spot_img
Homeຂ່າວຕ່າງປະເທດບໍລິສັດເຄື່ອງສຳອາງຍັກໃຫຍ່ຈະຢຸດຕິການຂາຍຄຣີມບຳລຸງຜິວຂາວໃນອາຊີ

ບໍລິສັດເຄື່ອງສຳອາງຍັກໃຫຍ່ຈະຢຸດຕິການຂາຍຄຣີມບຳລຸງຜິວຂາວໃນອາຊີ

Published on

ເວັບໄຊ laotiantimes ລາຍງານວ່າ ບໍລິສັດ ຈອນສັນ ແອນ ຈອນສັນ ຕັດສິນໃຈທີ່ຈະຢຸດຕິການຂາຍຄຣີມຜິວຂາວທີ່ໄດ້ຮັບຄວາມນິຍົມໃນອາຊີ ແລະ ປາຊີຟິກ (APAC) ຫຼັງຈາກໄດ້ຮັບແຮງກົດດັນຈາມສັງຄົມທ່າມກາງຂໍ້ຂັດແຍ້ງກັນກ່ຽວກັບຄວາມບໍ່ເທົ່າທຽມທາງເຊື້ອຊາດ ແລະ ການຢຽດສີຜິວ.

ສຳນັກຂ່າວຣອຍເຕີລາຍງານວ່າ ບໍລິສັດ ຈອນສັນ ແອນ ຈອນສັນ ຈະຢຸດຂາຍຜະລິດຕະພັນ Clean & Clear Fairness ທີ່ຂາຍໃນອິນເດຍ ແລະ ຈະລະງັບການຂາຍຜະລິດຕະພັນ Neutrogena Fine Fairness ເຊິ່ງມີຢຸ່ໃນອາຊີ ແລະ ປາຊີຟິກ (APAC) ເນື່ອງຈາກຊື່ຂອງຜະລິດຕະພັນ ແລະ ການອ້າງສັບພະຄຸນໃນຜະລິດຕະພັນຫຼຸດຈຸດດ່າງດຳ ນັ້ນສະແດງໃຫ້ເຫັນວ່າການມີຜິວສີຈາງ ຫຼື ຜິວສີຂາວເປັນສິ່ງທີ່ດີກວ່າສີຜິວທີ່ເປັນເອກະລັກ ສິ່ງນີ້ມັນບໍ່ແມ່ນຄວາມຕັ້ງໃຈຂອງບໍລິສັດ ຜິວທີ່ມີສຸຂະພາບດີຄືຜິວທີ່ສວຍງາມ.

ເຊິ່ງທາງບໍລິສັດຈະບໍ່ຜະລິດ ແລະ ຈັດສົ່ງຜະລິດຕະພັນນີ້ອີກຕໍ່ໄປ ແຕ່ສິນຄ້າອາດຍັງປະກາດເທິງຊັ້ນວາງຈຳໜ່າຍຕາມຫ້າງຮ້ານຕ່າງໆ ເນື່ອງຈາກສິນຄ້າຍັງຄົງຄ້າງຢູ່ໃນສາງ ນອກຈາກນີ້ຍັງມີຄົນຫຼາຍກວ່າ 11,000 ຄົນ ລົງນາມໃນການລົນນະລົງເພື່ອຮຽກຮ້ອງໃຫ້ຢູນິລີເວີຢຸດຂາຍຜະລິດພັນ Fair & Lovely ຜະລິດຕະພັນຜິວຂາວທີ່ວາງຂາຍໃນຕະຫຼາດໃນອິນເດຍ ແລະ ຕະເວັນອອກກາງ.

ຄຣີມທີ່ຈະເຮັດໃຫ້ຜິວຂາວ ແລະ ໄດ້ຮັບຄວາມນິຍົມຈາກແມ່ຍິງໃນອາຊີ ແລະ ຕາເວັນອອກກາງ ໂດຍຜູ້ຜະລິດເຄື່ອງສຳອາງທີ່ໃຫຍ່ທີ່ສຸດໃນໂລກເຊັ່ນ: Unilever, Procter & Gamble ແລະ L’Oreal.

ຜະລິດຕະພັນບຳລຸງຜິວໜ້າ ດັ່ງກ່າວ ແມ່ນຖືກຈຳໜ່າຍຢ່າງຫຼວງຫຼາຍໃນປະເທດລາວ ແລະ ໂດຍທົ່ວໄປແມ່ນນຳເຂົ້າຈາກຕົວແທນຈຳໜ່າຍຂອງໄທ, ເຊິ່ງກວມເອົາເຄິ່ງໜຶ່ງຂອງຕະຫຼາດ ສຳລັບຄຣີມບຳລຸງຜິວໜ້າ ທີ່ມີມູນຄ່າ 320 ລ້ານໂດລາຂອງໄທ.

ອີງຕາມ Euromonitor International ພາກພື້ນອາຊີ – ປາຊີຟິກ (APAC) ປະຈຸບັນແມ່ນຕະຫຼາດ ບຳລຸງຜິວທີ່ໃຫຍ່ທີ່ສຸດຂອງໂລກ, ເຊິ່ງມີປະລິມານເຄື່ອງສຳອາງຜິວ ໜັງ ປະມານ 6,277 ໂຕນໄດ້ຖືກຂາຍທົ່ວໂລກໃນປີກາຍນີ້.

 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຮັດແໜ້ນການພົວພັນຮ່ວມມື ລັດຖະມົນຕີກະຊວງການຕ່າງປະເທດ ເຂົ້າພົບປະລັດຖະມົນຕີກະຊວງການຕ່າງປະເທດບຣູໄນ

ໂດຍຕອບສະໜອງຕາມການເຊື້ອເຊີນຂອງ ທ່ານ ດາໂຕະ ເອີຣິວານ ເປຮິນ ຢູສອບ (Dato Erywan Pehin Yusof) ລັດຖະມົນຕີກະຊວງການຕ່າງປະເທດ ຜູ້ທີ 2 ແຫ່ງ...

ຖືກສົ່ງກັບປະເທດ! ພົນລະເມືອງ ສ.ເກົາຫຼີ 64 ຄົນ ທີ່ຕ້ອງສົງໃສມີສ່ວນກ່ຽວຂ້ອງກັບແກ້ງຄໍເຊັນເຕີ ໃນປະເທດ ກຳປູເຈຍ

ພົນລະເມືອງ ສ.ເກົາຫຼີ 64 ຄົນ ຖືກສົ່ງຕົວກັບປະເທດ ເນື່ອງຈາກເປັນເປັນຜູ້ຕ້ອງສົງໃສມີສ່ວນກ່ຽວຂ້ອງກັບແກ້ງຄໍເຊັນເຕີໃນປະເທດ ກຳປູເຈຍ. ອີງຕາມສຳນັກຂ່າວ AFP ລາຍງານໃນວັນທີ 18 ຕຸລາ 2025 ຜ່ານມາ, ຈາກກໍລະນີປະຊາຊົນ...

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...