spot_img
Homeຂ່າວຢາເສບຕິດປກສ ເມືອງຄໍາເກີດ ສະກັດກັ້ນລົດບັນທຸກຂົນກັນຊາ

ປກສ ເມືອງຄໍາເກີດ ສະກັດກັ້ນລົດບັນທຸກຂົນກັນຊາ

Published on

ເຈົ້າໜ້າທີ່ວິຊາສະເພາະ ປກສ ເມືອງຄໍາເກີດ ແຂວງບໍລິຄໍາໄຊ ໃຫ້ຮູ້ວ່າ: ໃນວັນທີ 21 ທັນວາ ປີ 2022 ມີພົນລະເມືອງດີແຈ້ງວ່າ: ຈະມີການເຄື່ອນຍ້າຍສີ່ງເສບຕິດ ປະເພດຄັນຊາ ໂດຍໃຊ້ລົດບັນທຸກ ເປັນພາຫະນະເຄື່ອນຍ້າຍ, ດັ່ງນັ້ນ ເຈົ້າໜ້າທີ່ວິຊາສະເພາະ ຈີ່ງໄດ້ຈັດຕັ້ງກໍາລັງວິຊາສະເພາະ ສົມທົບກັບກໍາລັງ ປກສ ກຸ່ມບ້ານໜອງກອກ ເພື່ອຕິດຕາມເປົ້າໝາຍ ແລະ ສະກັດກັ້ນ.

ມາຮອດເວລາປະມານ 21 ໂມງ 15 ນາທີ ຂອງວັນດຽວກັນ ຈີ່ງພົບເຫັນລົດເປົ້າໝາຍກໍາລັງຂັບເຄື່ອນອອກມາດ້ວຍຄວາມໄວ ຈາກເຂດບ້ານໜອງຊົງ ເມືອງຄໍາເກີດ ແຂວງບໍລິຄໍາໄຊ ມຸ່ງໜ້າອອກມາສູ່ສາຍທາງເລກ 8A ເມື່ອມາຮອດ ເຂດບ້ານໜອງກອກ ເຈົ້າໜ້າທີ່ຈີ່ງໄດ້ສະກັດລົດຄັນດັ່ງກ່າວແຕ່ຄົນຂັບບໍ່ຍອມຈອດລົດ ແລະ ຂັບຜ່ານຈຸດສະກັດກັ້ນຂອງເຈົ້າໜ້າທີ່ ມຸ່ງໜ້າໄປທາງເມືອງຄູນຄໍາ ແຂວງຄໍາມ່ວນ, ດັ່ງນັ້ນເຈົ້າໜ້າທີ່ວິຊາສະເພາະ ປກສ ເມືອງຄໍາເກີດ ຈີ່ງໄລ່ຕິດຕາມລົດຄັນນດັ່ງກ່າວໄປ ແຕ່ເຫັນວ່າລົດຄັນດັ່ງກ່າວບໍ່ຍອມຢຸດ ຈີ່ງໄດ້ປະສານ ຫາເຈົ້າໜ້າທີ່ ປກສ ເມືອງຄູນຄໍາ ແຂວງຄໍາມ່ວນ ເພື່ອສະກັດຊ່ວຍ ແຕ່ລົດຄັນດັ່ງກ່າວກໍບໍ່ຍອມຈອດ ແລະ ຍັງໄດ້ຂັບຜ່າດ່ານກວດກາຂອງເຈົ້າໜ້າທີ່ ປກສ ເມືອງຄູນຄໍາ ແຂວງຄໍາມ່ວນ ມາຈົນຮອດເຂດບ້ານ ນາຂາມ ເມືອງຄູນຄໍາ ແຂວງຄໍາມ່ວນ ລົດເປົ້າໝາຍຈີ່ງໄດ້ຈອດ ສ່ວນຜູ້ຂັບຂີ່ລົດຄັນດັ່ງກ່າວແມ່ນໄດ້ເອົາຕົວຫຼົບໜີເຂົ້າໄປໃນປ່າ.

ດັ່ງນັ້ນ ເຈົ້າໜ້າທີ່ຈີ່ງກວດກາລົດຄັນດັ່ງກ່າວ ເຊີ່ງເປັນລົດບັນທຸກ ສີແດງ ປ້າຍທະບຽນ 38H 008.02 ພົບເຫັນສີ່ງເສບຕິດ ປະເພດຄັນຊາອັດແທ່ງ ຈໍານວນ 26 ເປົາ ໜໍ້າໜັກ 1,347 ກິໂລກຼາມ, ຄັນຊາ ບໍ່ໄດ້ອັດ ຈໍານວນ 18 ເປົາ ນໍ້າໜັກ 322 ກິໂລກຼາມ, ລວມທັງໝົດ 44 ເປົາ ນໍ້າໜັກ 1.669 ກິໂລກຼາມ, ແລ້ວເຈົ້າໜ້າທີ່ວິຊາສະເພາະຈີ່ງໄດ້ນໍາເອົາລົດ ແລະ ຂອງກາງຄະດີ ເຂົ້າມາເກັບຮັກສາໄວ້ທີ່ກອງບັນຊາການ ປກສ ເມືອງຄໍາເກີດ ເພື່ອຊອກຫາຜູ້ທີ່ກະທໍາຜິດຄັ້ງນີ້ມາດໍາເນີນຄະດີຕາມກົດໝາຍ ສ່ວນຄັນຊາຈໍານວນ 1.669 ກິໂລກຼາມ ຈະໄດ້ນໍາສົ່ງ ກອງບັນຊາການ ປກສ ແຂວງບໍລິຄໍາໄຊ ເພື່ອທໍາລາຍຕາມລະບຽບກົດໝາຍໃນຂັ້ນຕໍ່ໄປ.

ທີ່ມາ: ຄວາມສະຫງົບແຂວງບໍລິຄຳໄຊ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...