spot_img
Homeຂ່າວທ້ອງຖິ່ນປະຊາຊົນພາກເໜືອຫາພາກກາງຍັງຕ້ອງກຽມຕົວພົບກັບຝົນຕົກ, ຟ້າຮ້ອງ, ຟ້າເຫຼື້ອມ ພ້ອມມີລົມພັດແຮງ

ປະຊາຊົນພາກເໜືອຫາພາກກາງຍັງຕ້ອງກຽມຕົວພົບກັບຝົນຕົກ, ຟ້າຮ້ອງ, ຟ້າເຫຼື້ອມ ພ້ອມມີລົມພັດແຮງ

Published on

ທາງກົມອຸຕຸນິຍົມ ແລະ ອຸທົກກະສາດອອກແຈ້ງເຕືອນ ກ່ຽວກັບສະພາບອາກາດໃນລະຫວ່າງວັນທີ 18-20 ມີນາ 2019 ນີ້ວ່າ ຍ້ອນຄວາມກົດດັນສູງຂອງອາກາດເຢັນຈາກປະເທດຈີນຈະມີກຳລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກພັດປົກຄຸມພາກເໜືອ, ສ່ວນພາກກາງຫາພາກໃຕ້ ລົມຕາເວັນອອກສຽງໃຕ້ຈະພັດປົກຄຸມ, ເຊິ່ງຈະເຮັດໃຫ້ມີຝົນຕົກ ຟ້າຮ້ອງ, ຟ້າເຫຼື້ອມ,​ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອຫາພາກກາງ, ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ຈົ່ງມີສະຕິຕໍ່ສະພາບອາກາດທີ່ຈະເກີດຂຶ້ນໃນໄລຍະໜຶ່ງອາທິດຕໍ່ໜ້າ ແລະ ໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.

ເມື່ອວັນທີ 18 ມີນາ 2019 ໄດ້ເກີດມີຝົນຕົກຟ້າຮ້ອງ, ຟ້າເຫຼື້ອມ ຢູ່ເຂດພາກກາງ ທີ່ເມືອງໝື່ນ ແຂວງວຽງຈັນ ເກີດຟ້າລົມຝົນຕົກແຮງ ພ້ອມມີໝາກເຫັບຕົກລົງມາ, ສ່ວນນະຄອນຫຼວງວຽງຈັນກໍ່ໄດ້ຮັບຜົນກະທົບຈາກພາຍຸລະດູຮ້ອນໃນຄັ້ງນີ້ ໂດຍສະເພາະເຂດບ້ານເວີນຄຳ, ບ້ານຈະເລີນໄຊ ເມືອງ ໄຊທານີ ນະຄອນຫຼວງວຽງຈັນ ໄດ້ເຮັດໃຫ້ບ້ານເຮືອນປະຊາຊົນເສຍຫາຍ, ໜັກກວ່າໝູ່ແມ່ນວິທະຍາຄາສັນຕິບານປະຊາຊົນຊົນ ຫຼື ວປສ ແຫ່ງຊາດ ໄດ້ເຮັດໃຫ້ຕຶກອາຄານທັງໂຮງຮຽນ,​ໂຮງໝໍ,​ ຫໍພັກໜັກສສຶກສາເປ່ເພ,​ ຕົ້ນໄມ້ ແລະ ເສົາໄຟຟ້າຫັກ ປະເມີນຄວາມເສຍຫາຍໃນຄັ້ງນີ້ກວ່າ 100 ລ້ານກີບ.

ຫຼ້າສຸດ, ໃນວັນທີ 19 ມີນາ 2019 ມີລາຍງານເຂົ້າມາວ່າ ຢູ່ບ້ານແປນ ເມືອງພູກູດ ແຂວງຊຽງຂວາງ ມື້ເຊົ້ານີ້ ເກີດສະພາບ ຝົນຕົກຫນັກ ພ້ອມມີຫມາກເຫັບຕົກ ເປັນຈໍານວນຫຼາຍ ເຮັດໃຫ້ທົ່ວທຸກພື້ນທີ່ ປົກຄຸມໄປດ້ວຍສີຂາວ ຄ້າຍຫິມະຕົກ.

https://www.facebook.com/100008426206713/videos/2100895510201302/

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ວິດີໂອ: Kongsue Her

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...