spot_img
Homeຂ່າວທ້ອງຖິ່ນບໍລິສັດ ພີເອັສ ໄດ້ໃຫ້ການຊ່ວຍເຫຼືອສ້າງໂຮງຮຽນຫຼັງໃໝ່ ຢູ່ບ້ານສົມສະນຸກ ເມືອງຫີນເຫີບ

ບໍລິສັດ ພີເອັສ ໄດ້ໃຫ້ການຊ່ວຍເຫຼືອສ້າງໂຮງຮຽນຫຼັງໃໝ່ ຢູ່ບ້ານສົມສະນຸກ ເມືອງຫີນເຫີບ

Published on

ບໍລິສັດ ພີເອັສ ສົ່ງເສີມກະສິກຳ ແລະ ອຸດສາຫະກຳ ຄົບວົງຈອນ ຂາເຂົ້າ-ຂາອອກ ຈຳກັດຜູ້ດຽວ ໄດ້ຈັດພິທິ ມອບ-ຮັບ ໂຮງຮຽນປະຖົມສົມບູນຫລັງໃໝ່ ໃຫ້ແກ່ປະຊາຊົນ ບ້ານຈັດສັນໃໝ່ ບ້ານສົມສະນຸກ, ເມືອງຫີນເຫີບ, ແຂວງວຽງຈັນ, ໃນວັນທີ 9 ຕຸລາ ນີ້, ລວມມູນຄ່າ ການກໍ່ສ້າງທັງໝົດ 1,6 ຕື້ກີບ ໃຫ້ກຽດເຂົ້າຮ່ວມ ໂດຍມີ ທ່ານ ຈະເລີນ ເຢຍປາວເຮີ ລັດຖະມົນຕີ ປະຈຳສຳນັກງານ ນາຍົກລັດຖະມົນຕີ, ທ່ານ ລີຕູ້ ບົວປາວ ຮອງລັດຖະມົນຕີ ກະຊວງສຶກສາທິການ ແລະ ກິລາ, ເຈົ້າເມືອງໆຫີບເຫີບ ພ້ອມດ້ວຍ ພໍ່-ແມ່ ປະຊາຊົນ ເຂົ້າຮ່ວມ
ທ່ານນາງ ສຸກນາລີ ເທບສີເມືອງ ປະທານບໍລິສັດ ບໍລິສັດພີເອັສ ສົ່ງເສີມກະສິກຳ ແລະ ອຸດສາຫະກຳ ຄົບວົງຈອນ ຂາເຂົ້າ-ຂາອອກ ຈຳກັດຜູ້ດຽວ ໄດ້ເປີດເຜີຍໃຫ້ຮູ້ວ່າ: ໂຮງຮຽນດັ່ງກ່າວ, ໄດ້ເລີ່ມລົງມືກໍ່ສ້າງ ມາແຕ່ເດືອນພຶດສະພາ ຜ່ານມາ, ລັກສະນະຂອງອາຄານ ເປັນຮູບໂຕຢູ ປະກອບມີ 5 ຫ້ອງຮຽນ, 1 ຫ້ອງພັກຄູ, 1 ຫ້ອງສະໝຸດ ແລະ 8 ຫ້ອງນ້ຳ ຍິງ-ຊາຍ ແລະ ຫໍພັກຄູ 4 ຫ້ອງ ພ້ອມທັງ ອຸປະກອນ ໂຕະ, ຕັ່ງ, ກະດານດຳ ແລະ ອື່ນໆ ໂດຍແມ່ນ ບໍລິສັດ ພີເອັສ ສົ່ງເສີມກະສິກຳ ແລະ ອຸດສາຫະກຳ ຄົບວົງຈອນ ຂາເຂົ້າ-ຂາອອກ ຈຳກັດຜູ້ດຽວ ເປັນຜູ້ໃຫ້ການ ສະ ໜັບສະໜູນ ທາງດ້ານທຶນຮອນ ທັງໝົດ ລວມມູນຄ່າການກໍ່ສ້າງ ທັງໝົດ 1,6 ຕື້ກີບ
ທ່ານ ລີຕູ້ ບົວປາວ ກໍໄດ້ສະແດງ ຄວາມຂອບໃຈ ຕໍ່ບໍລິສັດ ດັ່ງກ່າວ, ທີ່ເຫັນໄດ້ ຄວາມສຳຄັນ ຕໍ່ວຽກງານການສຶກສາ ທີ່ໃຫ້ການສະໜັບສະໜູນ ຊ່ວຍເຫລືອທາງດ້ານທຶນຮອນ ປຸກສ້າງໂຮງຮຽນຫລັງນີ້, ໃຫ້ແກ່ບ້ານດັ່ງກ່າວ ເຊິ່ງເປັນການ ປະກອບສ່ວນສຳຄັນ ໃນການພັດທະນາ ຊັບພະຍາກອນມະນຸດ ໃນ ສປປ ລາວ ເວົ້າລວມ ເວົ້າສະເພາະ ກໍຄືປະຊາຊົນ ບ້ານສົມສະນຸກ ໃຫ້ໄດ້ຮັບການສຶກສາທີ່ດີ ແນ່ໃສ່ເຮັດໃຫ້ ຫລຸດພົ້ນອອກຈາກ ຄວາມກືກໜັງສື ແລະ ອື່ນໆ

ຂ່າວ: ສຳນັກຂ່າວສານະເທດລາວ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...