spot_img
Homeຂ່າວນໍ້າຖ້ວມບໍລິສັດຜູ້ຖືຫຸ້ນກໍ່ສ້າງເຂື່ອນເຊປຽນ-ເຊນ້ຳນ້ອຍໄທ ມອບເງິນໃຫ້ລາວ 1.3 ຕື້ກີບ

ບໍລິສັດຜູ້ຖືຫຸ້ນກໍ່ສ້າງເຂື່ອນເຊປຽນ-ເຊນ້ຳນ້ອຍໄທ ມອບເງິນໃຫ້ລາວ 1.3 ຕື້ກີບ

Published on

ເຖິງແມ່ນວ່າຈະຜ່ານມາເປັນວັນທີ 3 ແລ້ວ ແຕ່ຍັງມີປະຊາຊົນຈຳນວນຫຼາຍພັນຄົນລໍຄອຍການຊ່ວຍເຫຼືອ ເນື່ອງຈາກສະຖານທີ່ປະສົບໄພເຊິ່ງປະກອບດ້ວຍ 6 ໝູ່ບ້ານ ໃນເມືອງ ສະໜາມໄຊ ແຂວງອັດຕະປື ເປັນພື້ນທີ່ຫ່າງໄກ ເຊິ່ງຕິດກັບເຂດຊາຍແດນປະເທດຫວຽດນາມ ແລະ ກຳປູເຈຍ ຂະນະທີ່ການເດີນທາງເຂົ້າໄປຊ່ວຍເຫຼືອກໍ່ເປັນໄປໄດ້ຍາກລຳບາກເພາະເສັ້ນທາງຄົມມະນາຄົມບາງແຫ່ງຖືກຕັດຂາດເນື່ອງຈາກກະແສນ້ຳໄຫລແຮງ

ຢ່າງໃດກໍ່ຕາມຜູ້ສື່ຂ່າວບີບີຊີໃນນະຄອນຫລວງໂຊລ ຂອງເກົາຫຼີໃຕ້ລາຍງານວ່າ ທ່ານ ມຸນແຈອິນ ປະທານາທິບໍດີ ເກົາຫຼີໃຕ້ ໄດ້ມີຄຳສັ່ງໃຫ້ທີມກູ້ໄພສຸກເສີນເດີນທາງມາທີ່ ສປປ ລາວ ເພື່ອຊ່ວຍເຫຼືອ ແລະ ຄົ້ນຫາຜູ້ສູນຫາຍແລ້ວ

ດ້ານທ່ານ ອັນແຈ-ຮະຍອນ ຫົວໜ້າບໍລິຫານ (ຊີອີໂອ) ຂອງບໍລິສັດ SK Engineering and Construction ໄດ້ເດີນທາງລົງພື້ນທີ່ເພື່ອເປັນຜູ້ນຳປະຕິບັດກູ້ໄພ ໂດຍມີການຕັ້ງທີມປະຕິບັດການສຸກເສີນເພື່ອກວດສອບຄວາມເສຍຫາຍທີ່ເກີດຂຶ້ນແລ້ວ

ຂະນະທີ່ບໍລິສັດ ຜະລິດໄຟຟ້າ ຣາຊບູລີ ໂຮລດິ້ງ ຈຳກັດ (ມະຫາຊົນ) ເຊິ່ງເປັນ 1 ໃນຜູ້ຖືຫຸ້ນຂອງໂຄງການໄດ້ເປີດເຜີຍຜ່ານຖະແຫຼງການສະບັບທີ 2 ໃນວັນທີ 25 ກໍລະກົດ 2018 ວ່າໃຫ້ເງິນຊ່ວຍເຫຼືອ 1.3 ຕື້ກີບ ແກ່ທາງລັດຖະບານ ສປປ ລາວ ແລະ ຕອນນີ້ຜູ້ບໍລິຫານລະດັບສູງຂອງບໍລິສັດ ພ້ອມທີມງານໄດ້ເດີນທາງໄປທີ່ ສປປ ລາວແລ້ວ ເພື່ອດຳເນີນດ້ານການຊ່ວຍເຫຼືອແກ່ຜູ້ປະສົບໄພ ພ້ອມທັງປະສານຂໍການສະໜັບສະໜູນຈາກເຈົ້າແຂວງ ອຸບົນຣາຊທານີ ແລະ ການໄຟຟ້າຝ່າຍຜະລິດແຫ່ງປະເທດໄທດ້ານເຄື່ອງອຸປະໂພກ ແລະ ບໍລິໂພກ ຕະຫຼອດຈົນຮອດລະບົບສາທາລະນະສຸກຊົ່ວຄາວ ເພື່ອບັນເທົາຄວາມເດືອດຮ້ອນໃນຊ່ວງການຟື້ນຟູແກ່ຜູ້ປະສົບໄພໃນພື້ນທີ່ ທັງນີ້ບໍລິສັດຢືນຢັນວ່າຈະໃຫ້ຄວາມຮ່ວມມື ສະໜັບສະໜູນທາງການລາວ ຢ່າງເຕັມທີ່ຕໍ່ໄປ.

 

ແຫລ່ງຂ່າວ: www.bbc.com

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...