີວິດໃນການປະທ້ວງຕໍ່ຕ້ານລັດຖະປະຫານ

ປະຊາຊົນມຽນມາຫຼາຍພັນຄົນແຫ່ໄວ້ອາໄລຍິງສາວທີ່ເສຍຊີວິດໃນການປະທ້ວງຕໍ່ຕ້ານລັດຖະປະຫານ

Published on

ປະຊາຊົນມຽນມາຫຼາຍພັນຄົນໃນນະຄອນຫຼວງເນປິດໍ ອອກມາລວມຕົວກັນໄວ້ອາໄລໃນງານສົບຂອງຜູ້ປະທ້ວງຍິງຄົນໜຶ່ງທີ່ຖືກຍິງເສຍຊີວິດໃນຂະນະອອກມາຊຸມນຸມຕໍ່ຕ້ານການລັດຖະປະຫານເມື່ອຕົ້ນເດືອນກຸມພາທີ່ຜ່ານມາ.

ນາງ ເມຍະ ຕະແວະ ຂ່າຍ ຖືກຍິງທີ່ຫົວກ່ອນຄົບຮອບວັນເກີດອາຍຸຄົບ 20ປີ ເຊິ່ງເປັນໜຶ່ງໃນຈຳນວນ 3 ຄົນທີ່ເສຍຊີວິດໃນຂະນະປະທ້ວງ.

ປະຊາຊົນຫຼາຍພັນຄົນອອກມາຢືນທີ່ແຄມທາງໃນລະຫວ່າງຂະບວນແຫ່ສົບເຄື່ອນຜ່ານໄປ ບາງຄົນຊູສາມນິ້ວເຊິ່ງເປັນສັນຍາລັກສະນະຕໍ່ຕ້ານການຢຶດອຳນາດ.

ຄຳໝັ້ນສັນຍາທີ່ຈະຈັດການເລືອກຕັ້ງບໍ່ປະສົບຜົນສຳເລັດໃນການຢຸດການປະທ້ວງນັບມື້ນັບລຸກລາມໄປຕາມເມືອງຕ່າງໆ ແລະ ມີການຮຽກຮ້ອງໃຫ້ປ່ອຍຕົວທ່ານນາງ ອອງ ຊານ ຊູຈີ ຜູ້ທີ່ຖືກກ່າວຫາວ່າມີການຄອບຄອງເຄື່ອງວິທະຍຸສ່ສານຢ່າງຜິດກົດໝາຍ ແລະ ລະເມີດກົດໝາຍວ່າດ້ວຍ “ການເຂົ້າເມືອງແບບຜິດກົດໝາຍ”.

ໃນວັນທີ 20 ກຸມພາ ທີ່ຜ່ານມາ ເຈົ້າໜ້າທີ່ຕຳຫຼວດໄດ້ປາບປາມຜູ້ປະທ້ວງຕໍ່ຕ້ານລັດຖະປະຫານທີ່ເມືອງມັນດາເລ ເຮັດໃຫ້ມີຜູ້ເສຍຊີວິດ 2 ຄົນ ມີລາຍງານວ່່າໜຶ່ງໃນນັ້ນແມ່ນເຍົາວະຊົນຊາຍຖືກຍິງທີ່ຫົວ ສະຖານະການໃນປະເທດມຽນມາແມ່ນເຄັ່ງຕຶງ ແລະ ຮຸນແຮງຂຶ້ນໃນຂະນະທີ່ປະຊາຊົນສືບຕໍ່ຊຸມນຸມປະທ້ວງຕໍ່ຕ້ານການກໍ່ລັດຖະປະຫານເປັນເວລາ 3 ອາທິດໃນບັນດາເມືອງຕ່າງໆໃນທົ່ວປະເທດ.

ນາງ ເມຍະ ຕະແວະ ຂ່າຍ ນາງໄດ້ຖືກຍິງໃນຂະນະທີ່ຕຳຫຼວດພະຍາຍາມສະຫຼາຍການຊຸມນຸມເມື່ອວັນທີ 9 ກຸມພາ ທີ່ຜ່ານມາ ແລະ ນາງຕ້ອງໄດ້ໃຊ້ເຄື່ອງຊ່ວຍຫາຍໃຈເປັນເວລາ 10ມື້ ຈົນຮອດມື້ວັນທີ 19 ກຸມພາ ນາງໄດ້ເສຍຊີວິດລົງ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...